ಗೋಣಿಚೀಲದ ಪಲಾಝೋಗೆ ರೂ. 60,000! ಹೊಗ್ಗೋ ಮಾರಾಯಾ ನಾ ಫ್ರೀ ಕೊಡ್ತೀನಿ ಬಾ
Palazzo : ಅಕಸ್ಮಾತ್ ಜಾರಿ ನೆಲಕ್ಕೆ ಬಿದ್ದರೆ ಜನ ಇದಕ್ಕೆ ಕಾಲೊರೆಸುತ್ತ ದಾಟಿ ಹೋಗುವುದು ಗ್ಯಾರಂಟಿ ಎಂದು ಒಬ್ಬರು. ಇದಕ್ಕೆ ರೂ. 60 ಇರಬೇಕು ನೋಡಿ ಎಂದು ಇನ್ನೊಬ್ಬರು. ಈ ವಿಡಿಯೋ ನೋಡಿದ ಮೇಲೆ ನೀವೇನಂತೀರಿ?
Updated on: Feb 18, 2023 | 2:33 PM
Viral Video : ಗೋಧಿ, ಅಕ್ಕಿ, ಜೋಳ, ರಾಗಿ ಹೀಗೆ ಮುಂತಾದ ಕಾಳುಕಡಿ ಹಾಕಿ ಸಾಗಿಸಲು ಮತ್ತು ಸಂಗ್ರಹಿಸಲು ಗೋಣಿಚೀಲವನ್ನು ಬಳಸುತ್ತಾರೆ. ಅಲ್ಲದೆ ಹಳ್ಳಿಗಳ ಕಡೆ ಕಾಲೊರೆಸಲು ಈ ಗೋಣಿತಾಟನ್ನು ಉಪಯೋಗಿಸುತ್ತಾರೆ. ಈ ಗೋಣಿಯನ್ನು ಸೆಣಬಿನಿಂದ ತಯಾರಿಸುತ್ತಾರೆ ಇಂತೆಲ್ಲ ಪ್ರಾಥಮಿಕ ತಿಳಿವಳಿಕೆಗಳು ನಿಮಗೆ ಗೊತ್ತಿವೆ. ಆದರೆ ಆದರೆ ಈ ಗೋಣಿಚೀಲ ಇದೀಗ ಅಂತರ್ಜಾಲದಲ್ಲಿ ವೈರಲ್ ಆಗುತ್ತ ಇಡೀ ವಿಶ್ವವನ್ನು ಸುತ್ತುತ್ತಿದೆ ಎಂಬ ವಿಷಯ ಗೊತ್ತೆ? ಗೊತ್ತಾದರೆ, ಈ ಕಾಲೊರೆಸುವ ಚೀಲಕ್ಕೆ ಅಲ್ಲಲ್ಲ ಪಲಾಝೋಗೆ ರೂ. 60,000!
ಅಯ್ಯೋ ಶಿವನೇ, ನಮ್ಮ ಹಳ್ಳಿ ಮನೆಗೆ ಬನ್ನಿ, ಒಂದಲ್ಲ ಹತ್ತು ಚೀಲಗಳನ್ನು ಫ್ರೀಯಾಗಿ ಕೊಡ್ತೀನಿ. ಪಲಾಝೋ ಅಷ್ಟೇ ಯಾಕೆ? ಸೀರೆ ರವಿಕೇನೂ ಮಾಡ್ಕೋಬಹುದು ಅಂತೀರಿ ಅಲ್ಲವೆ? ನೆಟ್ಟಿಗರು ಈ ವಿಡಿಯೋ ನೋಡಿ ಅಚ್ಚರಿಪಟ್ಟಿದ್ದಾರೆ. ಬಿದ್ದು ಬಿದ್ದು ನಗುತ್ತಿದ್ದಾರೆ. ಆ ಪಲಾಝೋ ಮೇಲೆ ಪ್ರಿಂಟ್ ಮಾಡಿರುವ ಅಕ್ಷರಗಳನ್ನು ಓದುವಲ್ಲಿ ಉತ್ಸಾಹ ತೋರುತ್ತಿದ್ಧಾರೆ.
ಇದನ್ನೂ ಓದಿ : 67 ವರ್ಷದ ಅಜ್ಜಿ ಸೀರೆಯುಟ್ಟು ರೋಪ್ ಸೈಕ್ಲಿಂಗ್ ಮಾಡುತ್ತಿರುವ ವಿಡಿಯೋ ವೈರಲ್
ಇದೇನಾದರೂ ಜಾರಿ ನೆಲಕ್ಕೆ ಬಿದ್ದರೆ ಜನ ಇದಕ್ಕೆ ಕಾಲೊರೆಸುತ್ತ ದಾಟಿ ಹೋಗುತ್ತಾರೆ ಎಂದಿದ್ದಾರೆ ಒಬ್ಬರು. ಇದಕ್ಕೆ ರೂ. 60 ಇರಬೇಕು ನೋಡಿ ಎಂದಿದ್ದಾರೆ ಮತ್ತೊಬ್ಬರು. ಇದು ನಿಜವಾದ ರೀಸೈಕ್ಲಿಂಗ್ ಎಂದು ಮಗದೊಬ್ಬರು ಹೇಳುತ್ತಿದ್ದಾರೆ. ಈ ಅಂಗಡಿಯ ಓನರ್ ಉರ್ಫೀ ಜಾವೇದ್? ಎಂದು ಕೇಳಿದ್ದಾರೆ ಇನ್ನೂ ಒಬ್ಬರು. ಉರ್ಫೀ ಕಣ್ಣಿನಿಂದ ಇದು ದೂರವಿರಲಿ ಎಂದಿದ್ದಾರೆ ಮತ್ತೊಬ್ಬರು. ಇದು ನನ್ನ ಹೊಸ ಬಿಝಿನೆಸ್. ಸಪೋರ್ಟ್ ಮಾಡಿ ಎಂದು ತಮಗೆ ತಾವೇ ಒಬ್ಬರು ಕಾಲೆಳೆದುಕೊಂಡಿದ್ದಾರೆ ಒಬ್ಬರು.
ಇದನ್ನೂ ಓದಿ : ‘ಎಂಬಿಎ ಚಾಯ್ವಾಲಾ’ ರೂ. 90 ಲಕ್ಷದ ಮರ್ಸಿಡೀಝ್ ಕಾರು ಖರೀದಿಸಿದ ವಿಡಿಯೋ ವೈರಲ್
ಈ ತನಕ ಈ ವಿಡಿಯೋ ಅನ್ನು ಸುಮಾರು 8 ಮಿಲಿಯನ್ ಜನರು ನೋಡಿದ್ದಾರೆ. 5 ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ನೋಡಿ ಮತ್ತೆ ನೀವೇನಾದೂ ಹೊಸ ಉದ್ಯಮ ಶುರು ಮಾಡಬೇಕೆಂದುಕೊಂಡಿದ್ದರೆ ಈ ಐಡಿಯಾ ಸೂಕ್ತ ಅನ್ನಿಸಬಹುದೇನೋ, ಏನಂತೀರಿ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
