Viral Video: ಬಿಸ್ಮಿಲ್ಲಾಖಾನ್​​ರನ್ನು ನೆನಪಿಸಿದ ಸರ್ದಾರ್ಜೀಯ ಮಿಮಿಕ್ರಿ; ಶಭಾಷ್​ ಎಂದ ನೆಟ್ಟಿಗರು

Mimicry : ಕುದುರೆ, ಏಸ್ರಾಜ್​, ಶೆಹನಾಯೀ  ಮತ್ತಿತರೇ ತಂತೀವಾದ್ಯಗಳ ಧ್ವನಿಯನ್ನು ಅನುಕರಿಸಿ ರೈಲು ಪ್ರಯಾಣಿಕರನ್ನು ರಂಜಿಸಿದ ಸರ್ದಾರ್ಜಿಯ (Sardarji) ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಭಾರತದ ಅಪ್ಪಟ ಪ್ರತಿಭೆ, ಪ್ರತಿಭೆ ಎಂದರೆ ಇದೇ, ನಿಮ್ಮ ಸೃಜನಶೀಲತೆಗೆ ನಾವಂತೂ ಫಿದಾ, ನಿಮ್ಮ ಈ ಕೌಶಲವನ್ನು ಮುಂದುವರಿಸಿ ಇನ್ನಷ್ಟು ಧ್ವನಿಗಳನ್ನು ಅನುಕರಿಸಿ ಅಂತೆಲ್ಲ ನೆಟ್ಟಿಗರು ಇವರನ್ನು ಪ್ರೋತ್ಸಾಹಿಸುತ್ತ ಕೊಂಡಾಡುತ್ತಿದ್ದಾರೆ.

ಈ ವಿಡಿಯೋ ಈಗಾಗಲೇ 7 ಮಿಲಿಯನ್ ಜನರು ನೋಡಿದ್ದು ಸುಮಾರು 2 ಲಕ್ಷ ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ಎಷ್ಟೊಂದು ನೈಜತೆಯಿಂದ ನೀವು ಧ್ವನಿಯನ್ನು ಅನುಕರಿಸುತ್ತೀರಿ, ಅದ್ಭುತ! ಎಂದಿದ್ದಾರೆ ಒಬ್ಬರು. ಈ ಕಲಾವಿದರ ಇನ್​ಸ್ಟಾ ಅಕೌಂಟ್​ ಇದೆಯೇ? ಮತ್ತಷ್ಟು ಕೇಳಬೇಕೆನ್ನಿಸುತ್ತಿದೆ ಎಂದು ಕೆಲವರು ಹೇಳಿದ್ದಾರೆ.

ಇದನ್ನೂ ಓದಿ : Viral Video: ನ್ಯೂಯಾರ್ಕ್​; ಮೆಟ್ರೋದಲ್ಲಿ ಕುಟುಂಬವೊಂದರ ಮೇಲೆ ದಾಳಿ ಮಾಡಿದ ಹದಿಹರೆಯದ ಹುಡುಗಿಯರು

ಇವರ ಶೆಹನಾಯಿ ಉಸ್ತಾದ್​ ಬಿಸ್ಮಿಲ್ಲಾ ಖಾನರನ್ನು  ನೆನಪಿಸಿತು ಎಂದಿದ್ದಾರೆ ಒಬ್ಬರು. ನಮ್ಮ ಊರಿನ ರೈಲಿನಲ್ಲಿಯೂ ಈ ಸರ್ದಾರ್ಜೀ ಬರಬಾರದೆ? ಎಂದಿದ್ದಾರೆ ಇನ್ನೊಬ್ಬರು. ಕುದುರೆಯ ಧ್ವನಿಯನ್ನು ಚೆನ್ನಾಗಿ ಅನುಕರಿಸಿದ್ದೀರಿ ಎಂದಿದ್ದಾರೆ ಮತ್ತೊಬ್ಬರು. ನಿಜಕ್ಕೂ ಇಂಥ ಪ್ರತಿಭೆಯನ್ನು ನಾನು ಈತನಕ ನೋಡಿದ್ದಿಲ್ಲ ಎಂದಿದ್ದಾರೆ ಮಗದೊಬ್ಬರು.

ಇದನ್ನೂ ಓದಿ : Viral Video: 11 ವರ್ಷದ ಮಗ ವಿಮಾನ ಹಾರಿಸುತ್ತಿದ್ದ, ಅಪ್ಪ ಮದ್ಯ ಸೇವಿಸುತ್ತಿದ್ದ; ವೈರಲ್ ವಿಡಿಯೋ

ಇವರು ವೃತ್ತಿಪರ ಕಲಾವಿದರೆ? ಅಥವಾ ಪ್ರಯಾಣದ ಮಧ್ಯೆ ಬೆಸರ ಕಳೆಯಲು ಹೀಗೆ ಧ್ವನಿ ಅನುಕರಣೆ ಮಾಡಿದ್ಧಾರೆಯೇ? ಎಂದು ಕೇಳಿದ್ದಾರೆ ಒಬ್ಬರು. ಸರ್ದಾರ್ಜಿಗಳು ಜೋಕ್ ಹೇಳಲು ಮಾತ್ರ ಎಂದುಕೊಂಡಿದ್ದೆವು ಇದೀಗ ಇವರು ಇಷ್ಟೊಂದು ಸೃಜನಶೀಲರು ಎಂದು ಗೊತ್ತಿರಲಿಲ್ಲ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಅದಕ್ಕೆ ಪ್ರತಿಯಾಗಿ ಇನ್ನೊಬ್ಬರು, ಹಾಗೆ ಯಾಕೆ ಬ್ರ್ಯಾಂಡ್ ಮಾಡುತ್ತೀರಿ? ಎಲ್ಲ ಕ್ಷೇತ್ರದಲ್ಲಿಯೂ ಅವರು ತಮ್ಮ ಛಾಪನ್ನು ಒತ್ತಿದ್ದಾರೆ, ಒತ್ತುತ್ತಿದ್ಧಾರೆ ಎಂದಿದ್ಧಾರೆ ಮತ್ತೊಬ್ಬರು.

ಇದನ್ನೂ ಓದಿ : Viral: ಆನ್​ಲೈನ್​ ವಂಚನೆ; ಆಟೋ ಚಾಲಕನಿಂದ ರೂ 23000 ಸುಲಿಗೆ ಮಾಡಿದ 20ರ ಯುವತಿ

ಒಟ್ಟಾರೆಯಾಗಿ ಸರ್ದಾರ್ಜಿಯ ಈ ಪ್ರತಿಭೆ ನೆಟ್ಟಿಗರಿಗೆ ಗುಂಗು ಹಿಡಿಸಿದೆ. ಮತ್ತೆ ಮತ್ತೆ ಈ ವಿಡಿಯೋ ನೋಡುತ್ತಿದ್ದೇವೆ. ನಮ್ಮ ಮನೆಯ ಮಕ್ಕಳಿಗೂ ಈ ವಿಡಿಯೋ ತೋರಿಸಿ ಖುಷಿಪಡುತ್ತಿದ್ದೇವೆ ಎಂದಿದ್ದಾರೆ.

ಮತ್ತಷ್ಟು ವೈರಲ್ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ