ಬಾಡಿಗಾರ್ಡ್ಗಳು ಯಾವಾಗಲೂ ಏಕೆ ಕಪ್ಪು ಕನ್ನಡಕ ಧರಿಸುತ್ತಾರೆ?; ಅಚ್ಚರಿಯ ಸಂಗತಿ ಇಲ್ಲಿದೆ
ಪ್ರಧಾನಿ ನರೇಂದ್ರ ಮೋದಿಯವರ ಭದ್ರತೆ ನೋಡಿಕೊಳ್ಳುತ್ತಿರುವ ಎನ್ಎಸ್ಜಿ ಕಮಾಂಡೊ ಆಗಿರಲಿ, ಅಮೇರಿಕದ ಅಧ್ಯಕ್ಷರನ್ನಾಗಲಿ ಅಥವಾ ಪ್ರಮುಖ ರಾಜಕಾರಣಿಗಳನ್ನು ನೋಡಿಕೊಳ್ಳುತ್ತಿರುವ ಸೀಕ್ರೆಟ್ ಸರ್ವಿಸ್ ಏಜೆಂಟ್ ಆಗಿರಲಿ ಅವರೆಲ್ಲರ ನಡುವೆ ಒಂದು ಸಾಮ್ಯತೆ ಇದೆ. ಈ ರೀತಿಯ ಕರ್ತವ್ಯಕ್ಕೆ ನಿಯುಕ್ತಿಗೊಂಡ ಎಲ್ಲರೂ ಕಪ್ಪು ಕನ್ನಡಕ ಹಾಕಿಕೊಳ್ಳುತ್ತಾರೆ. ತಮ್ಮ ಮುಖದಲ್ಲಿ ಯಾವ ಭಾವನೆಯನ್ನೂ ತೋರಿಸದೇ ನಿಂತುಕೊಳ್ಳುತ್ತಾರೆ. ಅದು ಯಾಕೆ?
ನವದೆಹಲಿ: ಅಮೆರಿಕಾದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮೇಲೆ ಗುಂಡಿನ ದಾಳಿ ನಡೆದಾಗ ಅವರನ್ನು ಅವರ ಸೆಕ್ಯುರಿಟಿ ಸಿಬ್ಬಂದಿ ಸುತ್ತುವರೆದು ಸುರಕ್ಷಿತ ಸ್ಥಳದತ್ತ ಕರೆದೊಯ್ಯುತ್ತಿರುವ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಈ ಹಿಂದೆ ಸ್ಲೋವಾಕಿಯಾ ಪ್ರಧಾನಿ ಮೇಲೆ ಗುಂಡಿನ ದಾಳಿ ನಡೆದಾಗಲೂ ಅವರ ಭದ್ರತಾ ಪಡೆ ಅವರನ್ನು ಕಾರಿನೊಳಗೆ ಕೂರಿಸಿಕೊಂಡು ರಕ್ಷಿಸಿದ್ದರು. ಪ್ರಧಾನಿ ಮೋದಿ ಪಂಜಾಬ್ ಬಳಿ ರೈತರ ಮುಷ್ಕರಿಂದ ಕಾರಿನಿಂದ ಇಳಿದಾಗಲೂ ಅವರ ಸುತ್ತಲೂ ಬಂದೂಕು ಹಿಡಿದ ಬಾಡಿಗಾರ್ಡ್ಗಳ ಪಡೆ ಸುತ್ತುವರೆದ ಫೋಟೋಗಳು ವೈರಲ್ ಆಗಿದ್ದವು. ಈ ಎಲ್ಲ ವಿಐಪಿಗಳ ಸೆಕ್ಯುರಿಟಿ ಅಥವಾ ಬಾಡಿಗಾರ್ಡ್ಗಳು ಏಕೆ ಕಪ್ಪು ಕನ್ನಡಕ ಧರಿಸಿರುತ್ತಾರೆ? ಎಂದು ನಿಮಗೆ ಕುತೂಹಲ ಇದೆಯೇ?
ಪ್ರಧಾನಿ ನರೇಂದ್ರ ಮೋದಿ ಮತ್ತು ಇತರ ವಿಐಪಿಗಳ ಭದ್ರತಾ ಸಿಬ್ಬಂದಿ ಯಾವಾಗಲೂ ಕಪ್ಪು ಸನ್‌ಗ್ಲಾಸ್‌ಗಳನ್ನು ಧರಿಸುತ್ತಾರೆ ಎಂಬುದನ್ನು ನಿಮ್ಮಲ್ಲಿ ಹೆಚ್ಚಿನವರು ಗಮನಿಸಿರಬಹುದು. ಆದರೆ ಅವರು ಏಕೆ ಹಾಗೆ ಮಾಡುತ್ತಾರೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಎಲ್ಲ ವಿಐಪಿಯ ಭದ್ರತಾ ಸಿಬ್ಬಂದಿ ಅಥವಾ ಬಾಡಿಗಾರ್ಡ್ಗಳು ಯಾವಾಗಲೂ ಸನ್ ಗ್ಲಾಸ್ ಧರಿಸಿರುವುದನ್ನು ನೀವು ಗಮನಿಸಬಹುದು. ಅವರು ಹಾಗೆ ಮಾಡಲು ಹಲವಾರು ಕಾರಣಗಳಿವೆ. ಅದರಲ್ಲಿ ಕೆಲವು ಪ್ರಮುಖ ಕಾರಣಗಳು ಇಲ್ಲಿವೆ…
ದೃಷ್ಟಿ ಎಲ್ಲಿದೆಯೆಂದು ತಿಳಿಯಬಾರದು:
ಅವರು ಎಲ್ಲಿ ನೋಡುತ್ತಿದ್ದಾರೆಂದು ಯಾರಿಗೂ ತಿಳಿಯಬಾರದು. ಆದ್ದರಿಂದ, ಅವರು ಜನರಿಗೆ ಗೊತ್ತಾಗದಂತೆ ಎಲ್ಲರ ಮೇಲೆ ಕಣ್ಣಿಡುತ್ತಾರೆ. ಅವರು ಕನ್ನಡಕದ ಹಿಂದಿನಿಂದಲೇ ಹದ್ದಿನ ಕಣ್ಣಿಟ್ಟು ಜನರನ್ನು ಗಮನಿಸುತ್ತಿರುತ್ತಾರೆ. ಈ ಸೆಕ್ಯುರಿಟಿ ಗಾರ್ಡ್‌ಗಳು ಒಬ್ಬ ವ್ಯಕ್ತಿಯ ದೇಹ ಭಾಷೆಯನ್ನು ಅರ್ಥಮಾಡಿಕೊಳ್ಳಲು ತರಬೇತಿ ಪಡೆದಿರುತ್ತಾರೆ ಇದರಿಂದ ಅವರು ಅದಕ್ಕೆ ತಕ್ಕಂತೆ ವರ್ತಿಸಬಹುದು. ಈ ಕಪ್ಪು ಸನ್‌ಗ್ಲಾಸ್‌ಗಳನ್ನು ಧರಿಸುವುದರಿಂದ, ಭದ್ರತಾ ಸಿಬ್ಬಂದಿ ತನ್ನ ಮೇಲೆ ಕಣ್ಣಿಟ್ಟಿದ್ದಾನೆ ಎಂಬ ಕಲ್ಪನೆಯು ಇನ್ನೊಬ್ಬ ವ್ಯಕ್ತಿಗೆ ಬರುವುದಿಲ್ಲ.
ಇದನ್ನೂ ಓದಿ: Shocking News: ಶಾಲೆಯಲ್ಲೇ 16 ವರ್ಷದ ವಿದ್ಯಾರ್ಥಿಗೆ ಹೃದಯಾಘಾತ; ಶಾಕಿಂಗ್ ವಿಡಿಯೋ ವೈರಲ್
ಕಣ್ಣು ಮುಚ್ಚಬಾರದು:
ಬಾಂಬ್ ಸ್ಫೋಟ ಅಥವಾ ಗುಂಡಿನ ದಾಳಿಯಂತಹ ಯಾವುದೇ ಅಹಿತಕರ ಘಟನೆಯ ಸಂದರ್ಭದಲ್ಲಿ ವ್ಯಕ್ತಿಯ ಕಣ್ಣುಗಳು ಸ್ವಲ್ಪ ಸಮಯದವರೆಗೆ ಮುಚ್ಚಿಕೊಳ್ಳುವುದು ಸಹಜ. ಆದರೆ ಈ ನಿರ್ಣಾಯಕ ಸಂದರ್ಭಗಳಲ್ಲಿ ಭದ್ರತಾ ಸಿಬ್ಬಂದಿ ತಮ್ಮ ಕಣ್ಣುಗಳನ್ನು ಮುಚ್ಚಲು ಅವಕಾಶವೇ ಇರುವುದಿಲ್ಲ. ಏಕೆಂದರೆ, ಅಂತಹ ಸಮಯದಲ್ಲೇ ಅವರು ತಮ್ಮ ನಾಯಕನನ್ನು ಕಾಪಾಡಬೇಕಿರುತ್ತದೆ. ಇಂತಹ ಸಮಯದಲ್ಲಿ ಈ ಸನ್ಗ್ಲಾಸ್ ಅವರಿಗೆ ಸಹಾಯ ಮಾಡುತ್ತದೆ.
ತಮ್ಮನ್ನು ಕಾಪಾಡಿಕೊಳ್ಳಲು:
ಈ ಸನ್ಗ್ಲಾಸ್ ಧೂಳು, ಚಂಡಮಾರುತ ಮತ್ತು ಭಾರೀ ಗಾಳಿಯಿಂದ ಬಾಡಿಗಾರ್ಡ್ನ ಕಣ್ಣುಗಳನ್ನು ರಕ್ಷಿಸುತ್ತದೆ. ಈ ಕನ್ನಡಕವನ್ನು ಧರಿಸುವುದರಿಂದ ಅವರು ತಮ್ಮ ಕರ್ತವ್ಯವನ್ನು ಉತ್ತಮ ರೀತಿಯಲ್ಲಿ ನಿರ್ವಹಿಸಬಹುದು.
ಬಾಹ್ಯ ವಸ್ತುಗಳಿಂದ ರಕ್ಷಿಸಲು ಸಹಾಯ ಮಾಡುತ್ತದೆ:
ಮೈದಾನ ಅಥವಾ ತೆರೆದ ಸ್ಥಳವು ಮಂಜು ಅಥವಾ ಧೂಳಿನಿಂದ ಕೂಡಿದ್ದರೆ ಈ ಕಪ್ಪು ಕನ್ನಡಕವು ಅವರ ಕಣ್ಣುಗಳನ್ನು ರಕ್ಷಿಸುತ್ತದೆ ಮತ್ತು ಮಬ್ಬಿನ ಸಮಯದಲ್ಲಿಯೂ ಸಹ ಸ್ಪಷ್ಟವಾಗಿ ನೋಡಲು ಸಹಾಯ ಮಾಡುತ್ತದೆ. ಸೆಕ್ಯುರಿಟಿಗಳಿಗೆ ಇದು ಬಹಳ ಉಪಯುಕ್ತವಾಗುತ್ತದೆ.
ಇದನ್ನೂ ಓದಿ: Viral News: ಈ ಯುವಕನಿಗೆ ಪ್ರತಿ ಶನಿವಾರ ಹಾವು ಕಚ್ಚುತ್ತೆ; ಈತನ ಭವಿಷ್ಯದಲ್ಲಿದೆ ಅಚ್ಚರಿಯ ಸಂಗತಿ
ಸ್ಫೋಟಗಳ ಸಂದರ್ಭದಲ್ಲಿ ರಕ್ಷಣೆ:
ಸಣ್ಣ ಸ್ಫೋಟಗಳ ಸಂದರ್ಭದಲ್ಲಿ ಕಪ್ಪು ಕನ್ನಡಕ ಧರಿಸಿದವರ ಕಣ್ಣುಗಳನ್ನು ರಕ್ಷಿಸುತ್ತದೆ. ಅಲ್ಲದೆ, ಈ ಸನ್‌ಗ್ಲಾಸ್‌ಗಳ ಗಾಜು ವಿಶೇಷವಾಗಿ ರಚಿಸಲ್ಪಟ್ಟಿರುವುದರಿಂದ, ಈ ಗ್ಲಾಸ್‌ಗಳಿಗೆ ಯಾವುದೇ ಹಾನಿಯಾಗದಂತೆ ಅಥವಾ ಬಿರುಕುಗಳು ಗೋಚರಿಸದಂತೆ ಬ್ಲಾಸ್ಟ್ ಅಥವಾ ದಾಳಿಯ ಸಮಯದಲ್ಲೂ ಸರಿಯಾಗಿ ನೋಡಲು ಇದು ಅವರಿಗೆ ಸಹಾಯ ಮಾಡುತ್ತದೆ. ಅದಕ್ಕಾಗಿಯೇ, ಕಾರ್ಯಾಚರಣೆಯ ಸಮಯದಲ್ಲಿ ಧರಿಸಲು ಸೈನ್ಯಕ್ಕೆ ಹೆಚ್ಚಿನ ಕನ್ನಡಕವನ್ನು ಸಹ ನೀಡಲಾಗುತ್ತದೆ.
ಭಾವನೆಗಳನ್ನು ಮರೆಮಾಡಬಹುದು:
ಸನ್‌ಗ್ಲಾಸ್‌ಗಳನ್ನು ಧರಿಸುವುದರಿಂದ ಅವರ ಭಾವನೆ ಮುಖದಲ್ಲಿ ಸುಲಭವಾಗಿ ವ್ಯಕ್ತವಾಗುವುದಿಲ್ಲ. ಇತರ ವ್ಯಕ್ತಿಯು ಅವರಿಗೆ ಆಶ್ಚರ್ಯ ಅಥವಾ ಆಘಾತವನ್ನುಂಟುಮಾಡುವಲ್ಲಿ ಯಶಸ್ವಿಯಾಗಿದ್ದರೂ ಸಹ ಅದನ್ನು ಅವರ ಮುಖದಲ್ಲಿ ಕಾಣಲು ಸಾಧ್ಯವಾಗುವುದಿಲ್ಲ. ಏಕೆಂದರೆ ಸನ್ಗ್ಲಾಸ್ ಕಣ್ಣುಗಳನ್ನು ಮರೆಮಾಡುತ್ತದೆ. ಇದು ಆಘಾತದಿಂದ ಅವರನ್ನು ತ್ವರಿತವಾಗಿ ಚೇತರಿಸಿಕೊಳ್ಳಲು ಸಹಾಯ ಮಾಡುತ್ತದೆ.
ಸೂರ್ಯನ ಬೆಳಕು ತಪ್ಪಿಸಬಹುದು:
ಡಾರ್ಕ್ ಗ್ಲಾಸ್‌ಗಳು ನೇರ ಸೂರ್ಯನ ಬೆಳಕು ಮತ್ತು ಪ್ರಜ್ವಲಿಸುವಿಕೆಯನ್ನು ತಪ್ಪಿಸಲು ಸಹಾಯ ಮಾಡುತ್ತದೆ. ಇದು ಕಣ್ಣಿಗೆ ಕಪ್ಪು ಟೋನ್ ನೀಡುತ್ತದೆ. ಇದು ಭದ್ರತಾ ಸಿಬ್ಬಂದಿಗೆ ಕಡಿಮೆ ಕಣ್ಣು ಮಿಟುಕಿಸಲು ಮತ್ತು ದೀರ್ಘಕಾಲದವರೆಗೆ ಕಣ್ಣುಗಳನ್ನು ತೆರೆದಿಡಲು ಸಹಾಯ ಮಾಡುತ್ತದೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ