Viral Video: ಮಂಗನಂತೆ ತೆಂಗಿನ ಮರದ ಏರಿ ಇಳಿದ ಮೇಕೆ: ನೆಟ್ಟಿಗರು ಫುಲ್ ಶಾಕ್ ಮಾರಾಯ್ರೆ

ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಾಣಿಗಳಿಗೆ ಸಂಬಂಧಿಸಿದ ಒಂದಲ್ಲಾ ಒಂದು ರೀತಿಯ ವಿಡಿಯೋಗಳು ಕಾಣಸಿಗುತ್ತವೆ. ಕೆಲವೊಂದು ವಿಡಿಯೋಗಳು ನೆಟ್ಟಿಗರನ್ನು ಮನರಂಜಿಸಿದರೆ ಇನ್ನು ಕೆಲವು ಅಚ್ಚರಿಗೊಳಪಡಿಸುತ್ತವೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ (Viral Video) ಆಗುತ್ತಿರುವ ಮೇಕೆಯ ವಿಡಿಯೋವೊಂದು ನೆಟ್ಟಿರು ಬೆರಳನ್ನು ಮೂಗಿನ ಮೇಲಿಡುವಂತಾಗಿದೆ. ಹೌದು, ಸಾಮಾನ್ಯವಾಗಿ ಮೇಕೆಗಳು ಮರ ಏರುವುದು ಕಡಿಮೆ, ಅದರಲ್ಲೂ ತೆಂಗಿನ ಮರದಂತಹ ಮರಗಳಿಗೆ ಏರುವುದನ್ನು ಕಾಣಸು ಸಾಧ್ಯವಿಲ್ಲ. ಸದ್ಯ ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ ಮೇಕೆಯೊಂದು ತೆಂಗಿನ ಮರದಂತೆ ಕಾಣುವ ನೇರವಾಗಿರುವ ಮರಕ್ಕೆ ಮೇಕೆಯೊಂದು ಹತ್ತುವುದನ್ನು (Goat climbs on tree) ಕಾಣಬಹುದು.

ವೈರಲ್ ವಿಡಿಯೋವನ್ನು ನೋಡಿದಾಗ, ಪಕ್ಕನೆ ಯಾರು ಕೂಡ ನಂಬಲು ಸಾಧ್ಯವಿಲ್ಲ, ಮೇಕೆ ಇಂತಹ ಮರಕ್ಕೂ ಹತ್ತುತ್ತದೆಯೇ ಎಂದು ಆಶ್ವರ್ಯವಾಗಬಹುದು. ಆದರೆ ಇದು ನಿಜವೆಂಬುದು ವಿಡಿಯೋದಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತದೆ. ಮೇಕೆ ಮಂಗನಂತೆ ಮರಕ್ಕೆ ಹತ್ತುವುದು ಮತ್ತು ಇಳಿಯುವುದನ್ನು ಕಾಣಬಹುದು. ಈ ವೀಡಿಯೊವನ್ನು ಬಹಳಷ್ಟು ನೆಟ್ಟಿಗರು ಇಷ್ಟಪಟ್ಟಿದ್ದು, ಸಾಮಾಜಿಕ ಮಾಧ್ಯಮದ ವಿವಿಧ ವೇದಿಕೆಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ: Viral Video: ಎದೆ ನಡುಕ ಹುಟ್ಟಿಸುವ ಭಯಾನಕ ಬಂಗೀ ಜಂಪಿಂಗ್‌ ವಿಡಿಯೋವೊಂದು ಇಲ್ಲಿದೆ

View this post on Instagram

A post shared by Gang_Of_Billa (@gang_of_billa)

ಆಡುಗಳು ಸಾಮಾನ್ಯವಾಗಿ ಈ ರೀತಿ ಮರಗಳನ್ನು ಹತ್ತುವುದು ಕಂಡುಬರುವುದಿಲ್ಲ. ಹೆಚ್ಚಿನವರು ಈ ವಿಡಿಯೋವನ್ನು ಮೊದಲ ಬಾರಿ ನೋಡಿದ್ದಾರೆ. ಸದ್ಯ ಈ ವಿಡಿಯೋವನ್ನು gang_of_billa ಎಂಬ ಇನ್​ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದ್ದು, ಈವರೆಗೆ 10ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಹಾಗೂ 2.63 ಲಕ್ಷಕ್ಕೂ ಹೆಚ್ಚು ಲೈಕ್​ಗಳು ಬಂದಿವೆ. ಸದ್ಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ತಲ್ಲಣ ಮೂಡಿಸಿರುವುದಂತು ಸತ್ಯ.

ಮತ್ತಷ್ಟು ವೈರಲ್ ಸುದ್ದಿಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ

Published On - 9:30 pm, Wed, 1 February 23