Viral Video: ಮಿನ್ನಲ್ ಮುರಳಿ ಚಿತ್ರದ ಸೀನ್ನಂತೆ ವಿಡಿಯೋ ಮಾಡಿ ಮದುವೆಗೆ ಆಮಂತ್ರಣ ನೀಡಿದ ಜೋಡಿ
ಇತ್ತೀಚೆಗೆ ಬಿಡುಗಡೆಯಾದ ಮಲಯಾಳಂನ ಮಿನ್ನಲ್ ಮುರಳಿ ಎನ್ನುವ ಚಿತ್ರದ ಕಾನ್ಸೆಪ್ಟ್ ಇಟ್ಟುಕೊಂಡು ಕೇರದ ಜೋಡಿಯೊಂದು ಮದುವೆ ಕರೆಯೋಲೆಯ ವಿಡಿಯೋ ಮಾಡಿದೆ.
Updated on: Jan 12, 2022 | 2:26 PM
ಇತ್ತೀಚಿನ ದಿನಗಳಲ್ಲಿ ಮದುವೆ ಎಂದರೆ ಒಂದಷ್ಟು ವಿಭಿನ್ನ ಕಲ್ಪನೆಗಳ ಆಗರವಾಗಿರುತ್ತದೆ. ವಧು ವರರನ್ನು ಮಂಟಪಕ್ಕೆ ಕರೆದುಕೊಂಡು ಹೋಗುವುದರಿಂದ ಹಿಡಿದು ಪ್ರೀ ವೆಡ್ಡಿಂಗ್, ಪೋಸ್ಟ್ ವೆಡ್ಡಿಂಗ್ ಫೋಟೋ ಶೂಟ್ಗಳಲ್ಲೂ ವಿಭಿನ್ನ ರೀತಿಯ ಯೋಜನೆಗಳು ನೋಡುಗರಿಗೆ ಕುತೂಹಲವನ್ನು ಮೂಡಿಸುತ್ತದೆ. ಆದರೆ ಇದೀಗ ಮದುವೆ ಕರಯೋಲೆಯಲ್ಲಿಯೂ ಹೊಸ ತರದ ಕಾನ್ಸೆಪ್ಟ್ಗಳು ನೆಟ್ಟಿಗರನ್ನು ತಿರುಗಿ ನೋಡುವಂತೆ ಮಾಡಿದೆ. ಹೌದು ಇತ್ತೀಚೆಗೆ ಬಿಡುಗಡೆಯಾದ ಮಲಯಾಳಂನ ಮಿನ್ನಲ್ ಮುರಳಿ ಚಿತ್ರದ ಕಾನ್ಸೆಪ್ಟ್ ಇಟ್ಟುಕೊಂಡು ಕೇರದ ಜೋಡಿಯೊಂದು ಮದುವೆ ಕರೆಯೋಲೆಯ ವಿಡಿಯೋ ಮಾಡಿದೆ. ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳಲಾಗಿದ್ದು ಸಖತ್ ವೈರಲ್ ಆಗಿದೆ. ಹೊಸ ತರದ ಯೋಚನೆಗೆ ನೆಟ್ಟಿಗರು ಫಿದಾ ಆಗಿದ್ದಾರೆ.
ವಿಡಿಯೋದಲ್ಲಿ ಯುವತಿಯೊಬ್ಬಳ ಪರ್ಸ್ಅನ್ನು ಕಳ್ಳನೊಬ್ಬ ಕಿತ್ತುಕೊಳ್ಳುತ್ತಾನೆ ಆಗ ಹುಡಗನೊಬ್ಬ ಸುಪರ್ಮ್ಯಾನ್ ಆಗಿ ಬರುವ ಮೂಲಕ ಕಳ್ಳನನ್ನು ಹಿಡಿದು ಯುವತಿಯನ್ನು ರಕ್ಷಿಸುತ್ತಾನೆ. ನಂತರ ಯುವತಿಯ ರಕ್ಷಣೆಗಾಗಿ ಆಕೆ ಜತೆಗೆ ಹೊಟೇಲ್ ಗೂ ತೆರಳುತ್ತಾನೆ, ರಸ್ತೆ ದಾಟುವಾಗಲೂ ನೆರವಾಗುತ್ತಾನೆ. ವಿಡಿಯೋದ ಕೊನೆಯಲ್ಲಿ ಅವರಿಬ್ಬರ ಮುಖವನ್ನು ಕ್ಲೋಸ್ ಅಪ್ ಶಾಟ್ನಲ್ಲಿ ತೋರಿಸಲಾಗಿದೆ. ವಧುವನ್ನು ವಿಡಿಯೋದಲ್ಲಿ ಯುವತಿಯಾಗಿ, ವರನನ್ನು ಸೂಪರ್ಮ್ಯಾನ್ಆಗಿ ತೋರಿಸಲಾಗಿದೆ.
View this post on Instagram
ವಿಡಿಯೋದಲ್ಲಿರುವ ಜೋಡಿ ಅಮಲ್ ಮತ್ತು ಅಂಜು. ಇವರು ಇದೇ ಜ. 23ರಂದು ವಿವಾಹಾಗುತ್ತಿದ್ದಾರೆ. ಹೀಗಾಗಿ ಮದುವೆಯ ಕರೆಯೋಲೆಯನ್ನು ಮಿನ್ನಲ್ ಮುರಳಿ ಚಿತ್ರದಿಂದ ಪ್ರೇರಣೆಗೊಂಡು ಚಿತ್ರಿಸಿದ್ದಾರೆ. ಈ ವಿಡಿಯೋವನ್ನು ಜಿಬಿನ್ ಜಾಯ್ ಎನ್ನುವವರು ಚಿತ್ರೀಕರಿಸಿದ್ದಾರೆ. ಇನ್ಸ್ಗಾಗ್ರಾಮ್ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ 4.6 ಲಕ್ಷ ವೀಕ್ಷಣೆ ಪಡೆದಿದೆ. ಈ ವಿಡಿಯೋ ನೋಡಿ ಹಾಸ್ಯ ನಟ ಸುನಿಲ್ ಗ್ರೋವರ್ ಮೆಚ್ಚಿಕೊಂಡಿದ್ದು ಈವರೆಗೆ ನೋಡಿದ ಮದುವೆ ಆಮಂತ್ರಣದಲ್ಲಿ ನಾನು ನೋಡಿದ ಉತ್ತಮ ಆಮಂತ್ರಣ ಎಂದಿದ್ದು, ಹೊಸ ಬದುಕಿಗೆ ಕಾಲಿಡಲು ಸಿದ್ಧವಾಗಿರುವ ಅಮಲ್ ಮತ್ತು ಅಂಜುಗೆ ಶುಭ ಕೋರಿದ್ದಾರೆ.
ಮಿನ್ನಲ್ ಮುರಳಿ ಚಿತ್ರ 2021ರ ಡಿಸೆಂಬರ್ 16 ರಂದು ಬಿಡುಗಡೆಯಾಗಿದೆ. ಮಲಯಾಳಂನ ಈ ಚಿತ್ರವನ್ನು ಬೆಸಿಲ್ ಜೋಸೆಫ್ ನಿರ್ದೇಶಿಸಿದ್ದು, ವೀಕೆಂಡ್ ಬ್ಲಾಕ್‌ಬಸ್ಟರ್ಸ್ ಬ್ಯಾನರ್ ಅಡಿಯಲ್ಲಿ ಸೋಫಿಯಾ ಪಾಲ್ ನಿರ್ಮಿಸಿದ್ದಾರೆ. ಚಿತ್ರಕಥೆಯನ್ನು ಅರುಣ್ ಅನಿರುಧನ್ ಮತ್ತು ಜಸ್ಟಿನ್ ಮ್ಯಾಥ್ಯೂ ಬರೆದಿದ್ದಾರೆ. ಚಿತ್ರದಲ್ಲಿ ಟೊವಿನೋ ಥಾಮಸ್ ಮತ್ತು ಗುರು ಸೋಮಸುಂದರಂ ನಟಿಸಿದ್ದಾರೆ. ನೆಟ್ಪ್ಲಿಕ್ಸ್ನಲ್ಲಿ ಚಿತ್ರ ಟಾಪ್ 10ನಲ್ಲಿದ್ದು ಸೂಪರ್ ಹಿರೋವನ್ನು ಕಥಾನಾಯಕಾನಗಿ ತೋರಿಸಲಾಗಿದೆ.
ಇದನ್ನೂ ಓದಿ:
180 ಮಿಲಿಯನ್ ವರ್ಷಗಳಷ್ಟು ಹಳೆಯ ಸೀ ಡ್ರ್ಯಾಗನ್ ಪಳಯುಳಿಕೆ ಪತ್ತೆ ಮಾಡಿದ ಬ್ರಿಟನ್ ವಿಜ್ಞಾನಿಗಳು
