Viral Video: ನಾಗಿನ್ ಡಾನ್ಸ್ ಮಾಡುತ್ತಿದ್ದ ಇಬ್ಬರು ಯುವಕರು ಮಾಡಿದ್ದೇನು ಗೊತ್ತಾ? ವೈರಲ್ ವಿಡಿಯೋ ಇಲ್ಲಿದೆ

ವೈರಲ್ ವಿಡಿಯೋ: ಪಾರ್ಟಿಗಳಲ್ಲಿ, ಮದುವೆಗಳಲ್ಲಿ ಅಥವಾ ಇನ್ಯಾವುದೋ ಮನರಂಜನಾ ಸಮಾರಂಭಗಳಲ್ಲಿ ನೃತ್ಯ ಮಾಡುವುದು ಕಾಮನ್, ಅದು ವಿದೇಶಗಳಲ್ಲೂ ಇದೆ. ಆದರೆ ಭಾರತದಲ್ಲಿ ಡಿಜೆ ಡಾನ್ಸ್​ನಲ್ಲಿ ನಾಗಿನ್ ನಾಗಿನ್ ಡಾನ್ಸ್ ಬಹಳ ವಿಶೇಷವಾಗಿದೆ. ಇದಕ್ಕೆ ಯುವಕ-ಯುವತಿಯರು ಕೂಡ ಹುಚ್ಚೆದ್ದು ಕುಣಿಯುತ್ತಾರೆ. ಆದರೆ ಇಲ್ಲಿಬ್ಬರು ಯುವಕರು ಈ ಹಾಡಿಗೆ ಡಾನ್ಸ್ ಮಾಡುತ್ತಾ ಪರಸ್ಪರ ಹಾವಿನಂತೆ ಹೊಡೆದಾಡಿಕೊಂಡಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಇದರ ವಿಡಿಯೋ ವೈರಲ್ (Video Viral) ಆಗುತ್ತಿದೆ.

ಸಮಾರಂಭವೊಂದರಲ್ಲಿ ಬ್ಯಾಂಡ್​ ವಾದಕರು ನಾಗಿನ್ ಹಾಡಿನ ಮ್ಯೂಸಿಕ್ ಅನ್ನು ಹಾಕಿದ್ದಾರೆ. ಈ ವೇಳೆ ಬ್ಯಾಂಡ್ ವಾದಕರ ನಡುವೆ ಬಂದ ಇಬ್ಬರು ಯುವಕರು ಬಹಳ ಜೋಷ್ ಆಗಿ ಹಾವಿನಂತೆ ಡಾನ್ಸ್ ಮಾಡುತ್ತಾರೆ. ಕೆಲವೇ ಸೆಕೆಂಡುಗಳಲ್ಲಿ ಒಬ್ಬಾತ ಹಾವು ಕೋಪಗೊಂಡರೆ ಯಾವ ರೀತಿ ಕುಟುಕುತ್ತದೆಯೋ ಅದೇ ರೀತಿಯಲ್ಲಿ ಕುಟುಕುತ್ತಾನೆ. ಈ ವೇಳೆ ಕೋಪಗೊಂಡ ಮತ್ತೊಬ್ಬ ಅದೇ ರೀತಿಯಲ್ಲಿ ಆತನಿಗೂ ಕುಟುಕುತ್ತಿದ್ದಾನೆ. ಇದೇ ವೇಳೆ ನಾಗಿನ್ ಡಾನ್ಸ್ ಜಗಳಕ್ಕೆ ತಿರುಗಿದೆ. ಇದು ಕೇವಲ ಜಗಳವಲ್ಲ ಅವರು ಹಾವುಗಳಂತೆ ಪರಸ್ಪರ​ ಹೊಡೆದಾಟಿಕೊಂಡಿದ್ದಾರೆ. ಪರಿಸ್ಥಿತಿ ಕೈಮೀರುತ್ತಿದ್ದಂತೆ ನೆರೆದಿದ್ದವರು ಜಗಳ ಬಿಡಿಸುವುದನ್ನು ವೈರಲ್ ವಿಡಿಯೋದಲ್ಲಿ ಕಾಣಬಹುದು.

View this post on Instagram

A post shared by ✌️ i am a dreamer ✌️ (@iam_a_dreamer_5)

ಈ ವಿಡಿಯೋವನ್ನು ಮೀಮ್ಸ್ ಮಾಡಿ iam_a_dreamer_5 ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಭಾನುವಾರ ಹಂಚಿಕೊಳ್ಳಲಾಗಿದ್ದು, ಸದ್ಯ ವೈರಲ್ ಪಡೆದುಕೊಂಡಿದೆ. ವಿಡಿಯೋ ನೋಡಿದ ನೆಟ್ಟಿಗರು, ಸಂಪೂರ್ಣ ಉಲ್ಲಾಸದಾಯಕವಾಗಿದೆ ಎಂದು ಹೇಳಿಕೊಂಡಿದ್ದು, ಸಾವಿರಕ್ಕೂ ಹೆಚ್ಚು ಲೈಕ್​ಗಳು ಬಂದಿವೆ.

ಈ ಹಿಂದೆ ಲಾರಿಯ ಹಾರನ್ ಸೌಂಡ್ ಭಾರಿ ವೈರಲ್ ಆಗಿತ್ತು. ಇದಕ್ಕೆ ಕಾರಣ ಏನೆಂದರೆ, ಆ ಹಾರನ್​ನಲ್ಲಿನ ಮ್ಯೂಸಿಕ್ ನಾಗಿನ್ ನಾಗಿನ್ ಆಗಿತ್ತು. ಲಾರಿ ಚಾಲಕ ಹಾರನ್ ಹಾಕುತ್ತಿದ್ದಂತೆ ಬೈಕ್​ನಲ್ಲಿ ಬಂದ ಹತ್ತಾರು ಯುವಕರು ರಸ್ತೆಯಲ್ಲೇ ಹುಚ್ಚೆದ್ದು ಕುಣಿದಿದ್ದರು. ಈ ವಿಡಿಯೋ ಇಂಟರ್ನೆಟ್​ನಲ್ಲಿ ಸಖತ್ ವೈರಲ್ ಆಗಿತ್ತು.