ಟಿಎಂಸಿ ಶಾಸಕ ಮದನ್ ಮಿತ್ರಾ ಫಿಫಾ ವರ್ಲ್ಡ್ ಕಪ್ಗಾಗಿ ಹಾಡಿದ ಹಾಡು ಈಗಾಗಲೇ ವೈರಲ್
FIFA World Cup 2022 : ಈ ವಿಡಿಯೋದಲ್ಲಿ ಮದನ್ ಮಿತ್ರಾ 'ಡಿ ಗೋಲ್ ಡಿ ಗೋಲ್' ಎಂಬ ಮಜಾ ಹಾಡನ್ನು ಬರೆದು ಸ್ವತಃ ಹಾಡಿದ್ದಾರೆ. ಅರಬ್ ಶೇಖ್ನಂತೆ ವೇಷ ಧರಿಸಿರುವುದು ನೆಟ್ಟಿಗರ ಗಮನ ಸೆಳೆದಿದೆ.
Updated on:Nov 19, 2022 | 12:03 PM
Viral Video : ಸಾಮಾಜಿಕ ಮಾಧ್ಯಮದಲ್ಲಿ ಇಂಥ ಮಜಮಜಾ ಹಾಡುಗಳು, ಸಾಹಿತ್ಯದಿಂದ ಆಗಾಗ ಗಮನ ಸೆಳೆಯುತ್ತಿರುತ್ತಾರೆ ತೃಣಮೂಲ ಕಾಂಗ್ರೆಸ್ನ ಶಾಸಕ ಮದನ್ ಮಿತ್ರಾ. ಈಗಾಗಲೇ ಟ್ವಿಟರ್, ಯೂಟ್ಯೂಬ್‌ನಲ್ಲಿ ಇವರ ಮತ್ತೊಂದು ಹೊಸ ಹಾಡು ವೈರಲ್ ಆಗುತ್ತಿದೆ. ಕತಾರ್‌ನಲ್ಲಿ ನಡೆಯಲಿರುವ ಫಿಫಾ ವಿಶ್ವಕಪ್ 2022 ಗಾಗಿ ಈ ಹಾಡನ್ನು ಬಿಡುಗಡೆ ಮಾಡುವ ಉದ್ದೇಶ ಇವರದಾಗಿದೆ. ಅರಬ್ ಶೇಖ್ನಂತೆ ವೇಷತೊಟ್ಟ ಅವರನ್ನು ನೆಟ್ಟಗರು ಕುತೂಹಲದಿಂದ ನೋಡುತ್ತಿದ್ದಾರೆ.
ಡಿ ಗೋಲ್ ಡಿ ಗೋಲ್ ಎಂಬ ಹಾಡನ್ನು ಬರೆದು ಅವರೇ ಹಾಡಿದ್ದಾರೆ ಈ ವಿಡಿಯೋದಲ್ಲಿ. ಸಹಕಲಾವಿದರೊಂದಿಗೆ ನರ್ತಿಸಿದ್ದಾರೆ ಕೂಡ. ಕೊನೆಯಲ್ಲಿ ಅವರು ತೋರಿಸುವ ಕಪ್ನ ಪ್ರತಿಕೃತಿಯಲ್ಲಿ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿಯವರ ಚಿತ್ರವನ್ನು ನೋಡಬಹುದಾಗಿದೆ.
ಈ ಮೊದಲು ಮದನ್ ದಸರಾ ಸಂದರ್ಭದಲ್ಲಿ ರ್ಯಾಪ್ ಹಾಡನ್ನು ಹಾಡಿದ್ದು ವೈರಲ್ ಆಗಿತ್ತು; ‘ಇಂಡಿಯಾ ವನ್ನಾವೇ ಹರ್ ಬೇಟಿಯಾ’. ಇದೀಗ ಈ ಹಾಡಿನ ಮೂಲಕ ನೆಟ್ಟಿಗರ ಮತ್ತು ಫುಟ್ಬಾಲ್ ಪ್ರೇಮಿಗಳ ಗಮನ ಸೆಳೆದಿದ್ದಾರೆ. ಈ ವಿಡಿಯೋದಲ್ಲಿ ಅವರ ಉತ್ಸಾಹ ನೋಡಲು ಮರೆಯದಿರಿ.
ನೆಟ್ಟಗರು ಈ ಹಾಡನ್ನು ಅದ್ಭುತವಾಗಿದೆ ಎಂದು ಹೊಗಳುತ್ತಿದ್ಧಾರೆ. ನಿಮ್ಮ ಅಭಿಪ್ರಾಯವೇನು ಇವರ ಹಾಡಿನ ಬಗ್ಗೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 9:28 am, Sat, 19 November 22
