Rose Day : ರೋಸ್ ಡೇ ದಿನವೂ ಇವರು ಹೀಗೆ ಹೆಲ್ಮೆಟ್ ಧರಿಸಿರುವುದು ಏಕೆ?
Valentine's Day 2023 : ಇನ್ಸ್ಟಾಗ್ರಾಂನ ‘ದ ಮ್ಯಾಕ್ಸ್ ಗರ್ಲ್’ ಪ್ರೊಫೈಲಿನಲ್ಲಿ ಕಪಲ್ ಗೋಲ್ಸ್ ಎಂಬ ಟ್ಯಾಗಿನಡಿ ಈ ಜೋಡಿ ರೋಸ್ ಡೇ ಆಚರಿಸಿದೆ. ಆದರೆ ಹೆಲ್ಮೆಟ್! ಯಾಕೆಂದು ನಿಮಗೇನಾದರೂ ಹೊಳೆಯುವುದೆ?
Viral Video : ಈವತ್ತು ರೋಸ್ ಡೇ. ಅಂದರೆ ವ್ಯಾಲೆಂಟೈನ್ಸ್ ಡೇ ಆಚರಣೆಯು ಅಧೀಕೃತವಾಗಿ ಇಂದಿನಿಂದ ಶುರು. ಪ್ರೇಮಿಗಳು ಗುಲಾಬಿ ಹೂಗಳನ್ನು ಪರಸ್ಪರ ಕೊಟ್ಟುಕೊಳ್ಳುತ್ತ ಈ ದಿನವನ್ನು ಆಚರಿಸುವ ಧಾವಂತ, ಉತ್ಸಾಹದಲ್ಲಿ ಮುಳುಗಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಇದರ ಪರಿಮಳವೆಲ್ಲ ಹರಡುತ್ತಿದೆ. ಇದೀಗ ಈ ವಿಡಿಯೋ ಗಮನಿಸಿ. ದ ಮ್ಯಾಕ್ಸ್ ಗರ್ಲ್ ಎಂಬ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಈ ಫೋಟೋ ಹಂಚಿಕೊಳ್ಳಲಾಗಿದೆ.
ಕನಸುಗಳನ್ನು ಬೆನ್ಹತ್ತುತ್ತಿರುವ ಹುಡುಗಿ ಎಂದು ಈಕೆ ತನ್ನ ಇನ್ಸ್ಟಾಗ್ರಾಂ ಬಯೋದಲ್ಲಿ ಹೇಳಿದ್ದಾಳೆ. ಈ ಅಕೌಂಟಿನಲ್ಲಿರುವ ಫೋಟೋಗಳಲ್ಲಿ ಈ ಜೋಡಿ ಎಲ್ಲಿಯೂ ತಮ್ಮ ಮುಖವನ್ನು ತೋರಿಸುವಲ್ಲಿ ಆಸಕ್ತಿ ತೋರಿಸಿಲ್ಲ. ಎಲ್ಲಾ ರೀತಿಯ ಉಡುಗೆ ತೊಡುಗೆಯನ್ನು ಧರಿಸಿದ ಇವರು ಹೆಲ್ಮೆಟ್ ಮಾತ್ರ ಬಿಟ್ಟೇ ಇಲ್ಲ.
ಇದನ್ನೂ ಓದಿ : ಪುಟ್ಟಾ, ನಾವೇ ಹೀಗೆ ನಿಧಾನಕ್ಕೆ ರಸ್ತೆ ದಾಟಬೇಕು; ಆನೆಯಮ್ಮನ ಪ್ರಾತ್ಯಕ್ಷಿಕೆ ವಿಡಿಯೋ ವೈರಲ್
ಹಬ್ಬಹರಿದಿನಗಳಲ್ಲಿ ಸಾಂಪ್ರದಾಯಿಕ ಉಡುಗೆ ತೊಡುಗೆ ತೊಟ್ಟೇ ಹೆಲ್ಮೆಟ್ ಧರಿಸಿ ವಿಡಿಯೋ, ಫೋಟೋ ಮಾಡಿ ಅಪ್ಲೋಡ್ ಮಾಡಿದ್ದಾರೆ. ಸಾಕಷ್ಟು ಉತ್ಸಾಹದಿಂದ ಇವರು ತಮ್ಮ ಪಯಣವನ್ನು ಸಾಗಿಸುತ್ತಿದ್ದಾರೆ. ಆದರೆ ಎಲ್ಲ ಫೋಟೋದಲ್ಲಿಯೂ ಹೆಲ್ಮೆಟ್ನಿಂದ ಮುಖವನ್ನು ಮರೆಮಾಡಿರುವುದು ಏಕೆಂದು ತಿಳಿದು ಬಂದಿಲ್ಲ.
ಕಪಲ್ ಗೋಲ್ಸ್ ಎಂಬ ಟ್ಯಾಗಿನಡಿ ಎಲ್ಲ ಪೋಸ್ಟ್ ಮಾಡಿದ್ದಾರೆ. ಈವತ್ತು ರೋಸ್ ಡೇ ಕೂಡ ಹೆಲ್ಮೆಟ್ ಧರಿಸಿಯೇ ಆಚರಿಸಿದ್ದಾರೆ. ಮುಂದಿನ ಆರು ದಿನಗಳನ್ನೂ ಅವರು ಹೆಲ್ಮೆಟ್ ಧರಿಸಿಯೇ ಆಚರಿಸುತ್ತಾರೋ ಏನೋ. ನೆಟ್ಟಿಗರಂತೂ ರೋಸ್ ಡೇಗೆ ಶುಭವಾಗಲಿ ಎಂದು ಹಾರೈಸಿದ್ದಾರೆ.
ಇವರ ಗುರಿ ಏನಿದೆಯೋ ಗೊತ್ತಿಲ್ಲ. ಆದರೆ ಇವರ ನಡೆ ಮಾತ್ರ ಕುತೂಹಲಕಾರಿಯಾಗಿದೆ.
ಮತ್ತಷ್ಟು ವೈರಲ್ ವಿಡಿಯೋ ನೋಡಲು ಕ್ಲಿಕ್ ಮಾಡಿ
Published On - 12:10 pm, Tue, 7 February 23