ಜರ್ಮನ್​ಲ್ಲಿದೆ ಎಂದಿಗೂ ಬಳಸದ 10,000 ಬೆಡ್‌ರೂಮ್ ಉಳ್ಳ ಹೋಟೆಲ್​

ವಿಚಿತ್ರ ಎನಿಸಿದರು ಇದು ಸತ್ಯ ಜರ್ಮನಿಯ ಬಾಲ್ಟಿಕ್ ದ್ವೀಪದ ಬಿಳಿ ಮರಳಿನ ಕಡಲತೀರದಲ್ಲಿ 10,000 ಮಲಗುವ ಕೋಣೆ ಇರುವ ನಾಜಿ ಹೋಟೆಲ್ ವಿಶ್ವದ ಅತಿದೊಡ್ಡ ಹೋಟೆಲ್ ಇದೆ. ಈ ಹೋಟೆಲ್​ನ್ನು ಎಂದಿಗೂ ಬಳಸಿಲ್ಲ. ಇದನ್ನು ನಿರ್ಮಿಸಿ ಸುಮಾರು 70 ವರ್ಷಗಳಾದರೂ ಇಲ್ಲಿಯವರೆಗು ಯಾರು ಇದನ್ನು ಬಳಸಿಲ್ಲ. ಈ ಹೋಟೆಲ್​ನ್ನು 1936 ಮತ್ತು 1939 ರ ನಡುವೆ ನಿರ್ಮಿಸಲಾಯಿತು.

ಜರ್ಮನ್ ಕೆಲಸಗಾರರಿಗೆ ವಿಶ್ರಾಂತಿ ಪಡೆಯಲು ಮತ್ತು ನಾಜಿ ಧರ್ಮ ಪ್ರಚಾರಕರು ವಿಶ್ರಾಂತಿ ಪಡೆಯಲು ಈ ಹೋಟೆಲ್​ನ್ನು ನಿರ್ಮಿಸಲಾಯಿತು. ಸ್ಥಳೀಯರು ಈ ಹೋಟೆಲ್​ನ್ನು ಕೊಲೋಸಸ್ ಎಂದು ಕರೆಯುತ್ತಾರೆ. ಈ ಹೋಟೆಲ್​ ಒಂದೇ ರೀತಿಯ ಎಂಟು ಕಟ್ಟಡಗಳನ್ನು ಒಳಗೊಂಡಿದೆ. ಇದು 4.5 ಕಿಮೀ ಉದ್ದವಿದೆ. ಕಡಲತೀರದಿಂದ ಸರಿಸುಮಾರು 150 ಮೀ. ದೂರವಿದೆ. ಇದನ್ನು ನಿರ್ಮಿಸಲು 9,000 ಕಾರ್ಮಿಕರು ಮೂರು ವರ್ಷ ಸಮಯ ತೆಗೆದುಕೊಂಡರು. ಈ ಹೋಟೆಲ್​ ಚಿತ್ರಮಂದಿರ, ಸಭಾಂಗಣಗಳು, ಈಜುಕೊಳಗಳನ್ನು ಹೊಂದಿದೆ.

5 ರಿಂದ 2.5 ಮೀ ವಿಸ್ತೀರ್ಣದ ಪ್ರತಿ ಕೊಠಡಿಯು ಎರಡು ಹಾಸಿಗೆಗಳು, ವಾರ್ಡ್ರೋಬ್ ಮತ್ತು ಸಿಂಕ್​ನ್ನು ಹೊಂದಿದೆ. ಪ್ರತಿ ಮಹಡಿಯಲ್ಲಿ ಸಾಮೂಹಿಕ ಶೌಚಾಲಯಗಳು ಮತ್ತು ಸ್ನಾನಗೃಹಗಳು ಮತ್ತು ಬಾಲ್​ರೂಂಗಳು ಇವೆ. ಮಧ್ಯದಲ್ಲಿ, ಮಿಲಿಟರಿ ಆಸ್ಪತ್ರೆ ಇದೆ.

2011 ರಲ್ಲಿ, ಒಂದು ಬ್ಲಾಕ್​ನ್ನು 400 ಹಾಸಿಗೆಯ ಹಾಸ್ಟೆಲ್​ ಆ​ಗಿ ಪರಿವರ್ತಿಸಲಾಯಿತು. ಟೆನ್ನಿಸ್ ಕೋರ್ಟ್‌ಗಳು ಮತ್ತು ಈಜುಕೊಳ ಮತ್ತು ಸಣ್ಣ ಶಾಪಿಂಗ್ ಸೆಂಟರ್‌ಗಳನ್ನು ಒಳಗೊಂಡಿರುವ 300 ಹಾಸಿಗೆಗಳೊಂದಿಗೆ ಹೋಟೆಲ್​​ನ್ನು ಆಧುನಿಕ ರಜಾದಿನದ ರೆಸಾರ್ಟಾಗಿ ಪರಿವರ್ತಿಸುವ ಯೋಜನೆ ರೂಪಿಸಲಾಗಿದೆ.