Viral Video: ದೀರ್ಘಚುಂಬನ ಸ್ಪರ್ಧೆಯನ್ನು ಗಿನ್ನೀಸ್ ವಿಶ್ವದಾಖಲೆ ಕೈಬಿಟ್ಟಿದ್ದೇಕೆ?

GWR : 2013ರ ದೀರ್ಘಚುಂಬನ (Longest Kiss World Record) ಗಿನ್ನೀಸ್ ವಿಶ್ವದಾಖಲೆಯ ಕೊನೆಯ ಥಾಯ್​ ಜೋಡಿ ಎಕ್ಕಾಚಾಯ್ ಮತ್ತು ಲಕ್ಷನಾ ತಿರಾನರತ್. ಇವರು 58 ಗಂಟೆ 35 ನಿಮಿಷಗಳ ಕಾಲ ಸತತವಾಗಿ ಚುಂಬಿಸಿ ವಿಶ್ವದಾಖಲೆ ನಿರ್ಮಿಸಿದ್ದರು. ಆದರೆ ಈ ಸ್ಪರ್ಧೆಯು ಅಪಾಯಕಾರಿಯಾಗಿದ್ದು, ನಿಯಮಗಳು ಗೊಂದಲಕಾರಿಯೂ ಮತ್ತು ವ್ಯತಿರಿಕ್ತತೆಯಿಂದಲೂ ಕೂಡಿವೆ ಎಂಬ ಕಾರಣ ಮತ್ತು ಸಾಕ್ಷ್ಯಾಧಾರಗಳನ್ನು ನೀಡಿ ಗಿನ್ನೀಸ್​ ವಿಶ್ವದಾಖಲೆಯು ಈ ಸ್ಪರ್ಧೆಯನ್ನು ತನ್ನ ಸ್ಪರ್ಧಾಪಟ್ಟಿಯಿಂದ ಸ್ವತಃ ತೆಗೆಯಿತು. ಗಿನ್ನೀಸ್​ ವಿಶ್ವದಾಖಲೆ ಉಲ್ಲೇಖಿಸಿದ ಕೆಲವು ಅಂಶಗಳನ್ನು ಈ ಕೆಳಗಿನಂತಿವೆ.

ಇದನ್ನೂ ಓದಿ : Viral: ಬಾರ್ಬಿರೇಖಾ; ”ಇಲ್ಲಿ ನೋಡಿ ಸರ್”; ಅಮಿತಾಬ್​ರನ್ನು ಟ್ಯಾಗ್​ ಮಾಡುತ್ತಿರುವ ನೆಟ್ಟಿಗರು

ಈ ಸ್ಪರ್ಧೆಯಲ್ಲಿ ಜೋಡಿಯು ನಿರಂತರವಾಗಿ ಚುಂಬಿಸುತ್ತಿರಬೇಕು. ಉದ್ದಕ್ಕೂ ಪರಸ್ಪರರ ತುಟಿಗಳು ಅಂಟಿಕೊಂಡೇ ಇರಬೇಕು, ಅರೆಕ್ಷಣವೂ ತುಟಿಗಳನ್ನು ಬಿಡಬಾರದು. ಹಾಗೆ ಮಾಡಿದರೆ ಆ ಜೋಡಿ ಅನರ್ಹ ಎಂದು ತೀರ್ಮಾನಿಸಲಾಗುತ್ತದೆ. ಸ್ಪರ್ಧಾರ್ಥಿಗಳು ಸ್ಟ್ರಾ ಮೂಲಕ ದ್ರವಾಹಾರ ಸೇವಿಸಬಹುದು. ಆದರೆ ಈ ಸಂದರ್ಭದಲ್ಲಿಯೂ ಇಬ್ಬರ ತುಟಿಗಳೂ ಬೇರ್ಪಡಬಾರದು. ಇಷ್ಟೇ ಅಲ್ಲ, ಜೋಡಿಯೂ ಸ್ಪರ್ಧೆಯುದ್ದಕ್ಕೂ ಎಚ್ಚರವಾಗಿಯೇ ಇರಬೇಕು ಮತ್ತು ನಿಂತುಕೊಂಡೇ ಚುಂಬಿಸಬೇಕು. ವಿಶ್ರಾಂತಿ ಮತ್ತು ಬಿಡುವಿಗೆ ಅನುಮತಿಯಂತೂ ಇಲ್ಲವೇ ಇಲ್ಲ. ಅಲ್ಲದೆ ಅಡಲ್ಟ್​ ಡೈಪರ್​, ಪ್ಯಾಡ್​​ಗಳನ್ನು ಧರಿಸುವಂತಿಲ್ಲ. ಶೌಚಾಲಯಕ್ಕೆ ಹೋಗಬೇಕಾದ ಸಂದರ್ಭ ಬಂದರೂ ಜೋಡಿಗಳು ಪರಸ್ಪರರ ತುಟಿಗಳನ್ನು ಬಿಡುವಂತಿಲ್ಲ.

ಇದನ್ನೂ ಓದಿ : Viral Video: ಹೈಸ್ಕೂಲ್​ ಕ್ರಷ್​; 60 ವರ್ಷಗಳ ನಂತರ ಪ್ರೇಮ ನಿವೇದನೆ ​

ಇಷ್ಟೊಂದು ಕಠಿಣ ನಿಯಮಗಳಿರುವಾಗ ಜೋಡಿಯು ಸಹಜವಾಗಿ ಸೋಲಿಗೆ ಶರಣಾಗುತ್ತದೆ. ಅಲ್ಲದೆ, ಅನೇಕರು ನಿದ್ರಾಹೀನತೆಗೆ ಸಂಬಂಧಿಸಿದ ಅಪಾಯ ಮತ್ತು ಮನೋರೋಗಕ್ಕೆ ತುತ್ತಾಗುವ ಸಾಧ್ಯತೆ ಇದೆ ಎಂದು ಗಿನ್ನೇಸ್​ ಹೇಳಿದೆ. 1999ರಲ್ಲಿ ಇಸ್ರೇಲ್‌ನ ಕರ್ಮಿತ್ ಟ್ಜುಬೆರಾ ಮತ್ತು ಡ್ರೊರ್ ಒರ್ಪಾಜ್ ಅವರು 30 ಗಂಟೆಗಳ 45 ನಿಮಿಷಗಳ ಕಾಲ ಚುಂಬಿಸಿ ದಾಖಲೆ ಮಾಡಿದ್ದರು. ಆದರೆ ಅರೆಪ್ರಜ್ಞಾವಸ್ಥೆಯಲ್ಲಿದ್ದ ಕಾರಣ ಅವರನ್ನು ತಕ್ಷಣವೇ ಆಸ್ಪತ್ರೆಗೆ ಸೇರಿಸಲಾಯಿತು. ನಂತರ ಚಿಕಿತ್ಸೆಯಿಂದ ಅವರು ಚೇತರಿಸಿಕೊಂಡರಲ್ಲದೆ ರೂ. 2,06,775 ನಗದು ಬಹುಮಾನವನ್ನು ಗೆದ್ದರು.

ಇದನ್ನೂ ಓದಿ : Viral: ಕಾಂಡೋಮ್​ ಆರ್ಡರ್​ ಮಾಡುವಾಗ ಡೆಲಿವರಿ ಅಡ್ರೆಸ್ ಬದಲಾಯಿಸಲು ಅವನು ಮರೆತ

2004ರ ಸ್ಪರ್ಧೆಯಲ್ಲಿ ಗೆದ್ದ ಇಟಲಿಯ 37 ವರ್ಷದ ಆ್ಯಂಡ್ರಿಯಾ ಸರ್ಟಿ ಥಾಯ್ಲೆಂಡಿನ ತನ್ನ ಗೆಳತಿ ಅನ್ನಾ ಚೆನ್​ ಅವರನ್ನು 31 ಗಂಟೆ 18 ನಿಮಿಷಗಳ ಕಾಲ ಚುಂಬಿಸಿದ್ದರು. ಉಸಿರಾಟದ ತೊಂದರೆಯಿಂದಾಗಿ ಅವರಿಗೆ ಆಮ್ಲಜನಕವನ್ನು ಪೂರೈಸಬೇಕಾಯಿತು. 2011 ರಲ್ಲಿ, ಒಬ್ಬ ಮಹಿಳೆ ಸ್ಪರ್ಧೆ ಶುರುವಾಗಿ 30 ನಿಮಿಷಗಳ ನಂತರ ಪ್ರಜ್ಞಾಹೀನ ಸ್ಥಿತಿಗೆ ತಲುಪಿದರು. 2013 ರಲ್ಲಿ ಥಾಯ್ ದಂಪತಿಗಳಾದ ಎಕ್ಕಾಚಾಯ್ ಮತ್ತು ಲಕ್ಷನಾ ತಿರಾನರತ್ ಅವರು ಸುದೀರ್ಘವಾಗಿ ಚುಂಬಿಸಿ  ವಿಶ್ವದಾಖಲೆ ಸ್ಥಾಪಿಸಿದರು. ಅವರು 58 ಗಂಟೆ 35 ನಿಮಿಷಗಳ ಕಾಲ ಚುಂಬಿಸಿದ್ದರು. ಹಿಂದೆ 2011 ರಲ್ಲಿ ದಾಖಲೆಯನ್ನು ಗೆದ್ದ ಜೋಡಿ ರೂ. 23,465 ಮತ್ತು ರೂ. 2,34,650 ಮೌಲ್ಯದ ಎರಡು ವಜ್ರದ ಉಂಗುರಗಳನ್ನು ಬಹುಮಾನವಾಗಿ ಪಡೆದುಕೊಂಡಿದ್ದರು.

ಹೇಗಿದೆ ವಿಶ್ವದಾಖಲೆಗಾಗಿ ಚುಂಬನ ಸ್ಪರ್ಧೆಯಲ್ಲಿ ಭಾಗವಹಿಸಿದವರ ಕಥೆ ಮತ್ತು ವ್ಯಥೆ.

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ