ಜಗತ್ತಿನ ಅತ್ಯಂತ ಕೊಳಕು ಮನುಷ್ಯ ಇರಾನಿನ ಅಮೌ ಹಾಜಿ ನಿಧನ

Viral : ಏನಾದರೂ ಸಾಧನೆ ಮಾಡುತ್ತ ಸದಾ ಸುದ್ದಿಯಲ್ಲಿರುವುದು ಮತ್ತು ಪ್ರಚಾರ ಪಡೆಯುವುದು ಒಳ್ಳೆಯದು. ಇದು ಸಾಕಷ್ಟು ಕ್ಷೇತ್ರ ಮತ್ತು ವಿಚಾರಗಳಿಗೆ ಅನ್ವಯಿಸುತ್ತದೆ. ಆದರೆ ಕೊಳಕುತನಕ್ಕೆ!? ಈ ವಿಷಯವಾಗಿಯೂ ಸುದ್ದಿಯಾದವರು ನಮ್ಮ ನಡುವೆ ಇದ್ದರು. ಆದರೀಗ ಕಾಲನ ಕರೆಗೆ ಓಗೊಟ್ಟು ಹೊರಟರು. ಅವರೇ ಜಗತ್ತಿನ ಅತ್ಯಂತ ಕೊಳಕು ಮನುಷ್ಯ ಇರಾನ್​ನ ಅಮೌ ಹಾಜಿ. ತಮ್ಮ 94ನೇ ವಯಸ್ಸಿನಲ್ಲಿ ಮರಣವನ್ನಪ್ಪಿದ್ದಾನೆ. ಇವರು ನೀರು ಮತ್ತು ಸೋಪು ಬಳಸಿ ಸ್ನಾನ ಮಾಡದೆ ಸುಮಾರು 60 ವರ್ಷಗಳೇ ಕಳೆದಿದ್ದವು. ಇದು ವಿಚಿತ್ರವಾದರೂ ಸತ್ಯ.

ದಕ್ಷಿಣ ಪ್ರಾಂತ್ಯದ ಫಾರ್ಸ್‌ನ ದೇಜ್ಗಾ ಎಂಬ ಗ್ರಾಮದಲ್ಲಿ ಈ ವ್ಯಕ್ತಿ ಸಾವನ್ನಪ್ಪಿದ್ದಾರೆ. ಇವರು ಸುಮಾರು 60 ವರ್ಷಗಳಿಂದ ಸಾಬೂನು ಮುಟ್ಟಿರಲಿಲ್ಲ ಸ್ನಾನವನ್ನೂ ಮಾಡಿರಲಿಲ್ಲ. ಇವರನ್ನು ಶುಚಿಗೊಳಿಸಲು ಹಳ್ಳಿಗರು ಪ್ರಯತ್ನಿಸಿದರೂ ಅನೇಕ ಬಾರಿ ಅದು ವಿಫಲಗೊಂಡಿದೆ ಮತ್ತು ಇವರು ಹೀಗಿದ್ದಿರಲು ಕಾರಣ ಇವರ ತಾರುಣ್ಯದಲ್ಲಿ ಘಟಿಸಿದ ಯಾವುದೋ ಒಂದು ಘಟನೆ. ಆ ಘಟನೆಯಿಂದ ಇವರು ಭಾವನಾತ್ಮಕವಾಗಿ ಘಾಸಿಗೊಂಡಿದ್ದರು. ಬದುಕಿನಲ್ಲಿ ನಿರಾಸಕ್ತಿ ತಾಳಿದ್ದಷ್ಟೇ ಅಲ್ಲ ನಿತ್ಯ ವಿಚಿತ್ರ ಜೀವನಶೈಲಿಯ ಬಗ್ಗೆ ವಿಚಿತ್ರ ನಂಬಿಕೆಯನ್ನು ಬೆಳೆಸಿಕೊಂಡುಬಿಟ್ಟಿದ್ದರು.

ರಸ್ತೆಬದಿ ಕಾರು, ವಾಹನಗಳಿಂದ ಅಪಘಾತಕ್ಕೆ ತುತ್ತಾಗಿ ತೀರಿಹೋದ ಪ್ರಾಣಿಗಳೇ ಇವರ ಆಹಾರವಾಗಿತ್ತು. ಪ್ರಾಣಿಗಳ ಮಲ ತುಂಬಿದ ಪೈಪ್​ ಅನ್ನು ಸಿಗರೇಟಿನಂತೆ ಸೇದುತ್ತಿದ್ದರು. ಅಕಸ್ಮಾತ್​ ಶುಚಿಯನ್ನು ರೂಢಿಸಿಕೊಂಡರೆ ತಾನು ಅನಾರೋಗ್ಯಕ್ಕೆ ಈಡಾಗುತ್ತೇನೆ ಎನ್ನುವುದು ಇವರ ನಂಬಿಕೆಯಾಗಿತ್ತು. ಹಾಗಾಗಿ ತನ್ನ ದಿನಚರಿಯನ್ನು ಹೀಗೆ ಇಷ್ಟೊಂದು ಕೊಳಕು ರೀತಿಯಲ್ಲಿ ರೂಢಿಸಿಕೊಂಡಿದ್ದರು. ಒಟ್ಟೊಟ್ಟಿಗೆ ನಾಲ್ಕೈದು ಸಿಗರೇಟುಗಳನ್ನು ಸೇದುವ ಇವರ ಫೋಟೋ ಅನ್ನು 2014ರಲ್ಲಿ ದಿ ಟೆಹ್ರಾನ್ ಟೈಮ್ಸ್​ ಪ್ರಕಟಿಸಿತ್ತು.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

ಇವರ ಈ ಕೆಟ್ಟಾತಿಕೆಟ್ಟ ಅವಸ್ಥೆಯಿಂದ ಹೊರತರಲು ಹಳ್ಳಿಗರು ಕೆಲ ತಿಂಗಳುಗಳ ಹಿಂದೆಯೂ ಮನವೊಲಿಸಿ ಸ್ನಾನ ಮಾಡಿಸಲು ಪ್ರಯತ್ನಿಸಿದ್ದಾರೆ. ಆದರೆ ಅದು ಸಾಧ್ಯವೇ ಆಗಲಿಲ್ಲ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

ದುಃಖ ಎನ್ನುವುದು ಮನುಷ್ಯನನ್ನು ಎಂಥ ವಿಕಾರಕ್ಕೂ, ಅಸಹಜಕ್ಕೂ ತಳ್ಳಬಹುದು ಎನ್ನುವುದಕ್ಕೆ ಈ ವ್ಯಕ್ತಿಗಿಂತ ದೊಡ್ಡ ಉದಾಹರಣೆ ಜಗತ್ತಿನಲ್ಲಿದೆಯೇ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 10:37 am, Wed, 26 October 22