Viral Video: ವ್ಹಾವ್…  ಈ ಯುವಕನ ಅದ್ಭುತ ನೃತ್ಯಕ್ಕೆ ತಲೆಬಾಗಲೇಬೇಕು

ಅದೆಷ್ಟೋ ಜನರು ತಮ್ಮ ನೃತ್ಯ ಕಲೆಯಿಂದಲೇ ಜನರನ್ನು ಮನರಂಜಿಸುತ್ತಿರುತ್ತಾರೆ. ಕೆಲವೊಬ್ಬರು ತಮ್ಮ ಈ ಪ್ರತಿಭೆಗಳನ್ನು ಸೋಶಿಯಲ್ ಮೀಡಿಯಾಗಳಲ್ಲಿ ಪ್ರದರ್ಶಿಸಿದರೆ, ಇನ್ನೂ ಕೆಲವರು ಸ್ಟ್ರೀಟ್ ಡಾನ್ಸ್ ಶೋಗಳನ್ನು ನೀಡುವುದರ ಮೂಲಕ, ಜನರನ್ನು ಮನರಂಜಿಸುತ್ತಾ ತಮ್ಮ ಪ್ರತಿಭೆಗಳನ್ನು ಪ್ರದರ್ಶಿಸುತ್ತಾರೆ. ಹೀಗೆ ವಯಸ್ಸು, ದೇಹ ತೂಕ ಇದ್ಯಾವುದನ್ನು ಲೆಕ್ಕಿಸದೆ, ಅದ್ಭುತವಾಗಿ ನೃತ್ಯ ಮಾಡಿ ಆನಂದಿಸುತ್ತಾ ಬೇರೆಯವರಿಗೂ ಖುಷಿಯನ್ನು ಹಂಚುವ ಪ್ರತಿಭಾವಂತರು ನಮ್ಮಲ್ಲಿದ್ದಾರೆ. ಇವರೆಲ್ಲರ ಅತ್ಯದ್ಭುತ ನೃತ್ಯವನ್ನು ನೋಡುವ ನೋಡುಗರ ಮನಸ್ಸು ಕೂಡಾ ಖುಷಿಯಿಂದ ಕುಣಿಯುತ್ತದೆ. ಸದ್ಯ ಅದೇ ರೀತಿಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಯುವಕನೊಬ್ಬ ಮೈಕಲ್ ಜಾಕ್ಸನ್ ನಂತೆಯೇ  ಸಖತ್ ಆಗಿ ಡಾನ್ಸ್ ಮಾಡಿದ್ದು, ಈತನ ಡಾನ್ಸ್ಗೆ  ನೆಟ್ಟಿಗರು ಫುಲ್ ಬೋಲ್ಡ್ ಆಗಿದ್ದಾರೆ.

ಈ ವಿಡಿಯೋವನ್ನು @Enezator  ಎಂಬ  X ಖಾತೆಯಲ್ಲಿ ಹಂಚಿಕೊಳ್ಳಲಾಗಿದ್ದು, “ಲೆಜೆಂಡರಿ ಶೋʼ ಎಂಬ ಶೀರ್ಷಿಕೆಯನ್ನು ಸಹ ಬರೆದುಕೊಳ್ಳಲಾಗಿದೆ. . ವಿಡಿಯೋದಲ್ಲಿ ಯುವಕನೊಬ್ಬ ಅದ್ಭುತವಾಗಿ ತನ್ನ ಡಾನ್ಸ್ ಕಲೆಯನ್ನು ಪ್ರದರ್ಶಿಸುತ್ತಿರುವ  ಸ್ಟ್ರೀಟ್ ಡಾನ್ಸ್ ಶೋ ದೃಶ್ಯವನ್ನು ಕಾಣಬಹುದು.

legendary show pic.twitter.com/ADiGaDddCn

— Enez Özen | Enezator (@Enezator) January 15, 2024

ವೈರಲ್ ವಿಡಿಯೋದಲ್ಲಿ ಯುವಕನೊಬ್ಬ ತಲೆಗೆ ಟೋಪಿ, ಕಪ್ಪು ಬಣ್ಣದ ಪ್ಯಾಂಟ್ ಶರ್ಟ್ ಮತ್ತು ಶೂ ಧರಿಸಿ,  ಯಾವುದೋ ಒಂದು ಮಾಲ್ ಪಕ್ಕದಲ್ಲಿ ಥೇಟ್ ಮೈಕಲ್ ಜಾಕ್ಸನ್ ಅವರಂತೆಯೇ ಸಖತ್ ಸ್ಟೆಪ್ಸ್ ಹಾಕುತ್ತಾ ಡಾನ್ಸ್ ಮಾಡುತ್ತಿರುವ ಅದ್ಭುತ ದೃಶ್ಯವಾವಳಿಯನ್ನು ಕಾಣಬಹುದು.

ಇದನ್ನೂ ಓದಿ: Viral Video: ಮೊಸಳೆಗಳ ಗುಂಪಿನ ಮಧ್ಯೆ ಧೈರ್ಯದಿಂದ ಹೋರಾಡಿ ಪ್ರಾಣ ಉಳಿಸಿಕೊಂಡ ಜೀಬ್ರಾ; ವಿಡಿಯೋ ಇಲ್ಲಿದೆ ನೋಡಿ

ಜನವರಿ 15 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ 6.3 ಮಿಲಿಯನ್ ವೀಕ್ಷಣೆಗಳನ್ನು ಹಾಗೂ 39 ಸಾವಿರ ಲೈಕ್ಸ್ಗಳನ್ನು ಪಡೆದುಕೊಂಡಿದೆ. ಹಾಗೂ ನೆಟ್ಟಿಗರು ಕಮೆಂಟ್ಸ್ ಮೂಲಕ ಈ ಯುವಕನ ಅತ್ಯದ್ಭುತ ಡಾನ್ಸ್ ಪ್ರದರ್ಶನಕ್ಕೆ  ಮುಚ್ಚುಗೆಯನ್ನು ಸೂಚಿಸಿದ್ದಾರೆ. ಒಬ್ಬ ಬಳಕೆದಾರರು ʼಅದ್ಭುತ ನೃತ್ಯ ಪ್ರದರ್ಶನʼ ಅಂತ ಹೇಳಿದ್ದಾರೆ. ಇನ್ನೊಬ್ಬ ಬಳಕೆದಾರರು ʼಮೈಕಲ್ ಜಾಕ್ಸನ್ ಅವರಂತೆಯೇ ಡಾನ್ಸ್ ಸ್ಟೆಪ್ಸ್ ಹಾಕಿದ್ದಾನೆʼ ಎಂದು ಕಮೆಂಟ್ ಮಾಡಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼಬಹಳ ಸೊಗಸಾಗಿದೆ, ಈ ಯುವಕನ ಪ್ರತಿಭೆಗೆ ಮೆಚ್ಚಲೇಬೇಕುʼ ಎಂದು ಕಮೆಂಟ್  ಮಾಡಿದ್ದಾರೆ.

ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ