ಒಂದೇ ರೀತಿಯ ಸೀರೆಯುಟ್ಟ ಮಹಿಳೆಯರ ನಡುವೆ ಅಮ್ಮನನ್ನು ಹುಡುಕಿದ ಮಗು: ವಿಡಿಯೋ ವೈರಲ್
ಒಂದೇ ರೀತಿಯ ಸೀರೆ ಉಟ್ಟು ಕುಳಿತಿರುವ ನಾಲ್ವರು ಮಹಿಳೆಯರು ಮುಖಕ್ಕೆ ಸೆರಗನ್ನು ಹಿಡಿದುಕೊಂಡು ಕುಳಿತಿರುವಾಗಲೂ ಮಗು ಸರಿಯಾಗಿ ತಾಯಿಯ ಬಳಿಯೇ ಹೋಗುತ್ತದೆ. ಇದರ ವಿಡಿಯೋ ಇನ್ಸ್ಟಾಗ್ರಾನ್ನಲ್ಲಿ ವೈರಲ್ ಆಗಿದೆ.
Updated on:Mar 11, 2022 | 12:34 PM
ಪ್ರತೀ ಮಗುವಿಗೆ ಅಮ್ಮನ (Mother) ಅಪ್ಪುಗೆ ಪ್ರೀತಿ ವಿಶೇಷ. ಸಾವಿರ ಜನರ ಮಧ್ಯೆ ಇದ್ದರೂ ಪ್ರತೀ ಮಗು (Toddler) ಅಮ್ಮನನ್ನು ಗುರುತಿಸಬಲ್ಲದು. ಇಲ್ಲೊಂದು ಪುಟ್ಟ ಮಗು ಅಮ್ಮನನ್ನು ಗುರುತಿಸುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ, ಒಂದೇ ರೀತಿಯ ಸೀರೆ ಉಟ್ಟು ಕುಳಿತಿರುವ ನಾಲ್ವರು ಮಹಿಳೆಯರು ಮುಖಕ್ಕೆ ಸೆರಗನ್ನು ಹಿಡಿದುಕೊಂಡು ಕುಳಿತಿರುವಾಗಲೂ ಮಗು ಸರಿಯಾಗಿ ತಾಯಿಯ ಬಳಿಯೇ ಹೋಗುತ್ತದೆ. ಇದರ ವಿಡಿಯೋ ಇನ್ಸ್ಟಾಗ್ರಾನ್ನಲ್ಲಿ ವೈರಲ್ ಆಗಿದೆ. ಮಾರ್ಚ್6 ರಂದು ವಿಡಿಯೋ ಹಂಚಿಕೊಳ್ಳಲಾಗಿದೆ. ವಿಡಿಯೋ 18ಮಿಲಿಯನ್ ವೀಕ್ಷಣೆ ಪಡೆದಿದೆ.
View this post on Instagram
ವಿಡಿಯೋದಲ್ಲಿ ಹಳದಿ ಬಣ್ಣದ ಸೀರೆ ಉಟ್ಟು ನಾಲ್ವರು ಮಹಿಳೆಯರು ರೂಮ್ನಲ್ಲಿ ಕುಳಿತಿರುತ್ತಾರೆ. ಪುಟ್ಟ ಮಗು ರೂಮ್ ಒಳಗೆ ಮೊದಲು ಬರುತ್ತಿದ್ದಂತೆ ಎಲ್ಲರೂ ಕೈ ಸನ್ನೆಯ ಮೂಲಕ ಕರೆಯುತ್ತಾರೆ. ಮಗು ಒಬ್ಬರ ಬಳಿ ಹೋಗುತ್ತದೆ ನಂತರ ಗೊಂದಲಕ್ಕೊಳಗಾಗುತ್ತದೆ. ನಂತರ ನೇರವಾಗಿ ಅಮ್ಮನ ಬಳಿಯೇ ಹೋಗುತ್ತದೆ. ಇದನ್ನು ನೊಡಿ ನೆಟ್ಟಿಗರು ಅಮ್ಮನ ಪ್ರೀತಿಯೇ ಹಾಗೆ ಎಂದು ಕಾಮೆಂಟ್ ಮಾಡಿದ್ದಾರೆ. ಸ್ಟೇಟಸ್ ಫಾನ್ ಟ್ರೆಂಡಿಂಗ್ ಎನ್ನುವ ಇನ್ಸ್ಟಾಗ್ರಾಮ್ ಖಾತೆ ವಿಡಿಯೋವನ್ನು ಹಂಚಿಕೊಂಡಿದೆ.
ವಿಡಿಯೋ ನೋಡಿ ನೆಟ್ಟಿಗರು ಮೆಚ್ಚಿಕೊಂಡಿದ್ದು, ತಾಯಿ ಮಗುವಿನ ಸಂಬಂಧ ಎಲ್ಲಕ್ಕಿಂತ ಮಿಗಿಲು ಅದನ್ನು ಬೇರೆ ಮಾಡಲು ಸಾಧ್ಯವಿಲ್ಲ. ಅಮ್ಮಂದಿರ ಪ್ರೀತಿಯ ಉಸಿರಿನ ಘಮ ಮಗುವಿಗೆ ತಿಳಿದಿರುತ್ತದೆ ಎಂದು ಕಾಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ:
Viral Video: ಕಲರ್ಫುಲ್ ವೃತ್ತಗಳ ಚಲನೆಯನ್ನು ನೋಡಿ ಗೊಂದಲಕ್ಕೊಳಗಾದ ನೆಟ್ಟಿಗರು
Published On - 12:32 pm, Fri, 11 March 22
