Viral Post: ಬ್ಯಾಂಕ್ ದರೋಡೆ; ಸಿಸಿಟಿವಿ ದೃಶ್ಯ ಕಂಡು ಬೆಚ್ಚಿ ಬಿದ್ದ ಪೊಲೀಸರು
ಬಾಲಾಪರಾಧಿಗಳಾಗಿರುವುದರಿಂದ ಹೆಚ್ಚುವರಿ ಮಾಹಿತಿ ನೀಡಲು ಜಿಲ್ಲಾಧಿಕಾರಿ ನಿರಾಕರಿಸಿದ್ದು, ಆದಾಗ್ಯೂ, FBI ತನ್ನ ಟ್ವಿಟರ್ ಖಾತೆಯಲ್ಲಿ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾದ ಫೋಟೋಗಳನ್ನು ಬಿಡುಗಡೆ ಮಾಡಿದೆ, ಆದರೆ ಅಪರಾಧದ ಸಮಯದಲ್ಲಿ ಕದ್ದ ಮೊತ್ತವನ್ನು ಬಹಿರಂಗಪಡಿಸಿಲ್ಲ.
Updated on:Mar 26, 2024 | 4:15 PM
ಅಮೆರಿಕದ ಟೆಕ್ಸಾಸ್ ನಲ್ಲಿ ಬ್ಯಾಂಕ್ ದರೋಡೆ(Bank Robbery)ಯ ವಿಚಿತ್ರ ಪ್ರಕರಣವೊಂದು ಬೆಳಕಿಗೆ ಬಂದಿದೆ. 11, 12 ಮತ್ತು 16 ವರ್ಷದ ಮೂರು ಮಕ್ಕಳು ಕ್ಯಾಷಿಯರ್ ಗೆ ಬೆದರಿಕೆ ಪತ್ರ ನೀಡಿ ಬ್ಯಾಂಕ್ ನಲ್ಲಿದ್ದ ಹಣ ತೆಗೆದುಕೊಂಡು ಕಾಲ್ನಡಿಗೆಯಲ್ಲಿ ಪರಾರಿಯಾಗಿದ್ದಾರೆ. ಮೂವರು ಹುಡುಗರು ಮಾರ್ಚ್ 14 ರಂದು ನಾರ್ತ್ ಹೂಸ್ಟನ್‌ನ ಗ್ರೀನ್ಸ್‌ಪಾಯಿಂಟ್ ಪ್ರದೇಶದ ವೆಲ್ಸ್ ಫಾರ್ಗೋ ಬ್ಯಾಂಕ್‌ಗೆ ಹೋಗಿ ಕ್ಯಾಷಿಯರ್‌ಗೆ ಬೆದರಿಕೆ ಪತ್ರ ನೀಡಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.
ವಿಷಯ ತಿಳಿದ ಪೊಲೀಸರು ಬ್ಯಾಂಕ್ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದಾಗ ಆಘಾತಕಾರಿ ಸಂಗತಿಯೊಂದು ಪತ್ತೆಯಾಗಿದೆ. ಬ್ಯಾಂಕ್ ದರೋಡೆಕೋರರು ಅಪ್ರಾಪ್ತ ವಯಸ್ಸಿನವರು ಎಂದು ತಿಳಿದು ಬಂದಿದೆ.
Recognize these “little rascals”? Believe it or not they just robbed the Wells Fargo at 10261 North Freeway. If you know who and where they are contact police immediately or @crimestophou at 713-222-TIPS. #HouNews pic.twitter.com/0rw6jfPFEA
— FBI Houston (@FBIHouston) March 14, 2024
ಇದನ್ನೂ ಓದಿ: ಮದುವೆ ಹೊಸ್ತಿಲಲ್ಲಿ ತಮ್ಮ ಸಂಬಂಧಕ್ಕೆ ಅಂತ್ಯ ಹಾಡಿದ ಭಾರತ-ಪಾಕ್ ಸಲಿಂಗ ಜೋಡಿ
ಬಾಲಾಪರಾಧಿಗಳಾಗಿರುವುದರಿಂದ ಹೆಚ್ಚುವರಿ ಮಾಹಿತಿ ನೀಡಲು ಜಿಲ್ಲಾಧಿಕಾರಿ ನಿರಾಕರಿಸಿದ್ದಾರೆ. ಆದಾಗ್ಯೂ, FBI ತನ್ನ ಟ್ವಿಟರ್ ಖಾತೆಯಲ್ಲಿ ಕಣ್ಗಾವಲು ಫೋಟೋಗಳನ್ನು ಬಿಡುಗಡೆ ಮಾಡಿದೆ, ಆದರೆ ಅಪರಾಧದ ಸಮಯದಲ್ಲಿ ಕದ್ದ ಮೊತ್ತವನ್ನು ಬಹಿರಂಗಪಡಿಸಿಲ್ಲ.
ವರದಿಗಳ ಪ್ರಕಾರ, ಮೂವರು ಅಪರಾಧಿಗಳ ಛಾಯಾಚಿತ್ರಗಳು ಬಿಡುಗಡೆಯಾದ ತಕ್ಷಣ, ಇಬ್ಬರು ಕಿರಿಯ ಹುಡುಗರ ಪೋಷಕರು ಮುಂದೆ ಬಂದು ಅವರನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಮೂರನೆಯವನು ಸಹ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾನೆ.
ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 4:13 pm, Tue, 26 March 24
