Trending : 2.4 ಲಕ್ಷ ಟಿಪ್ಸ್ ಕೊಟ್ಟು ವಾಪಸ್ ಬೇಕೆಂದ ಗ್ರಾಹಕರ ಮೇಲೆ ಕೇಸ್ ಹಾಕಿದ ರೆಸ್ಟೋರೆಂಟ್ ಮಾಲಿಕ

Tips for Jesus : ಕೆಲ ವಾರಗಳ ನಂತರ TipsForJesus ಎಂಬ ಹ್ಯಾಶ್​ಟ್ಯಾಗಿನಲ್ಲಿ ಇನ್​ಸ್ಟಾಗ್ರಾಂನಲ್ಲಿ ಒಂದು ಪೋಸ್ಟ್​ ಕಾಣಿಸಿಕೊಂಡಾಗ ಈ ಘಟನೆಗೆ ವಿಚಿತ್ರ ತಿರುವು ಒದಗಿದೆ.

Trending : 2.4 ಲಕ್ಷ ಟಿಪ್ಸ್ ಕೊಟ್ಟು ವಾಪಸ್ ಬೇಕೆಂದ ಗ್ರಾಹಕರ ಮೇಲೆ ಕೇಸ್ ಹಾಕಿದ ರೆಸ್ಟೋರೆಂಟ್ ಮಾಲಿಕ
ಕೆಫೆ ಪರಿಚಾರಿಕೆ ಮರಿಯಾ ಲ್ಯಾಂಬರ್ಟ್​
TV9kannada Web Team

| Edited By: ಶ್ರೀದೇವಿ ಕಳಸದ | Shridevi Kalasad

Sep 20, 2022 | 11:54 AM

Trending : ಅಮೆರಿಕದ ಪೆನ್ಸಿಲ್ವೇನಿಯಾದಲ್ಲಿರುವ ಆಲ್​ಫ್ರೆಡೋಸ್​ ರೆಸ್ಟೋರೆಂಟ್​ ಎರಿಕ್​ ಸ್ಮಿತ್ ಎಂಬ ಗ್ರಾಹಕರಿಗೆ ಹೋಮ್​ಮೇಡ್​ ಸ್ಟ್ರೊಂಬೋಲಿ (ಇಟಾಲಿಯನ್ ಖಾದ್ಯ)ಯನ್ನು ಕೊಟ್ಟಿತು. ಆಗ ಎರಿಕ್​ 2.4 ಲಕ್ಷ ಹಣವನ್ನು ಟಿಪ್ಸ್​ ರೂಪದಲ್ಲಿ ಕೊಡಲು ಕ್ರೆಡಿಟ್ ಕಾರ್ಡ್ ಬಳಸಿದರು. ರೆಸ್ಟೋರೆಂಟ್​ ಮಾಲೀಕ, ಮರಿಯಾನಾ ಲ್ಯಾಂಬರ್ಟ್​ ಎಂಬ ಪರಿಚಾರಿಕೆಗೆ ತನ್ನ ಅಕೌಂಟಿನಿಂದ ಟಿಪ್ಸ್​ ಹಣ ತಲುಪಿಸಿದರು. ಅದು ಆಕೆಯ ಸಂತೋಷದ ಬಾಬತ್ತು ಎಂಬ ಕಾರಣಕ್ಕಾಗಿ ತಕ್ಷಣವೇ ಆ ನಿರ್ಧಾರ ಕೈಗೊಂಡರು. ಆದರೂ ಇಷ್ಟೊಂದು ದೊಡ್ಡ ಮೊತ್ತದ ಟಿಪ್ಸ್​ ಬಗ್ಗೆ ರೆಸ್ಟೋರೆಂಟ್​ ಮಾಲೀಕರಿಗೆ ಅನುಮಾನವಾಯಿತು. ಈ ಘಟನೆಯು ನಡೆದಿದ್ದು ಜೂನ್​ನಲ್ಲಿ ಎಂದು ಸಿಎನ್​ಎನ್​ ವರದಿ ಮೂಲಕ ತಿಳಿದು ಬಂದಿದೆ.

ಬಿಲ್​ನ ಮೊತ್ತ 1 ಲಕ್ಷ. ಆದರೆ, ಟಿಪ್ಸ್ ಫಾರ್ ಜೀಸಸ್ ಎಂಬ ಸಾಮಾಜಿಕ ಮಾಧ್ಯಮ ಅಭಿಯಾನದಿಂದ ಪ್ರಭಾವಿತರಾಗಿ 2.4 ಲಕ್ಷ ಹಣವನ್ನು ಟಿಪ್ಸ್​ ರೂಪದಲ್ಲಿ ನಿಮ್ಮ ರೆಸ್ಟೋರೆಂಟ್​ಗೆ ನೀಡುತ್ತಿದ್ದೇನೆ ಎಂದು ಗ್ರಾಹಕ ಎರಿಕ್ ಮಾಲೀಕರಿಗೆ ಆ ದಿನ ಹೇಳಿದರು. ಮಾಲೀಕರಿಂದ ಆ ಟಿಪ್ಸ್​ ಹಣ ಪಡೆದ ಪರಿಚಾರಿಕೆ ಲ್ಯಾಂಬರ್ಟ್, ಎರಿಕ್​ ಅವರ ನಡೆಯಲ್ಲಿ ಸಾಕಷ್ಟು ಆಳ ಅರ್ಥವಿದೆ, ಇದು ನನ್ನನ್ನು ಯೋಚಿಸುವಂತೆ ಮಾಡಿದೆ ಎಂದು ಭಾವುಕರಾದರು. ಆದರೂ ಆಕೆಗೆ ಈ ಘಟನೆಯನ್ನು ಪೂರ್ತಿ ನಂಬಲು ಸಾಧ್ಯವಾಗಲಿಲ್ಲ.

ಕೆಲ ವಾರಗಳ ನಂತರ TipsForJesus ಎಂಬ ಹ್ಯಾಶ್​ಟ್ಯಾಗಿನಲ್ಲಿ ಇನ್​ಸ್ಟಾಗ್ರಾಂನಲ್ಲಿ ಒಂದು ಪೋಸ್ಟ್​ ಕಾಣಿಸಿಕೊಂಡಾಗ ಈ ಘಟನೆಗೆ ವಿಚಿತ್ರ ತಿರುವು ಒದಗಿತು; ಸುಮಾರು ಎರಡು ವರ್ಷಗಳಿಂದ ರೆಸ್ಟೋರೆಂಟ್​ನ ಉದ್ಯೋಗದಲ್ಲಿರುವ ಪರಿಚಾರಿಕೆಗೆ ಕೊಟ್ಟಿದ್ದ ಟಿಪ್ಸ್​ ಹಣವನ್ನು ಹಿಂದಕ್ಕೆ ಪಡೆಯಲು ಕ್ರೆಡಿಟ್ ಕಾರ್ಡ್ ಕಂಪನಿಯೊಂದಿಗೆ ‘ಕನ್ಸರ್ನ್​ ರೈಸ್’ ಮಾಡಿರುವ ವಿಷಯವನ್ನು ಆ ಪೋಸ್ಟ್​ನಲ್ಲಿ ಉಲ್ಲೇಖಿಸಲಾಗಿತ್ತು.

ನಂತರ ಎರಿಕ್ ಅವರನ್ನು ಸಾಮಾಜಿಕ ಜಾಲತಾಣದ ಮೂಲಕ ಸಂಪರ್ಕಿಸಿ ಈ ವಿಚಾರವಾಗಿ ಚರ್ಚಿಸಲು ರೆಸ್ಟೋರೆಂಟ್ ಮಾಲೀಕರು ಪ್ರಯತ್ನಿಸಿದರೂ ಎರಿಕ್​ ಪ್ರತಿಕ್ರಿಯಿಸಲಿಲ್ಲ. ಆದರೆ ಅದಾಗಲೇ ರೆಸ್ಟೊರೆಂಟ್ ಮಾಲೀಕರು ಪರಿಚಾರಿಕೆಗೆ ಟಿಪ್ಸ್ ಹಣ ಕೊಟ್ಟಿರುವುದನ್ನು ಎರಿಕ್​ರಿಂದಲೇ ವಸೂಲಿ ಮಾಡಬೇಕೆಂದು ಯೋಚಿಸುತ್ತಿರುವಾಗ ಸಾಮಾಜಿಕ ಜಾಲತಾಣದಲ್ಲಿ ಈ ಘಟನೆ ನಡೆಯಿತು. ಇದಕ್ಕೆ ಪರಿಹಾರಾರ್ಥವಾಗಿ ಎರಿಕ್ ವಿರುದ್ಧ ರೆಸ್ಟೋರೆಂಟ್ ಮಾಲೀಕರು ನ್ಯಾಯಾಲಯದಲ್ಲಿ ಮ್ಯಾಜಿಸ್ಟ್ರೇಟ್ ಮೂಲಕ ಮೊಕದ್ದಮೆ  ಹೂಡಿದ್ದಾರೆ.

ಇದನ್ನೂ ಓದಿ

ಮತ್ತಷ್ಟು ಇಂಥ ಟ್ರೆಂಡಿಂಗ್​ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada