ಹಲ್ಲುಜ್ಜಲು ಚಾಟ್​ ಮಸಾಲಾ? ಅಮೇಝಾನ್​ನಿಂದ ಎಲೆಕ್ಟ್ರಿಕ್​ ಟೂತ್​ಬ್ರಷ್​ ಬದಲಾಗಿ ಮಸಾಲಾಪುಡಿ ಡೆಲಿವರಿ

Viral News : ಆನ್​ಲೈನ್ ಶಾಪಿಂಗ್​ನ ಅನಾಹುತಗಳ ಬಗ್ಗೆ ಈಗಾಗಲೇ ಓದಿದ್ದೀರಿ ಮತ್ತು ಸ್ವತಃ ಅನುಭವಿಸಿದ್ದೀರಿ. ಮೊಬೈಲ್ ಆರ್ಡರ್ ಮಾಡಿದರೆ ಈರುಳ್ಳಿ,  ಡ್ರೋಣ್​ ಆರ್ಡರ್ ಮಾಡಿದರೆ ಆಲೂಗಡ್ಡೆ, ಐಫೋನ್​ ಆರ್ಡರ್ ಮಾಡಿದರೆ ವಾಷಿಂಗ್​ ಸೋಪ್​ ಹೀಗೆ ಒಂದೇ ಎರಡೆ? ಇದೀಗ ವೈರಲ್ ಆಗಿರುವ ಈ ಟ್ವೀಟ್ ನೋಡಿ. ಒಬ್ಬ ಮಹಿಳೆ ಅಮೇಝಾನ್​ ಮೂಲಕ ಓರಲ್​ ಬಿ ಎಲೆಕ್ಟ್ರಿಕ್​ ಬ್ರಷ್​ ಆರ್ಡರ್ ಮಾಡಿದ್ದಾಳೆ. ಆಕೆ ಬ್ರಷ್​ ಬದಲಾಗಿ 4 ಎಂಡಿಎಚ್​ ಚಾಟ್​ ಮಸಾಲಾ ಬಾಕ್ಸ್​ಗಳನ್ನು ಪಡೆದಿದ್ದಾರೆ!

ರೂ. 12,000 ಮೌಲ್ಯದ ಎಲೆಕ್ಟ್ರಿಕ್​ ಬ್ರಷ್​ ಅನ್ನು ಆನ್​ಲೈನ್​ ಮೂಲಕ ಆರ್ಡರ್ ಮಾಡಿದರೆ ಕೈಗೆ ಬಂದಿದ್ದು ನಾಲ್ಕು ಚಾಟ್​ ಮಸಾಲಾ ಡಬ್ಬಿಗಳು. ಹೇಗನ್ನಿಸಬೇಡ ಗ್ರಾಹಕರಿಗೆ? ಈ ವಿಷಯವನ್ನು ಚರ್ಚಿಸಲು ಟ್ವೀಟ್ ಮಾಡಿದ್ದಾರೆ ಈ ಮಹಿಳೆಯ ಮಗಳು. ಅಮೇಝಾನ್​ ಅನ್ನು ಕೂಡ ಟ್ಯಾಗ್ ಮಾಡಿದ್ದಾಳೆ. ಉತ್ಪನ್ನದ ಬಗ್ಗೆ ಅಭಿಪ್ರಾಯಗಳು ಒಳ್ಳೆಯ ರೀತಿಯಿಂದ ಕೂಡಿದ್ದವು. ಆದರೆ ಮಾರಾಟಗಾರರ ಬಗ್ಗೆ ನಕಾರಾತ್ಮಕ ಅಭಿಪ್ರಾಯಗಳಿದ್ದವು ಎಂದಿದ್ದಾಳೆ. ಆದಾಗ್ಯೂ ನೀವು ಯಾಕೆ ಆರ್ಡರ್ ಮಾಡಿದಿರಿ ಎಂದು ಕೇಳಿದ್ದಾರೆ ಅನೇಕರು.

ಇದನ್ನೂ ಓದಿ : ಬೇಕೇಬೇಕು ಬಾರೇಹಣ್ಣು ಬೇಕು; ಕಾವೇರಿದ ಆನ್​ಲೈನ್​ ಚಳವಳಿ

ಈ ಪೋಸ್ಟ್​ ನೋಡಿದ ಅನೇಕರು ತಮ್ಮ ಇಂಥ ಅನೇಕ ಅನುಭವಗಳನ್ನೂ ಸ್ಕ್ರೀನ್ ಶಾಟ್​ ಸಮೇತ ಹಂಚಿಕೊಂಡಿದ್ದಾರೆ. ಅಮೇಝಾನ್ ಹೆಲ್ಪ್​​ ಎಲ್ಲರ ಟ್ವೀಟ್​ಗೂ ಪ್ರತಿಕ್ರಿಯಿಸುತ್ತಿದೆ. ಇದೊಂದು ದೊಡ್ಡ ಸ್ಕ್ಯಾಮ್​​, ಅಮೇಝಾನ್​ ಕೂಡ ಇಂಥ ಮಾರಾಟಗಾರರನ್ನು ತನ್ನ ಪಟ್ಟಿಯಿಂದ ಹೊರಹಾಕುವುದಿಲ್ಲ. ಇವರೊಂದಿಗೆ ಸೇರಿ ಹಣ ಕಮಾಯಿಸುತ್ತಾರೆ ಎಂದಿದ್ದಾರೆ ಒಬ್ಬರು.

ಇದನ್ನೂ ಓದಿ  : Viral Video : ಬೆಂಕಿಯಿಂದ ಈ ನಾಯಿಮರಿಗಳನ್ನು ರಕ್ಷಿಸಿದ ಅಮೇಝಾನ್ ಲೇಡಿ ಡ್ರೈವರ್

ಜಾಸ್ತಿ ಬೆಲೆಯ ವಸ್ತುಗಳನ್ನು ಥರ್ಡ್​ ಪಾರ್ಟಿಯಿಂದ ಖರೀದಿಸಲೇಬಾರದು. ಒಂದುವೇಳೆ ಖರೀದಿಸುವುದಾದರೆ ಕಂಪೆನಿಯ ಬಗ್ಗೆ ವಿವರವಾಗಿ ತಿಳಿದುಕೊಳ್ಳಬೇಕು ಎಂದಿದ್ದಾರೆ ಇನ್ನೊಬ್ಬರು. ಯಾವುದೇ ವಸ್ತುವನ್ನು ಖರೀದಿಸುವಾಗ ರಿವ್ಯೂ ನೋಡುವುದು ಒಳ್ಳೆಯದು ಎಂದಿದ್ದಾರೆ ಕೆಲವರು.

ಇದನ್ನು ಓದಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ