Viral Video: ಯಾವುದೇ ಖರ್ಚಿಲ್ಲದೆ ಪ್ರಧಾನಿ ಮೋದಿ ರೋಡ್​​ ಶೋ ಮಾಡಿದ ಪುಟ್ಟ ಅಭಿಮಾನಿಗಳು: ವೀಡಿಯೊ ನೋಡಿ

ಕರ್ನಾಟಕದಲ್ಲಿ ಒಂದು ರೀತಿ ಚುನಾವಣೆ ಹಬ್ಬವೇ ನಡೆಯುತ್ತಿದೆ. ಎಲ್ಲ ಕಡೆ ರಾಜಕೀಯ ವ್ಯಕ್ತಿಗಳ ಹವಾ ಶುರುವಾಗಿದ್ದು. ಮೇ 10ಕ್ಕೆ ಕರ್ನಾಟಕ ವಿಧಾನಸಭಾ ಚುನಾವಣೆ 2023 ನಡೆಯಲಿದ್ದು. ಇದೀಗ ರಾಜಕೀಯ ನಾಯಕರು ಎಲ್ಲ ಕಡೆ ರೋಡ್​​ ಶೋ ಶುರು ಮಾಡಿದ್ದಾರೆ. ಇಂದು ಪ್ರಧಾನಿ ಮೋದಿ ಕೂಡ ರೋಡ್​​ ಶೋ ಮಾಡುತ್ತಿದ್ದಾರೆ. ಈ ಸಮಯದಲ್ಲಿ ಪುಟ್ಟ ಮಕ್ಕಳ ರೋಡ್​​ ಶೋ ವೀಡಿಯೊ ವೈರಲ್​​ ಆಗಿದೆ.  ಮೇ.10ಕ್ಕೆ ಚುನಾವಣೆ ಇರುವ ಕಾರಣಕ್ಕೆ ಈಗಾಗಲೇ ಪ್ರಚಾರ ರಂಗು ಶುರುವಾಗಿದೆ. ವಿವಿಧ ಪಕ್ಷಗಳು ನಾಯಕರು ಜನರನ್ನು ಸೆಳೆಯಲು ಅನೇಕ ತಂತ್ರಗಳನ್ನು ಮಾಡುತ್ತಿದ್ದಾರೆ. ಪರ-ವಿರೋಧಗಳ ನಡುವೆ ಪ್ರಚಾರ ಜೋರಾಗಿಯೇ ನಡೆಯುತ್ತಿದೆ. ಇನ್ನೂ ಸ್ಟಾರ್​​ ಪ್ರಚಾರಕ್ಕೆ ಸಿನಿಮಾ ನಟ-ನಟಿಯರು ರಾಜಕೀಯ ನಾಯಕರ ಪರ ಪ್ರಚಾರ ಮಾಡುತ್ತಿದ್ದಾರೆ. ಬೇರೆ ಬೇರೆ ರಾಜ್ಯಗಳ ರಾಜಕೀಯ ನಾಯಕರು ಬಂದು ಅಭ್ಯರ್ಥಿಗಳಿಗೆ ಸಾಥ್​​ ನೀಡಿದ್ದಾರೆ. ಇನ್ನೂ ಇಂದು (ಮೇ6) ಪ್ರಧಾನಿ ಮೋದಿ ಬೆಂಗಳೂರಿಗೆ ಬಂದಿದ್ದು ಅದ್ಧೂರಿ ರೋಡ್​​ ಶೋ ಆರಂಭಿಸಿದ್ದಾರೆ. ಬೆಂಗಳೂರಿನ ಇನ್ನೂ ಅನೇಕ ಕಡೆ ರೋಡ್​ ಶೋ ಮಾಡಲಿದ್ದಾರೆ. ಈ ರೋಡ್​​ ಶೋ ಅಥವಾ ಯಾವುದೇ ಪಕ್ಷದ ಪ್ರಚಾರಕ್ಕೆ ಲಕ್ಷ ಲಕ್ಷ ಖರ್ಚು ಮಾಡುತ್ತಾರೆ. ಇದು ಒಂದು ರೀತಿಯಲ್ಲಿ ಜನರನ್ನು ಸೆಳೆಯಲು ಮಾಡುತ್ತಿರುವ ತಂತ್ರ, ಆದರೆ ಇಲ್ಲೊಂದು ಪುಟ್ಟಮಕ್ಕಳ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್​ ಆಗುತ್ತಿದೆ. ಪುಟ್ಟ ಮಕ್ಕಳು ಸೇರಿ ಯಾವುದೇ ಖರ್ಚು ಇಲ್ಲದೆ ಮೋದಿ ಅವರ ರೋಡ್ ಶೋ ಮಾಡಿದ್ದಾರೆ. ಇದೀಗ ಈ ವೀಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​​ ಆಗುತ್ತಿದೆ. ಇದಕ್ಕೆ ಅನೇಕರು ಮೆಚ್ಚುಗೆ ಕೂಡ ವ್ಯಕ್ತಪಡಿಸಿದ್ದಾರೆ.

ಇನ್ನೂ ಈ ವೀಡಿಯೊದಲ್ಲಿ ತೋರಿಸಿದಂತೆ ಯಾವುದೇ ಖರ್ಚು ಇಲ್ಲದೆ ಪ್ರಚಾರ ಮಾಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಪುಟ್ಟಮಕ್ಕಳು ಪುಟ ಜೀಪ್​​ನಲ್ಲಿ ಮೋದಿ ಅವರ ಕಟೌಟ್​​​ ಇಟ್ಟು ಜೀಪಿಗೆ ಹಗ್ಗ ಕಟ್ಟಿ, ಒಂದಿಷ್ಟು ಮೋದಿಯ ಪುಟ್ಟ ಅಭಿಮಾನಿಗಳು ಹಿಂದಿನಿಂದ ಜೈಕಾರ ಹಾಕಿಕೊಂಡು. ಮೋದಿ ರೋಡ್ ಶೋವನ್ನು ಅದ್ಭುತವಾಗಿ ಮಾಡಿದ್ದಾರೆ, ಇದೀಗ ಈ ವೀಡಿಯೊ ಎಲ್ಲ ಕಡೆ ವೈರಲ್​​ ಆಗಿದೆ.  ಈ  ವೀಡಿಯೋ  ಚಿತ್ರದುರ್ಗ ಜಿಲ್ಲೆಯದ್ದು ಎಂದು ಹೇಳಲಾಗಿದೆ. ಇದರಲ್ಲಿ ಮೋದಿ ಜತೆಗೆ ಬಿಜೆಪಿ ಪಕ್ಷದ ತಿಪ್ಪೆ ರೆಡ್ಡಿ ಅವರಿಗೂ ಘೋಷಣೆ ಹಾಕಿದ್ದಾರೆ.

ಇದನ್ನೂ ಓದಿ: ಬೆಂಗಳೂರು: ಪ್ರಧಾನಿ ಮೋದಿ ರೋಡ್ ಶೋನಲ್ಲಿ ಭಜರಂಗಿ ಅಲೆ; ವಿಡಿಯೋ ವೈರಲ್​

ಈ ಪುಟ್ಟ ಮಕ್ಕಳ ಮೋದಿ ಅಭಿಮಾನಕ್ಕೆ ಎಲ್ಲರೂ ಫಿದಾ ಆಗಿದ್ದಾರೆ. ಅನೇಕರು ಈ ವೀಡಿಯೊವನ್ನು ಹಂಚಿಕೊಂಡಿದ್ದು, ಮಕ್ಕಳಿಗೂ ಮೋದಿ ಇಷ್ಟ ಎಂದು ಹೇಳಿಕೊಂಡಿದ್ದಾರೆ. ಪ್ರಧಾನಿ ಮೋದಿ ಇಂದು ಬೆಂಗಳೂರಿನ ಅನೇಕ ಕಡೆ ರೋಡ್​​ ಶೋ ಮಾಡಲಿದ್ದಾರೆ. ಈ ಸಮಯದಲ್ಲಿ ಮಕ್ಕಳ ಮಾಡಿದ ರೋಡ್ ಶೋ​​ ವೀಡಿಯೊ ಎಲ್ಲರ ಮನಗೆದ್ದಿದೆ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 2:48 pm, Sat, 6 May 23