Palace on Wheels: ಅಯೋಧ್ಯೆ ಯಾತ್ರೆ ಪ್ರಾರಂಭಿಸಿದ ವಿಶ್ವದ ಐಷಾರಾಮಿ ರೈಲು; 42 ವರ್ಷಗಳ ಬಳಿಕ ರೈಲಿನ ಮಾರ್ಗ ಬದಲಾವಣೆ

42 ವರ್ಷಗಳ ನಂತರ ಮೊದಲ ಬಾರಿಗೆ ರಾಜಸ್ಥಾನದ ರಾಯಲ್ ಟ್ರೈನ್ ಎಂದು ಕರೆಯಲ್ಪಡುವ ಪ್ಯಾಲೇಸ್ ಆನ್ ವೀಲ್ಸ್(Palace on Wheels) ಶೀಘ್ರದಲ್ಲೇ ಧಾರ್ಮಿಕ ಪ್ರಯಾಣವನ್ನು ಕೈಗೊಳ್ಳಲಿದೆ. ಈ ರೈಲು ಪ್ರಯಾಗರಾಜ್, ವಾರಣಾಸಿ ಮೂಲಕ ರಾಮನಗರ ಅಯೋಧ್ಯೆಗೆ ಹೋಗಲಿದೆ. ಇಲ್ಲಿಂದ ಈ ರೈಲು ಆರು ದಿನಗಳ ನಂತರ ಮಥುರಾ ವೃಂದಾವನದ ಮೂಲಕ ದೆಹಲಿಗೆ ಮರಳಲಿದೆ. ಈ ರೈಲು ಧಾರ್ಮಿಕ ಸ್ಥಳಗಳಿಗೆ ಪ್ರವಾಸಕ್ಕೆ ಹೋಗುವುದರಿಂದ ಅದರಲ್ಲಿ ಪ್ರಯಾಣಿಸುವ ಪ್ರಯಾಣಿಕರ ಆಹಾರ ಮೆನುವನ್ನು ಬದಲಾಯಿಸಲಾಗಿದೆ. ಹೊಸ ಬದಲಾವಣೆಯ ಪ್ರಕಾರ, ಪ್ರಯಾಣಿಕರಿಗೆ ಮದ್ಯವನ್ನು ನೀಡಲಾಗುವುದಿಲ್ಲ ಅಥವಾ ಮಧ್ಯಾಹ್ನ ಅಥವಾ ರಾತ್ರಿಯ ಊಟದಲ್ಲಿ ಬೆಳ್ಳುಳ್ಳಿ ಮತ್ತು ಈರುಳ್ಳಿ ಕರಿಯನ್ನು ನಿಷೇಧಿಸಿದೆ. ಈ ರೈಲನ್ನು ಆರ್‌ಟಿಡಿಸಿಯಿಂದ 7 ವರ್ಷಗಳ ಕಾಲ ಗುತ್ತಿಗೆ ಪಡೆದಿರುವ ಕಂಪನಿಯು ಈ ಹೊಸ ಪ್ರಯಾಣದ ನೀಲಿನಕ್ಷೆಯನ್ನು ಆರ್‌ಟಿಡಿಸಿ ಮುಂದೆ ಸಲ್ಲಿಸಿದೆ.

ಪ್ಯಾಲೇಸ್ ಆನ್ ವೀಲ್ಸ್ ಟಿಕೇಟ್​​ ದರ ಎಷ್ಟು?

ಪ್ಯಾಲೇಸ್ ಆನ್ ವೀಲ್ಸ್‌ನ ನಿರ್ದೇಶಕ ಪ್ರದೀಪ್ ಬೋಹ್ರಾ ಪ್ರಕಾರ, ಈ ರೈಲಿನಲ್ಲಿ ಪ್ರಯಾಣಿಸಲು ದಿನಕ್ಕೆ 70 ಸಾವಿರ ರೂ ಪಾವತಿಸಬೇಕು. ಈ 70 ಸಾವಿರ ನಿಮಗೆ ಹೆಚ್ಚೆನಿಸಬಹುದು ಆದರೆ ಇದು ಸೆಮಿ-ಡೀಲಕ್ಸ್ ಕೋಚ್‌ನ ದರ. ಈ ರೈಲಿನ ಡಿಲಕ್ಸ್ ಕೋಚ್ ನಲ್ಲಿ ಪ್ರಯಾಣಿಸಲು ಪ್ರಯಾಣಿಕರು ದಿನಕ್ಕೆ 95 ಸಾವಿರ ರೂ. ಇದಲ್ಲದೇ ಸೂಪರ್ ಡಿಲಕ್ಸ್‌ನ ದರವು ದಿನಕ್ಕೆ ಸುಮಾರು 2 ಲಕ್ಷ ರೂ. ಒಟ್ಟಾಗಿ ನೀವು ಈ ರೈಲಿನಲ್ಲಿ ಪ್ರಯಾಣಿಸಲು 13 ಲಕ್ಷ ರೂ. ಖರ್ಚು ಮಾಡಬೇಕಿದೆ. ರೈಲಿನಲ್ಲಿ ಒಂದು ಬಾರಿಗೆ ಒಟ್ಟು 46 ಪ್ರಯಾಣಿಕರು ಪ್ರಯಾಣಿಸಬಹುದು. ಈಗ ಈ ರೈಲು ನಾಲ್ಕನೇ ತಲೆಮಾರಿನದ್ದಾಗಿದೆ ಎಂದು ತಿಳಿಸಿದರು. ಅದರ ನಾಲ್ಕನೇ ನವೀಕರಣವನ್ನು ಹೊಸ ಕಂಪನಿಯೇ ಮಾಡಿದೆ. ವಿಶ್ವದರ್ಜೆಯ ಸೌಲಭ್ಯಗಳನ್ನು ಹೊಂದಿರುವ ಈ ರೈಲಿನಲ್ಲಿ ಮಲಗುವ ಕೋಣೆ, ವಿಶ್ರಾಂತಿ ಕೋಣೆ, ಅಡುಗೆಮನೆ ಹೀಗೆ ಸಾಕಷ್ಟು ಐಷಾರಾಮಿ ಸೌಲಭ್ಯಗಳಿವೆ.

ಇದನ್ನೂ ಓದಿ: ಭಾರತದಲ್ಲಿ ನಿರ್ಮಾಣವಾಗುತ್ತಿದೆ ವಿಶ್ವದ ಮೊದಲ ‘ಓಂ’ ಆಕಾರದ ದೇವಾಲಯ

ಪ್ಯಾಲೇಸ್ ಆನ್ ವೀಲ್ಸ್ ಧಾರ್ಮಿಕ ಪ್ರಯಾಣ ಆರಂಭ ಯಾವಾಗ?

ಬೋಹ್ರಾ ಪ್ರಕಾರ, ಕಂಪನಿಯು ಈ ರೈಲನ್ನು ಮೇ ತಿಂಗಳಿನಿಂದ ಧಾರ್ಮಿಕ ಪ್ರಯಾಣಕ್ಕೆ ಕಳುಹಿಸಲು ಪ್ರಯತ್ನಿಸುತ್ತಿದೆ. ಈ ಯಾತ್ರೆಯು 6 ಹಗಲು ಮತ್ತು 7 ರಾತ್ರಿಗಳ ಕಾಲ ನಡೆಯಲಿದೆ . ಈ ಅವಧಿಯಲ್ಲಿ, ಪ್ರಯಾಗ್ರಾಜ್, ವಾರಣಾಸಿ, ಮಥುರಾ, ವೃಂದಾವನ ಮತ್ತು ಅಯೋಧ್ಯೆ ಮುಂತಾದ ಧಾರ್ಮಿಕ ನಗರಗಳಿಗೆ ಭೇಟಿ ನೀಡಲು ಪ್ರಯಾಣಿಕರನ್ನು ಕರೆದೊಯ್ಯಲಾಗುತ್ತದೆ ಎಂದು ತಿಳಿಸಿದ್ದಾರೆ.

ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 12:35 pm, Wed, 7 February 24