ಸಮುದ್ರದ ನಡುವಲ್ಲಿ ಎದುರಾಯ್ತು ದೈತ್ಯ ಹಾವು; ಬೋಟ್ನತ್ತ ಹಾವು ನುಗ್ಗಿ ಬಂದ ವಿಡಿಯೋ ವೈರಲ್
ಹಾವಿನ ಈ ವರ್ತನೆಯನ್ನು ವರ್ಣಿಸಿರುವ ಬ್ರೋಡಿ ಮಾಸ್, ಹಾವಿನ ಈ ವರ್ತನೆ ಅದರ ಸಂತಾನ ಕ್ರಿಯೆಗೆ ಸಂಬಂಧಿಸಿದ್ದಾಗಿದೆ. ಅದು ಕುತೂಹಲದಿಂದ ತನಗೆ ಸಂಗಾತಿ ಸಿಗಬಹುದೆಂದು ಭಾವಿಸಿ ಇತ್ತ ಹರಿದು ಬಂದಿದೆ. ಅದಲ್ಲದೇ ಇದ್ದರೆ ಹಾಗೆ ಮೈಮರೆತು ಮೋಸ ಹೋಗುವುದು ಸಾಧ್ಯವಿಲ್ಲ ಎಂದು ಹೇಳಿಕೊಂಡಿದ್ದಾರೆ.
Updated on: Sep 03, 2021 | 3:09 PM
ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುವ ಕೆಲ ವಿಡಿಯೋಗಳು ಅರೆರೆ! ಎನ್ನಿಸುವಂತೆ ಇರುತ್ತವೆ. ಅದರಲ್ಲೂ ಪ್ರಾಣಿ, ಪಕ್ಷಿ, ಪ್ರಕೃತಿಗೆ ಸಂಬಂಧಿಸಿದ ಅಪರೂಪದ ವಿಚಾರಗಳು ಶರವೇಗದಲ್ಲಿ ಎಲ್ಲರ ಮೊಬೈಲ್ಗೆ ಹೊಕ್ಕು ವೈರಲ್ ಆಗಿಬಿಡುತ್ತವೆ. ಇತ್ತೀಚೆಗೆ ಆಸ್ಟ್ರೇಲಿಯಾದ ಯೂಟ್ಯೂಬರ್ ಒಬ್ಬಾತ ಹಂಚಿಕೊಂಡ ವಿಡಿಯೋ ಒಂದು ಈಗ ಎಲ್ಲರ ಗಮನ ಸೆಳೆದು ಹುಬ್ಬೇರುವಂತೆ ಮಾಡುತ್ತಿದೆ. ಆಸಿಸ್ನ ಬ್ರೋಡಿ ಮಾಸ್ ಎಂಬಾತ ಈ ವಿಡಿಯೋ ಮಾಡಿದ್ದು, ಅದನ್ನು ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾನೆ. ಆ ವಿಡಿಯೋ ಈಗ ಸಿಕ್ಕಾಪಟ್ಟೆ ವೈರಲ್ ಆಗಿ ಸದ್ದು ಮಾಡುತ್ತಿದೆ.
ಆತ ಹಂಚಿಕೊಂಡ ವಿಡಿಯೋ ಅಷ್ಟು ಸಂಚಲನ ಮೂಡಿಸೋಕೆ ಕಾರಣ ಸಮುದ್ರದ ದೈತ್ಯ ಹಾವು. ಸಾಧಾರಣವಾಗಿ ಮನುಷ್ಯರು ಅಥವಾ ಯಾವುದೇ ಅಪರಿಚಿತ ವಸ್ತುವಿನಿಂದ ದೂರ ಸರಿಯುವ ಆ ಜಾತಿಯ ಹಾವು ಇಲ್ಲಿ ಮಾತ್ರ ಇವನತ್ತಲೇ ನುಗ್ಗಿ ಬಂದಿದೆ. ತುಸು ದೂರದಿಂದಲೇ ಹಾವು ಹರಿದು ಬರುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದ್ದು, ಅದರ ಈ ವರ್ತನೆಗೆ ಸ್ವತಃ ಬ್ರೋಡಿ ಮಾಸ್ ಬೆರಗಾಗಿದ್ದಾನೆ.
View this post on Instagram
ಶುಭ್ರ ಸಾಗರದಲ್ಲಿ ಈತನಿದ್ದ ಬೋಟ್ನತ್ತಲೇ ಹರಿದು ಬಂದ ಕಂದು ಬಣ್ಣದ ದೈತ್ಯ ಹಾವು ಬರುವ ಶೈಲಿಯನ್ನು ನೋಡಿದರೆ ಎಂಥವರೂ ಭಯ ಬೀಳಬೇಕು. ಅಷ್ಟು ವೇಗವಾಗಿ ಬಂದ ಹಾವು ನೇರ ಈತನ ಸಮೀಪಕ್ಕೇ ಬಂದು ಒಮ್ಮೆ ಬೋಟ್ನಲ್ಲಿ ಇಣುಕಿ ನೋಡಿ ಮತ್ತೆ ಫಟ್ಟನೆ ವಾಪಾಸ್ ಹೋಗಿದೆ.
ಆಹಾರವನ್ನು ಅರಸಿ ಬರುವಂತೆ ಬಂದ ಹಾವು, ಬೋಟ್ ಒಳಗೆ ಒಮ್ಮೆ ಇಣುಕಿ ವಾಪಾಸ್ ಆಗಿರುವುದು ಅಚ್ಚರಿ ಮೂಡಿಸಿದೆ. ಆದರೆ, ಹಾವಿನ ಈ ವರ್ತನೆಯನ್ನು ವರ್ಣಿಸಿರುವ ಬ್ರೋಡಿ ಮಾಸ್, ಹಾವಿನ ಈ ವರ್ತನೆ ಅದರ ಸಂತಾನ ಕ್ರಿಯೆಗೆ ಸಂಬಂಧಿಸಿದ್ದಾಗಿದೆ. ಅದು ಕುತೂಹಲದಿಂದ ತನಗೆ ಸಂಗಾತಿ ಸಿಗಬಹುದೆಂದು ಭಾವಿಸಿ ಇತ್ತ ಹರಿದು ಬಂದಿದೆ. ಅದಲ್ಲದೇ ಇದ್ದರೆ ಹಾಗೆ ಮೈಮರೆತು ಮೋಸ ಹೋಗುವುದು ಸಾಧ್ಯವಿಲ್ಲ ಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: Viral Video: ರಾಖಿ ಕಟ್ಟಿದವನನ್ನೇ ಕಚ್ಚಿ ಕೊಂದ ಹಾವುಗಳು!; ಈ ವಿಡಿಯೋ ನೋಡಿದರೆ ಬೆಚ್ಚಿ ಬೀಳ್ತೀರಿ
ವಿಷಪೂರಿತ ಹಾವನ್ನು ಹಿಡಿದು ಕಚ್ಚಿ ಸಾಯಿಸಿದ ವ್ಯಕ್ತಿ; ನೋವು ತಾಳಲಾರದೇ ಸತ್ತ ಹಾವು
