ಹಾಡುತ್ತಿರುವ ಆ ಒಬ್ಬರು ಯಾರು? ಉಳಿದವರೆಲ್ಲ ಲಿಪ್​ಸಿಂಕ್ ಮಾಡುತ್ತಿದ್ದಾರೆ

Viral Video : ಲಾಸ್ ಏಂಜಲೀಸ್​ನ ಕ್ಯಾಪೆಲ್ಲಾ ತಂಡವು ಪ್ರಸ್ತುತಪಡಿಸಿದ ಈ ಹಾಡಿನ ವಿಡಿಯೋ ನೋಡಿ. ನೆಟ್ಟಿಗರನ್ನು ಮೋಡಿ ಮಾಡಿದ್ದಷ್ಟೇ ಅಲ್ಲ ತಲೆಕೆರೆದುಕೊಳ್ಳುವಂತೆಯೂ ಮಾಡಿದೆ. ಏಕೆಂದರೆ ಈ ತಂಡವು ಇನ್​ಸ್ಟಾಗ್ರಾಮ್​ನಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಿ ಒಂದು ಸವಾಲನ್ನು ಎಸೆದಿದೆ. ಆ ಸವಾಲನ್ನೇ ಈಗ ನಿಮ್ಮೆದುರು ಇಡುತ್ತಿದ್ದೇವೆ. ಇಲ್ಲಿ ಒಟ್ಟು ಏಳು ಜನ ಕಲಾವಿದರಿದ್ದಾರೆ. ಹಾಡುತ್ತಿರುವವರು ಒಬ್ಬರೇ ಒಬ್ಬರು, ಉಳಿದವರು ಹಾಡಿಗೆ ತಕ್ಕಂತೆ ಲಿಪ್​ಸಿಂಕ್ ಮಾಡುತ್ತಿದ್ದಾರೆ. ‘ಬ್ಯಾಡ್​ ಬ್ಲಡ್’ ಹಾಡನ್ನು ಹಾಡುತ್ತಿರುವವರು ಯಾರೆಂದು ಗುರುತಿಸಬಲ್ಲಿರಾ?

View this post on Instagram

A post shared by A Cappella Academy (@acappellacademy)

ಗೊತ್ತಾಯಿತಾ ಯಾರು ಹಾಡುತ್ತಿರುವರೆಂದು? ಕೆಲ ದಿನಗಳ ಹಿಂದೆ ಹಂಚಿಕೊಂಡ ಈ ವಿಡಿಯೋ ಈಗಾಗಲೇ 8.2ಕ್ಕಿಂತಲೂ ಹೆಚ್ಚು ವೀಕ್ಷಕರನ್ನು ಸೆಳೆದಿದೆ. ಸಾಕಷ್ಟು ಜನರು, ನಿಜವಾಗಲೂ ಹಾಡುತ್ತಿರುವ ಏಕೈಕ ಕಲಾವಿದರು ಯಾರೆಂದು ಊಹಿಸಿ ಕಮೆಂಟ್ ಮಾಡಿದ್ದಾರೆ. ಕೆಲವರು ಲಿಪ್​ ಸಿಂಕ್ ಮಾಡಿದವರನ್ನು ಮೆಚ್ಚಿದ್ದಾರೆ. 1 ಲಕ್ಷಕ್ಕಿಂತಲೂ ಹೆಚ್ಚು ಜನ ಈ ಪೋಸ್ಟ್​ ಇಷ್ಟಪಟ್ಟಿದ್ದಾರೆ.

ಎಮೆಲಿಯಾ ಎನ್ನುವವರೇ ಈ ಹಾಡನ್ನು ಹಾಡಿದ್ದು, ಉಳಿದವರೆಲ್ಲರೂ ಲಿಪ್​ಸಿಂಕ್ ಮಾಡಿದ್ದಾರೆ ಎಂದಿದ್ದಾರೆ ಅನೇಕರು.

ನಿಮ್ಮ ಉತ್ತರ ಏನಾಗಿತ್ತು?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 12:16 pm, Sat, 8 October 22