ವಿಶ್ವದ ಅತಿದೊಡ್ಡ ಕೆನ್ನೆ ಹೊಂದಿರುವ ಈಕೆ ಮೊದಲು ಹೇಗಿದ್ದಳು ಗೊತ್ತೇ? ಕಾಸ್ಮೆಟಿಕ್ ಶಸ್ತ್ರ ಚಿಕಿತ್ಸೆ ಪಡೆದು ಹೇಗಾಗಿದ್ದಾಳೆ ನೋಡಿ

ಮಾಡೆಲ್ ಆಗಿರುವ ಯುತಿಯೊಬ್ಬಳು ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್​ವೊಂದನ್ನು ಹಂಚಿಕೊಂಡಿದ್ದಾರೆ. ಕಾಸ್ಮೆಟಿಕ್ ಶಸ್ತ್ರ ಚಿಕಿತ್ಸೆ ಮಾಡಿಸಿಕೊಂಡ ಅವರು ಬಳಿಕ ಹೇಗಾಗಿದ್ದಾರೆ ಎಂಬ ಫೋಟೋ ಫುಲ್ ವೈರಲ್ ಆಗಿದೆ. ಶಸ್ತ್ರ ಚಿಕಿತ್ಸೆಗೂ ಮುನ್ನ ಮಾಡೆಲ್ ಹೇಗಿದ್ದರು… ಬಳಿಕ ಹೇಗಾಗಿದ್ದಾರೆ ಎಂಬ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿದೆ. ಬಹಳ ಸುಂದರವಾಗಿ ಕಾಣುತ್ತೀರಿದ್ದೀರಿ ಎಂದು ಕೆಲವು ಪ್ರತಿಕ್ರಿಯೆ ಹಂಚಿಕೊಂಡರೆ ಇನ್ನು ಕೆಲವರು ವಿಚಿತ್ರವಾಗಿದೆ ಎಂಬ ಅಭಿಪ್ರಾಯಗಳನ್ನೂ ಸಹ ಹಂಚಿಕೊಂಡಿದ್ದಾರೆ.

ಉಕ್ರೇನ್​ನ 31 ವರ್ಷದ ಅನಸ್ತಾಸಿಯಾ ಪೊಕ್ರೇಶ್ಚುಕ್ ಎಂಬ ಹೆಸರಿನ ಯುವತಿ ವೃತ್ತಿಯಲ್ಲಿ ಮಾಡೆಲ್. ಅವರನ್ನು ಗಮನಿಸುವಂತೆ ಊದಿರುವ ಕೆನ್ನೆಗಳು ಮತ್ತು ಸೌಂದರ್ಯವರ್ಧಕಗಳಿಗಾಗಿ 1.53 ಲಕ್ಷಕ್ಕೂ ಹೆಚ್ಚು ಖರ್ಚು ಮಾಡಿದ್ದಾರೆ.

ಗುಲಾಬಿ ಬಣ್ಣದ ತಲೆಕೂದಲು, ಉಬ್ಬಿರುವ ಕೆನ್ನೆಗಳನ್ನು ಪಡೆಯುವ ಮೊದಲು ಅವರು ತೆಳುವಾದ ಹುಬ್ಬುಗಳನ್ನು ಹೊಂದಿದ್ದರು. ತಲೆ ಕೂದಲೂ ಸಹ ತುಂಬಾ ತೆಳುವಾಗಿತ್ತು. ನೈಸರ್ಗಿಕವಾದ ಕೆನ್ನೆಗಳೊಂದಿಗೆ ನೋಟ ಸಪ್ಪೆಯೆನಿಸುತ್ತಿತ್ತು, ಜತೆಗೆ ಇಲಿ ಮರಿಯಂತೆ ಕಾಣಿಸುತ್ತಿದ್ದೆ ಎಂದು ಪೊಕ್ರೇಶ್ಚುನ್ ಹೇಳಿದ್ದಾರೆ.

ಈ ಪೋಸ್ಟ್ ಫುಲ್ ವೈರಲ್ ಆಗಿದೆ. 16,000ಕ್ಕೂ ಹೆಚ್ಚು ಲೈಕ್ಸ್​ಗಳನ್ನು ಪಡೆದುಕೊಂಡಿದೆ. ಅನೇಕರು ಪೊಕ್ರೇಶ್ಚುಕ್ ಅವರ ನೋಟವನ್ನು ಇಷ್ಟಪಟ್ಟಿದ್ದರೆ ಇನ್ನು ಕೆಲವರು ಹೆಚ್ಚು ಇಷ್ಟಪಡಲಿಲ್ಲ. ನಾನು ಇಂಜಕ್ಷನ್ ತೆಗೆದುಕೊಂಡ ನಂತರ ನನ್ನ ಕೆನ್ನೆಗಳು ಬದಲಾವಣೆ ಹೊಂದಿದವು. ನನ್ನ ಮುಖ ಬದಲಾಯಿತು. ನೋಡುಗರಿಗೆ ವಿಚಿತ್ರವಾಗಿ ಕಾಣುತ್ತಿದ್ದೇನೆ ಎಂಬುದು ನನಗೆ ಅರ್ಥವಾಯಿತು. ಆದರೆ ನನ್ನ ಮನಸ್ಸಿಗೆ ಇಷ್ಟವಾಗಿದೆ ಎಂದು ಹೇಳಿದ್ದಾರೆ.

ಮೊದಲಿಗೆ ನಾನು ಹೆಚ್ಚು ನಾಚಿಕೆ ಪಡುತ್ತಿದ್ದೆ. ಕೆಲವು ಸ್ನೇಹಿತರು ನನ್ನ ನೋಟ ತುಂಬಾ ಸುಂದರವಾಗಿದೆ ಎಂದು ಹೇಳಿದ್ದಾರೆ. ಕೆಲವರು ನನ್ನನ್ನು ಹೆಚ್ಚು ಇಷ್ಟಪಟ್ಟಿಲ್ಲ. ನಾನು ಅಂತಹ ಮಾತುಗಳನ್ನು ನಿರ್ಲಕ್ಷಿಸುತ್ತೇನೆ ಎಂದು ಮಾಡೆಲ್ ಪೊಕ್ರೋಶ್ಚುಕ್ ಹೇಳಿದ್ದಾರೆ.

ಇದನ್ನೂ ಓದಿ:

Viral Video: ಟೋಲ್ ಸಿಬ್ಬಂದಿಯ ಕೆನ್ನೆಗೆ ಬಾರಿಸಿದ ಬಿಜೆಪಿ ಶಾಸಕ; ವಿಡಿಯೋ ವೈರಲ್

ಸೌಂದರ್ಯ ವರ್ಧಕ ಬ್ಯೂಟಿ ಬ್ರ್ಯಾಂಡ್ ಮಾಡೆಲ್​ಆಗಿ ಆಯ್ಕೆಯಾದ 99 ವರ್ಷದ ವೃದ್ಧೆ! ಇವರ ಅಂದ ನೋಡಿ ಮನಸೋಲದೇ ಇರಲು ಸಾಧ್ಯವೇ?

(Model with world’s biggest cheeks photos goes viral in social media)