Viral Video: 6ನೇ ಮಹಡಿಯ ಕಿಟಕಿಯಲ್ಲಿ ನೇತಾಡುತ್ತಿದ್ದ ಬಾಲಕಿಯನ್ನು ಕಾಪಾಡಲು ಬರಿಗೈಯಲ್ಲಿ ಕಟ್ಟಡ ಹತ್ತಿದ ಯುವಕ; ವಿಡಿಯೋ ವೈರಲ್

ಕಿಟಕಿಯಿಂದ ಕೆಳಗೆ ನೇತಾಡುತ್ತಿದ್ದ ಮಗುವನ್ನು ರಕ್ಷಿಸಲು ಯಾವುದೇ ರಕ್ಷಣಾ ಸಾಧನಗಳಿಲ್ಲದೆ ಬರಿಗೈಯಲ್ಲೇ ಕಟ್ಟಡದ 6 ಮಹಡಿಗಳನ್ನು ಏರಿದ ಧೈರ್ಯಶಾಲಿ ಯುವಕನಿಗೆ ಸಾಮಾಜಿಕ ಮಾಧ್ಯಮದಲ್ಲಿ (Social Media) ವ್ಯಾಪಕವಾಗಿ ಮೆಚ್ಚುಗೆ ವ್ಯಕ್ತವಾಗಿದೆ. ಕಳೆದ ವಾರ ಚೀನಾದ ಶಾಂಕ್ಸಿ ಪ್ರಾಂತ್ಯದಲ್ಲಿ ಈ ಘಟನೆ ನಡೆದಿದ್ದು, 5 ವರ್ಷದ ಬಾಲಕಿಯೊಬ್ಬಳು ಕಿಟಕಿಯಿಂದ ನೇತಾಡುತ್ತಿದ್ದಳು. ಕಿಟಕಿಯ ಭದ್ರತಾ ಗ್ರಿಲ್‌ಗಳ ನಡುವೆ ನೇತಾಡುತ್ತಿದ್ದ ಆಕೆ ಸಹಾಯಕ್ಕಾಗಿ ಕೂಗುತ್ತಿದ್ದಳು. ಹುಡುಗಿಯ ನೆರೆಹೊರೆಯವರು ಆ ಧ್ವನಿಯನ್ನು ಕೇಳಿ ಹೊರಗೆ ಬಂದು ನೋಡಿದಾಗ ಆಕೆ ಪ್ರಾಣಾಪಾಯದಲ್ಲಿರುವುದು ಗೊತ್ತಾಗಿತ್ತು.

ಅದೇ ಬಿಲ್ಡಿಂಗ್​ನಲ್ಲಿ ವಾಸವಾಗಿದ್ದ ಯುವಕನೊಬ್ಬ ಆ ಹುಡುಗಿಯನ್ನು ಕಾಪಾಡಲು ತನ್ನ ಪ್ರಾಣದ ಹಂಗು ತೊರೆದು ಬರಿಗೈಯಲ್ಲೇ ಕಟ್ಟಡವನ್ನು ಹತ್ತಿ 6ನೇ ಮಹಡಿಗೆ ತಲುಪಿದ್ದಾನೆ. ಇದರ ವಿಡಿಯೋ ಈಗ ವೈರಲ್ ಆಗಿದೆ. ತನ್ನ ಜೀವವನ್ನು ಲೆಕ್ಕಿಸದೆ ಅಪಾರ್ಟ್​​ಮೆಂಟ್​ನ ಮುಂಭಾಗಕ್ಕೆ ಜೋಡಿಸಲಾದ ಭದ್ರತಾ ಬಾರ್‌ಗಳನ್ನು ಬಳಸಿಕೊಂಡು ಕಟ್ಟಡದ ಹೊರಗಿನಿಂದ 6ನೇ ಮಹಡಿಯನ್ನು ಹತ್ತಿದ ಯುವಕ ಕೊನೆಗೂ ಆ ಹುಡುಗಿಯನ್ನು ಹಿಡಿದುಕೊಂಡು, ಆಕೆಯನ್ನು ಕಾಪಾಡಿದ್ದಾರೆ ಎಂದು ಪೀಪಲ್ಸ್ ಡೈಲಿ ಆನ್‌ಲೈನ್ ವರದಿ ಮಾಡಿದೆ.

ಇದನ್ನೂ ಓದಿ: Viral Video: ಸ್ವಿಮ್ಮಿಂಗ್ ಪೂಲ್ ಪಕ್ಕದಲ್ಲಿ ಮನುಷ್ಯರಂತೆ ಕುರ್ಚಿ ಮೇಲೆ ಕುಳಿತ ತುಂಟ ನಾಯಿ: ಹೃದಯಸ್ಪರ್ಶಿ ವಿಡಿಯೋ ವೈರಲ್

ಕಿಟಕಿಯಲ್ಲಿ ನೇತಾಡುತ್ತಿದ್ದ ಬಾಲಕಿ ಬಹಳ ಹೆದರಿದ್ದಳು. ಹೆದರಿಕೆಯಿಂದ ಜೋರಾಗಿ ಅಳುತ್ತಲೇ ಇದ್ದಳು. ನಾನು ಅವಳನ್ನು ಭಯಪಡಬೇಡ ಎಂದು ಹೇಳಿದೆ. ನಾನು ಅವಳನ್ನು ಉಳಿಸಲು ಬರುತ್ತಿದ್ದೇನೆ ಎಂದು ವಿವರಿಸಿದೆ ಎಂದು ಪೀಪಲ್ಸ್ ಡೈಲಿಗೆ ಆ ಯುವಕ ಹೇಳಿದ್ದಾರೆ. ಈ ವೀಡಿಯೊ ವೈರಲ್ ಆಗಿದೆ.

ಇತ್ತೀಚೆಗೆ, ಕಝಾಕಿಸ್ತಾನ್‌ನಲ್ಲಿ 8ನೇ ಮಹಡಿಯಲ್ಲಿ ನೇತಾಡುತ್ತಿದ್ದ ಮಗುವನ್ನು ರಕ್ಷಿಸಲು ವ್ಯಕ್ತಿಯೊಬ್ಬರು ಗೋಪುರದ ಮೇಲೆ ಹತ್ತಿದ ನಂತರ ಇದೇ ರೀತಿಯ ಧೈರ್ಯದ ಕಥೆಯು ಆನ್‌ಲೈನ್‌ನಲ್ಲಿ ಹರಿದಾಡುತ್ತಿದೆ. 3 ವರ್ಷದ ಮಗು ತನ್ನ ತಾಯಿ ಶಾಪಿಂಗ್‌ಗೆ ಹೋಗಿದ್ದ ಸಂದರ್ಭದಲ್ಲಿ ಆಟದ ಸಾಮಾನನ್ನು ಕಿಟಕಿಯಿಂದ ಹೊರಗೆ ಹಾಕಿ ಆಟವಾಡುವಾಗ ಈ ಘಟನೆ ಸಂಭವಿಸಿದೆ. ಇದನ್ನೂ ಓದಿ:

ಇನ್ನಷ್ಟು ಟ್ರೆಂಡಿಂಗ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ