ಅಫ್ಘನ್ ಬಾಲೆಯ ಎಬಿಸಿಡಿ ವಿಡಿಯೋ ಟ್ವೀಟ್ ಮಾಡಿದ ರವೀನಾ ಟಂಡನ್

Viral Video : ಅಫ್ಘಾನಿಸ್ತಾನದ ಪುಟ್ಟ ಹುಡುಗಿ ಇಂಗ್ಲಿಷ್​ನ ವರ್ಣಮಾಲೆಗಳನ್ನು ಹೇಳುತ್ತಿರುವ ವಿಡಿಯೋ ಅನ್ನು ನಟಿ ರವೀನಾ ಟಂಡನ್ ಟ್ವೀಟ್ ಮಾಡಿದ್ಧಾರೆ. 1.6 ಲಕ್ಷಕ್ಕಿಂತಲೂ ಹೆಚ್ಚು ಜನರನ್ನು ಈ ವಿಡಿಯೋ ನೋಡಿದ್ದಾರೆ. ಸುಮಾರು 1,500 ಜನರು ಇಷ್ಟಪಟ್ಟಿದ್ದಾರೆ. ತಾಲಿಬಾನ್​ ಅಟ್ಟಹಾಸದಿಂದಾಗಿ ಅಫ್ಘಾನಿಸ್ತಾನದ ಹೆಣ್ಣುಮಕ್ಕಳು ಶಿಕ್ಷಣದಿಂದ ವಂಚಿತರಾಗುತ್ತಿರುವಾಗ ಇಂಥ ವಿಡಿಯೋಗಳು ಭರವಸೆಯನ್ನು ಹುಟ್ಟಿಸುತ್ತಿವೆ ಎಂದು ನೆಟ್ಟಿಗರು ಶ್ಲಾಘಿಸಿದ್ದಾರೆ.

The cutest thing on my twitter line today ! https://t.co/zfHFNyUB2W

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

— Raveena Tandon (@TandonRaveena) December 8, 2022

ಮೂಲತಃ ಈ ವಿಡಿಯೋ ಅನ್ನು ಪತ್ರಕರ್ತ ನಾಸರ್ ಖಾನ್​ ಎನ್ನುವವರು ಟ್ವೀಟ್ ಮಾಡಿದ್ದಾರೆ. ತರಗತಿಯೊಂದರಲ್ಲಿ ಶಿಕ್ಷಕಿ ಉದ್ದೇಶಪೂರ್ವಕವಾಗಿ ಇಂಗ್ಲಿಷ್​ ವರ್ಣಮಾಲೆಗಳನ್ನು ಹೇಳಲು ಈ ಪುಟ್ಟಹುಡುಗಿಗೆ ಪ್ರೋತ್ಸಾಹಿಸಿದ್ದಾರೆ. ಮುಖದ ಮೇಲಿನ ಉತ್ಸಾಹ ಮತ್ತು ಖುಷಿ ಗಮನಿಸಿ. ಅಲ್ಲಲ್ಲಿ ಒಂದೆರಡು ಅಕ್ಷರಗಳು ಲೋಪವಾದರೂ ಅದೆಲ್ಲ ಲೆಕ್ಕಕ್ಕುಂಟೇ?

ಅಫಘಾನಿಸ್ತಾನದಲ್ಲಿ ಹೆಣ್ಣುಮಕ್ಕಳಿಗೆ ಶಿಕ್ಷಣ ದೊರೆಯಬೇಕು, ತಾಲಿಬಾನಿಗಳ ಅಟ್ಟಹಾಸದಿಂದ ಅವರು ನರಳಬಾರದು ಎಂದು ನೆಟ್ಟಿಗರು ಹೇಳಿದ್ದಾರೆ. ಈ ಮಗುವಿನ ಉತ್ಸಾಹ ಸಂತೋಷ ವರ್ಣಿಸಲಸಾಧ್ಯ ಎಂದು ಒಬ್ಬರು ಹೇಳಿದ್ಧಾರೆ. ಪುಟ್ಟಮಗುವಿಗೆ ಹಿಜಾಬ್​ ಬೇಕೆ? ಎಂದು ಕೇಳಿದ್ದಾರೆ ಮತ್ತೊಬ್ಬರು. ಈ ಮಕ್ಕಳಿಗೆಲ್ಲ ಶಿಕ್ಷಣ, ಜ್ಞಾನ ಅಪರಿಮಿತವಾಗಿ ಸಿಗಲಿ, ಅವರ ಮುಖಗಳು ಹೀಗೇ ನಗುವಿನಿಂದ ಕೂಡಿರಲಿ ಎಂದಿದ್ದಾರೆ ಮಗದೊಬ್ಬರು. ಅಲ್ಲಿರುವ ಹೆಣ್ಣುಮಕ್ಕಳಿಗೆ ಆರು ವರ್ಷ ತುಂಬುತ್ತಿದ್ದಂತೆ 40ರ ಗಂಡಸಿನೊಂದಿಗೆ ಮದುವೆಯಾಗುವ ಹಿಂಸೆ ಇದೆಯಲ್ಲ ಅದೆಲ್ಲ ಯಾವಾಗ ತಪ್ಪುತ್ತದೆಯೋ ಎಂದು ಬೇಸರ ವ್ಯಕ್ತಪಡಿಸಿದ್ಧಾರೆ ಒಬ್ಬರು.

ಈ ವಿಡಿಯೋ ನೋಡಿದ ನಿಮಗೆ ಏನನ್ನಿಸುತ್ತದೆ?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 9:16 am, Sat, 10 December 22