Video: ಟೈಮ್ ಆದ್ರೂ ಕೆಲಸ ವಹಿಸಿದ ಮ್ಯಾನೇಜರ್, ನೋ ಎಂದು ಆಫೀಸಿನಿಂದ ಹೊರನಡೆದ ಉದ್ಯೋಗಿ

ಕಂಪನಿಗಳು (company) ಕೆಲಸ ಮಾಡುವ ನೌಕರರಿಗೆ ಕೆಲವೊಂದು ಕಟ್ಟುನಿಟ್ಟಾದ ಕ್ರಮಗಳು, ನಿಯಮಗಳನ್ನು ವಿಧಿಸುತ್ತದೆ. ಒಂದು ವೇಳೆ ಸರಿಯಾಗಿ ಕೆಲಸ ಮಾಡದಿದ್ದಲ್ಲಿ ಆ ನೌಕರರನ್ನು ಕೆಲಸದಿಂದ ವಜಾಗೊಳಿಸುವುದು ಸಹಜ. ಕೆಲವೊಮ್ಮೆ ನಿಗದಿತ ಸಮಯಕ್ಕಿಂತ ಹೆಚ್ಚುವರಿ ಕೆಲಸ ಮಾಡುವಂತೆ ಒತ್ತಡ ಹಾಕುವುದಿದೆ. ಹೀಗಾಗಿ ಈ ಟಾಕ್ಸಿಕ್ ಕೆಲಸದ ಸಂಸ್ಕೃತಿಯ ಕುರಿತಾದ ವಿಡಿಯೋಗಳು ಸೋಶಿಯಲ್ ಮೀಡಿಯಾ ಆಗಾಗ ವೈರಲ್ ಆಗುತ್ತಿರುತ್ತದೆ. ಆದರೆ ಇದೀಗ ಯುವತಿಯೊಬ್ಬಳು ಕಚೇರಿಯ ಕೆಲಸದ ಸಂಸ್ಕೃತಿಯ (work place culture) ಬಗ್ಗೆ ರೊಚ್ಚಿಗೆದ್ದಿದ್ದಾಳೆ. ಸಮಯ ಆಗುತ್ತಿದ್ದಂತೆ ನಾನು ಹೊರಡುತ್ತೇನೆ. ಹೆಚ್ಚುವರಿ ಕೆಲಸವನ್ನು ಒಪ್ಪಿಕೊಂಡು ಮಾಡಲು ನಾನು ತಯಾರಿಲ್ಲ ಎಂದು ತಮ್ಮ ಮ್ಯಾನೇಜರ್‌ಗೆ ಹೇಳಿರುವುದಾಗಿ ವಿವರಿಸಿದ್ದಾಳೆ. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಬಳಕೆದಾರರು ಈ ಜನರೇಷನ್ ಝೆಡ್ ಉದ್ಯೋಗಿಯೂ ಮಾಡಿದ್ದು ಸರಿ ಎಂದು ಹೇಳಿದ್ದಾರೆ.

Kad shatakshi ಹೆಸರಿನ ಖಾತೆಯಲ್ಲಿ ಶೇರ್ ಮಾಡಲಾದ ವಿಡಿಯೋದಲ್ಲಿ ಯುವತಿಯೊಬ್ಬಳು ಕಚೇರಿಯಲ್ಲಿ ಕೆಲಸದ ಸಂಸ್ಕೃತಿ ಬಗ್ಗೆ ಮಾತನಾಡಿದ್ದಾಳೆ. ಈ ವೇಳೆಯಲ್ಲಿ ಜನರೇಷನ್ ಝೆಡ್ ಅವರು ಎಕ್ಸ್‌ ಹಾಗೂ ವೈ ಅವರಂತೆ ಎಲ್ಲದನ್ನು ಚಾಚು ತಪ್ಪದೇ ಪಾಲಿಸುವುದಿಲ್ಲ ಎನ್ನುವುದು ಸ್ಪಷ್ಟಪಡಿಸಿದ್ದಾಳೆ. ಹೌದು, ಈ ಎಕ್ಸ್‌ ಹಾಗೂ ವೈ ತಲೆಮಾರಿನ ಜನರೇ ಎಲ್ಲಾ ಕಠಿಣ ಪರಿಶ್ರಮದ ಹೆಸರಿನಲ್ಲಿ ಟಾಕ್ಸಿಕ್ ಕೆಲಸದ ಸಂಸ್ಕೃತಿಯನ್ನು ತಪ್ಪದೇ ಪಾಲಿಸಬೇಡಿ ಎಂದು ಖಾರವಾಗಿ ಹೇಳಿದ್ದು, ತಮ್ಮ ಆಫೀಸಿನಲ್ಲಿ ಏನಾಯಿತು ಎನ್ನುವುದನ್ನು ಈ ವಿಡಿಯೋದಲ್ಲಿ ವಿವರಿಸಿರುವುದನ್ನು ನೋಡಬಹುದು.

ವೈರಲ್ ವಿಡಿಯೋ ಇಲ್ಲಿದೆ ನೋಡಿ

View this post on Instagram

A post shared by Shatakshi Pandey (@kad_shatakshi)

ಈ ವಿಡಿಯೋದಲ್ಲಿ ನಾನೀಗ ಮನೆಗೆ ಹೋಗುತ್ತಿದ್ದೇನೆ, ಹಾಗೂ ನನ್ನ ರಿಪೋರ್ಟಿಂಗ್ ಮ್ಯಾನೇಜರ್ ನನ್ನ ಬಳಿ ಬಂದು, ಶತಾಕ್ಷಿ, ಸ್ವಲ್ಪ ಹೆಚ್ಚು ಕೆಲಸವಿದೆ, ನಾನು ಅದನ್ನು ನಿಮಗೆ ನಿಯೋಜಿಸುತ್ತಿದ್ದೇನೆ, ದಯವಿಟ್ಟು ಅದನ್ನು ಮಾಡಿ ಎಂದರು. ಆದರೆ ನಾನು ಇಲ್ಲ ಸರ್, ನಾನು ಇಂದು ಸಮಯಕ್ಕೆ ಸರಿಯಾಗಿ ಹೋಗಬೇಕು ಎಂದು ನೇರವಾಗಿಯೇ ಹೇಳಿದೆ. ಅಷ್ಟೇ ಅಲ್ಲದೇ, ನಾನು ಸಮಯಕ್ಕೆ ಸರಿಯಾಗಿ ಹೋಗ್ಬೇಕು, ನಾನೇನು ಆಫೀಸಿನಿಂದ ಬೇಗನೆ ಹೊರಟಿಲ್ಲ. ನಾನು ನನ್ನ ಎಲ್ಲಾ ಕೆಲಸವನ್ನು ಆಫೀಸ್ ಟೈಮ್ ನಲ್ಲಿ ಪೂರ್ಣಗೊಳಿಸಿದ್ದೇನೆ, ನಾನು ಹೆಚ್ಚುವರಿ ಸಮಯ ಕಚೇರಿಯಲ್ಲಿ ಕಳೆಯಲು ಬಯಸುವುದಿಲ್ಲ, ಏಕೆಂದರೆ ನಾನು ಇಂದು ಉಪವಾಸ ಮಾಡುತ್ತಿದ್ದೇನೆ. ಅದಲ್ಲದೇ ನಾನು ನಿನ್ನೆ ರಾತ್ರಿ ರೈಲಿನಲ್ಲಿದ್ದೆ, ಬೆಳಗ್ಗೆ 7 ಗಂಟೆಗೆ ತಲುಪಿದೆ. 7:30 ಕ್ಕೆ ಆಫೀಸ್‌ಗೆ ಬಂದೆ, ನಾನು ಸಂಜೆ 6:30 ರವರೆಗೆ ಇಲ್ಲೇ ಇದ್ದೇನೆ ಯುವತಿ ಎಂದಿದ್ದಕ್ಕೆ, ನೀವು ಕೆಲಸ ಮಾಡಲು ಸಮಯವನ್ನು ನೀಡಿದ್ದೀರಿ ನೀವು ಮನೆಗೆ ಹೋಗಬಹುದು ಎಂದು ಹೇಳಿದ್ದಾರೆಯಂತೆ ಅವರ ಮ್ಯಾನೇಜರ್.

ಮ್ಯಾನೇಜರ್‌ನ ಈ  ಮನಸ್ಥಿತಿಯ ಬಗ್ಗೆ ಮಾತನಾಡಿದ್ದು, ಈ ರೀತಿ ಮನಸ್ಥಿತಿ ಹಾಗೂ ಕಂಡೀಷನಿಂಗ್ ಬಿಹೇವಿಯರ್ ಎಲ್ಲಿಂದ ಬರುತ್ತವೆ ಎಂದು ನನಗೆ ಅರ್ಥವಾಗುತ್ತಿಲ್ಲ. ಒಬ್ಬ ವ್ಯಕ್ತಿ ದಿನಕ್ಕೆ ಎರಡು ಹೊತ್ತಿನ ಹಸಿವನ್ನು ನೀಗಿಸಲು ಕೆಲಸ ಮಾಡುತ್ತಾನೆ. ಆದರೆ ಅಷ್ಟು ಕಷ್ಟ ಪಟ್ಟು ದುಡಿದ ಅನ್ನವನ್ನು ನೆಮ್ಮದಿಯಿಂದ ತಿನ್ನಲು ಆಗದೇ ಇದ್ದರೆ ಹೇಗೆ ಅಲ್ಲವೇ. ಅನಗತ್ಯವಾಗಿ ನಿಮ್ಮ ಮೇಲೆ ನೀವು ಹೊರೆ ಹಾಕಿಕೊಳ್ಳುವುದು ಯಾಕೆ? ಇದು ನಿಜಕ್ಕೂ ನರಕ.. ಅತಿಯಾದ ಕೆಲಸವನ್ನು ಮೈ ಮೇಲೆ ಹಾಕಿಕೊಂಡು ನಿಮ್ಮನ್ನು ನೀವು ಸಾಯಿಸುವ ಪ್ರಯತ್ನ ಮಾಡಬೇಡಿ. ನಾನು ಇದನ್ನೂ ನಿಜಕ್ಕೂ ಒಪ್ಪಲ್ಲ. ನನ್ನನ್ನು ಕೆಲಸದಿಂದ ತೆಗೆದು ಹಾಕಿದ್ರು ನಾನು ಯೋಚನೆ ಮಾಡಲ್ಲ, ಚಿಂತೆ ಮಾಡಲ್ಲ, ಆದರೆ ಹೆಚ್ಚುವರಿ ಕೆಲಸ ಮಾಡುವುದನ್ನು ಮಾತ್ರ ಒಪ್ಪಲ್ಲ ಎಂದು ವಿಡಿಯೋದಲ್ಲಿ ತಿಳಿಸಿದ್ದಾಳೆ.

ಇದನ್ನೂ ಓದಿ: Viral: ತಿಂಗಳಿಗೆ 3 ಲಕ್ಷ ರೂ ದುಡಿದು ಕಡಿಮೆ ಮಾರ್ಕ್ಸ್ ತೆಗೆದಿದ್ದೀಯಾ ಎಂದು ಗೇಲಿ ಮಾಡಿದ ಸಂಬಂಧಿಕರಿಗೆ ತಕ್ಕ ಉತ್ತರ ನೀಡಿದ ಯುವಕ

ಈ ವಿಡಿಯೋ ಮೂರು ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದುಕೊಂಡಿದ್ದು, ಬಳಕೆದಾರರೊಬ್ಬರು, ಮ್ಯಾನೇಜರ್ ಅಥವಾ ಮೇಲಿನ ಅಧಿಕಾರಿಗಳಿಗೆ ನೇರವಾಗಿ ಹೇಳುವ ಗುಣ ಬೇಕು, ಇಲ್ಲದಿದ್ದರೆ ಒತ್ತಡ ಭರಿತ ಕೆಲಸದ ವಾತಾವರಣ ಉಂಟಾಗುತ್ತದೆ ಎಂದು ಹೇಳಿದ್ದಾರೆ. ವಿಪರೀತ ಕೆಲಸ ಮಾಡುವುದು ಹೆಮ್ಮೆ ಪಡುವ ವಿಚಾರವಲ್ಲ, ಇದೊಂದು ರೀತಿಯ ದೌರ್ಜನ್ಯ. ನೀವು ಧೈರ್ಯದಿಂದ ಹೇಳುವ ಇಂತಹ ಸಂದರ್ಭವನ್ನು ವಿರೋಧಿಸುವುದು ಮುಖ್ಯ ಎಂದು ಇನ್ನೊಬ್ಬರು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು ನಿಮ್ಮ ಮಾತನ್ನು ಖಂಡಿತ ಒಪ್ಪುತ್ತೇನೆ. ಅದರ ಜೊತೆಗೆ ನಿಮ್ಮ ಕಣ್ಣು ತುಂಬಾನೇ ಸುಂದರ ವಾಗಿದೆ ಎಂದು ಹೇಳಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ