ಕ್ಯಾನ್ಸರ್ ರೋಗಿಗಳಿಗಾಗಿ ತನ್ನ ಮದುವೆಯ ದಿನವೇ ತಲೆಗೂದಲನ್ನು ಕತ್ತರಿಸಿದ ವಧು

Viral Video : ತಮ್ಮ ಮದುವೆಯ ದಿನವು ಅತ್ಯಂತ ವಿಶೇಷವಾಗಿರಬೇಕೆಂದು ಸಾಕಷ್ಟು ಜನರು ಬಯಸುತ್ತಾರೆ. ಎಲ್ಲರ ನೆನಪಿನಲ್ಲಿ ಉಳಿಯಬೇಕೆನ್ನುವ ನಿಟ್ಟಿನಲ್ಲಿ ವಿಭಿನ್ನವಾಗಿ ಮದುವೆಯನ್ನು ಆಯೋಜಿಸುತ್ತಾರೆ ಕೂಡ. ಈಗಾಗಲೇ ಇಂಥ ಮದುವೆಗಳ ವಿಡಿಯೋ ಅನ್ನು ನೀವು ಇದೇ ತಾಣದಲ್ಲಿ ನೋಡಿದ್ದೀರಿ. ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿ. ವಧು ತನ್ನ ಮದುವೆಯ ಸಮಯದಲ್ಲಿ ಕೂದಲನ್ನು ಕತ್ತರಿಸಿಕೊಂಡಿದ್ದಾಳೆ. ಯಾಕಿಂಥ ನಿರ್ಧಾರ? ವಿಡಿಯೋ ನೋಡಿ.

ವಿಡಿಯೋ ನೋಡಿದ ತಕ್ಷಣ ಕಾರಣ ಹೊಳೆಯಲಾರದು. ಕ್ಯಾನ್ಸರ್ ರೋಗಿಗಳಿಗಾಗಿ ತನ್ನ ಕೂದಲನ್ನು ಈಕೆ ದಾನ ಮಾಡಿದ್ದಾಳೆ. ಈ ಸಂದರ್ಭವೇ ಬೇಕಿತ್ತೇ? ಎನ್ನಿಸಬಹುದು. ಆದರೆ ಈಕೆ ಕ್ಯಾನ್ಸರ್​ನಿಂದ ತನ್ನ ತಾಯಿಯನ್ನು ಕಳೆದುಕೊಂಡಿದ್ದಾಳೆ. ಆ ನೆನಪಿಗಾಗಿ ಹೀಗೆ ಈ ನಿರ್ಧಾರ ಕೈಗೊಂಡಿದ್ದಾಳೆ. ಹೆಣ್ಣುಮಕ್ಕಳು ಕ್ಯಾನ್ಸರ್​ಗೆ ಒಳಗಾದಾಗ ಎದುರಿಸುವ ದೊಡ್ಡ ಸವಾಲೆಂದರೆ ಕೂದಲಿನದು. ಆ ನೋವು ನನಗೆ ಗೊತ್ತು ಹಾಗಾಗಿ ನಾನು ಈ ನಿರ್ಧಾರ ಕೈಗೊಂಡೆ ಎಂದಿದ್ದಾಳೆ ವಧು. ಈ ಸಂದರ್ಭಕ್ಕೆ ಸಾಕ್ಷಿಯಾದ ಕುಟುಂಬ ಸದಸ್ಯರು ಹನಿಗಣ್ಣಾಗುತ್ತಾರೆ. ವರ ಕೂಡ ವಧುವಿನ ನಿರ್ಧಾರವನ್ನು ಗೌರವಿಸಿದ್ದಾನೆ.

ಇದನ್ನೂ ಓದಿ : ಮದುವೆಯಲ್ಲಿ ವರ, ವಧುವಿನ ಲೈವ್ ಪೋರ್ಟ್ರೇಟ್ ಮಾಡಿದ ವಿಡಿಯೋ ವೈರಲ್; ಎಂಥಾ ಅದೃಷ್ಟ ಎಂದ ನೆಟ್ಟಿಗರು ​

ಈಗಾಗಲೇ ಈ ವಿಡಿಯೋ ಅನ್ನು ಒಂದು ಮಿಲಿಯನ್​ಗಿಂತಲೂ ಹೆಚ್ಚು ಜನರು ನೋಡಿದ್ದಾರೆ. 1,64,000 ಜನರು ಮೆಚ್ಚಿದ್ದಾರೆ. ಇದು ಅದ್ಭುತ ನಿರ್ಧಾರ ಎಂದಿದ್ಧಾರೆ ಕೆಲವರು. ನಾನು ಕ್ಯಾನ್ಸರ್​ಗೆ ಈಡಾಗಿ ಈಗ ಬದುಕುಳಿದಿದ್ದೇನೆ. ಕ್ಯಾನ್ಸರ್​ಗೆ ಒಳಗಾಗುವ ಮೊದಲು ನಾನು ಹೀಗೆ ಅನೇಕ ಬಾರಿ ಕೂದಲನ್ನು ದಾನ ಮಾಡಿದ್ದೇನೆ. ಈಗ ಕೂದಲಿನ ಮಹತ್ವ ನನಗೆ ಹೆಚ್ಚು ಅರ್ಥವಾಗುತ್ತಿದೆ. ಮತ್ತು ನೀವು ಬಾಹ್ಯದಲ್ಲಿಯೂ ಆಂತರ್ಯದಲ್ಲಿಯೂ ಸುಂದರವಾಗಿದ್ದೀರಿ ನಿಮಗೆ ಒಳ್ಳೆಯದಾಗಲಿ ಎಂದು ಹೇಳಿದ್ದಾರೆ ಒಬ್ಬರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ