ದೇವಿ ಪ್ರತ್ಯಂಗಿರಾಳನ್ನು ಚೆನ್ನೈಗೆ ಕರೆತಂದ ಮೇಕಪ್​ ಕಲಾವಿದ ದೀಪನ್; ವಿಡಿಯೋ ವೈರಲ್

Viral Video : ಸಾಮಾಜಿಕ ಜಾಲತಾಣವು ಅನೇಕ ಕಲಾವಿದರ ಪ್ರತಿಭೆಗೆ ಒಳ್ಳೆಯ ವೇದಿಕೆಯನ್ನು ಕಲ್ಪಿಸಿಕೊಟ್ಟಿದೆ. ಜೊತೆಗೆ ಅನ್ನಮಾರ್ಗವಾಗಿಯೂ ಸಾರ್ವಜನಿಕ ಜಗತ್ತಿಗೆ ಕೊಂಡಿಯಂತಾಗಿ ಪರಿಣಮಿಸಿದೆ. ಇತ್ತೀಚೆಗೆ ಚೆನ್ನೈನ ಮೇಕಪ್​ ಕಲಾವಿದರೊಬ್ಬರು ತಮ್ಮ ಕಲಾನೈಪುಣ್ಯದಿಂದ ಪ್ರತ್ಯಂಗಿರಾ ದೇವಿಯನ್ನು ಸೃಷ್ಟಿಸಿದ್ದಾರೆ. ಆ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ. ನೆಟ್ಟಿಗರು ಇದು ಗ್ರಾಫಿಕ್​ ಅನ್ನೂ ಮೀರಿಸುವ ಹಾಗಿದೆ ಎಂದು ಕೊಂಡಾಡುತ್ತಿದ್ದಾರೆ.

View this post on Instagram

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

A post shared by Deepan D’cruze (@deepan_makeover)

ದೀಪನ್​ ಡಿ’ಕ್ರೂಝ್ ಎನ್ನುವ ಕಲಾವಿದರೇ ಈ ದೇವಿಯ ಸೃಷ್ಟಿಕರ್ತರು. ಗಾಡೆಸ್ ಮೇಕಪ್​ ಸೆಮಿನಾರ್​ನಲ್ಲಿ ಈ ದೇವಿ ಪವಡಿಸಿದ್ದಾಳೆ. ಈತನಕ ಈ ವಿಡಿಯೋ ಅನ್ನು ಸುಮಾರು 3 ಲಕ್ಷ ಜನರು ನೋಡಿದ್ದಾರೆ. ನೂರಾರು ಜನರು ಅದ್ಭುತವಾದ ಈ ಕಲೆಯನ್ನ ನೋಡಿ ಶ್ಲಾಘಿಸಿದ್ದಾರೆ.

ಇದನ್ನೂ ಓದಿ : ಹಾಡಹಗಲೇ ಹುಲಿಯೊಂದು ರಸ್ತೆ ದಾಟುತ್ತಿರುವ ವಿಡಿಯೋ ವೈರಲ್

ದೇವರೇ, ನಿಜವಾಗಲೂ ನಾನು ಭಾವುಕಳಾಗುತ್ತಿದ್ದೀನಿ ಎಂದಿದ್ದಾರೆ ಒಬ್ಬರು. ಈತನಕ ಸಾಕಷ್ಟು ದೇವಿ ಪಾತ್ರಧಾರಿಗಳನ್ನು ನೋಡಿದ್ದೀರಿ. ಆದರೆ ಈ ಬಾಲೆ ನಿಜಕ್ಕೂ ಅದೃಷ್ಟವಂತಳು. ನಿಜವಾಗಲೂ ದೇವಿಯೇ ಪ್ರತ್ಯಕ್ಷವಾದ ಹಾಗಿದೆ ಎಂದಿದ್ದಾರೆ ಮತ್ತೊಬ್ಬರು. ಇದು ಮೇಕಪ್ ಅಲ್ಲ. ನಿಜವಾಗಲೂ ಪ್ರತ್ಯಂಗಿರಾ ದೇವಿಯೇ ಎಂದಿದ್ದಾರೆ ಅನೇಕರು.

ಇದನ್ನೂ ಓದಿ : ಧ್ವನಿಮಾಯಾ ಕಲಾವಿದೆ ಇಂದುಶ್ರೀಯ ತಾತ ಹೆಂಡತಿಗೆ ಸೀರೆ ತರಲು ಮಧ್ಯಪ್ರದೇಶಕ್ಕೆ ಹೋದಾಗ

ಇದು ಹೆಣ್ಣುರೂಪಿ ಹನುಮಂತನೇ? ಎಂದು ಮತ್ತೊಬ್ಬರು ಪ್ರಶ್ನಿಸಿದ್ದಾರೆ. ಇಲ್ಲಿ ಏನು ನಡೀತಿದೆ ಎನ್ನುವುದೇ ಅರ್ಥವಾಗುತ್ತಿಲ್ಲ. ಇಷ್ಟೊಂದು ಮೇಕಪ್​ ಹಾಕಿಕೊಂಡು ಇವರೆಲ್ಲ ಯಾಕೆ ವೇದಿಕೆಯ ಮೇಲೆ ಕುಣಿಯುತ್ತಿದ್ದಾರೆ ಎಂದು ಮಗದೊಬ್ಬರು ಕೇಳಿದ್ದಾರೆ. ಬರೀ ಹಿಂದೂ ದೇವತೆಗಳು ಮಾತ್ರವಾ? ಎಂದು ಇನ್ನೊಬ್ಬರು ಕೇಳಿದ್ದಾರೆ. ಕಲೆಯನ್ನು ಕಲೆಯ ದೃಷ್ಟಿಯಿಂದ ನೋಡಿದರೆ ಬೇರೆ ರೀತಿಯ ಪ್ರಶ್ನೆಗಳು ಹುಟ್ಟುತ್ತವೆ ಎಂದು ಅದಕ್ಕೆ ಪ್ರತ್ಯುತ್ತರ ನೀಡಿದ್ದಾರೆ ಯಾರೋ ಒಬ್ಬರು.

ಇದನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 6:22 pm, Fri, 10 February 23