ಮದುವೆ ಮಂಟಪದ ಹೊರಗೆ ಝೊಮ್ಯಾಟೋ ಡೆಲಿವರಿ ಏಜೆಂಟ್ ಡ್ಯಾನ್ಸ್ ವಿಡಿಯೋ ವೈರಲ್
Viral Video : ಮದುವೆಯ ಸಭಾಂಗಣದಲ್ಲಿ ಆಶಾ ಭೋಸ್ಲೆ ಮತ್ತು ಸುರೇಶ ವಾಡ್ಕರ್ ಹಾಡಿರುವ ಈ ಹಾಡಿಗೆ ಅಲ್ಲಿದ್ದವರೆಲ್ಲರೂ ಕುಣಿಯುತ್ತಿದ್ದಾರೆ. ಇದನ್ನು ನೋಡಿದ ಡೆಲಿವರಿ ಏಜೆಂಟ್ಗೂ ಕುಣಿಯಬೇಕು ಎನ್ನಿಸಿದೆ. ನೋಡಿ ವಿಡಿಯೋ.
Viral Video : ‘ಸಪ್ನೆ ಮೇ ಮಿಲ್ತೀ ಹೈ’ ಹಾಡಿಗೆ ಝೊಮ್ಯಾಟೋ ಡೆಲಿವರಿ ಏಜೆಂಟ್ರೊಬ್ಬರು ಡ್ಯಾನ್ಸ್ ಮಾಡಿದ ವಿಡಿಯೋ ಇದೀಗ ವೈರಲ್ ಆಗಿದೆ. ಈ ವಿಡಿಯೋ ಅನ್ನು ಸೆರೆಹಿಡಿದ ರೀತಿ ಅದ್ಭುತವಾಗಿದೆ. ಸಂಗೀತ ಮತ್ತು ನೃತ್ಯ ಯಾರನ್ನೂ ಮಧುರಗೊಳಿಸುತ್ತದೆ. ಇದಕ್ಕೆ ಸಾಕ್ಷಿ ಎಂಬಂತೆ ಈ ವಿಡಿಯೋ ಇದೆ. ಮದುವೆ ಸಭಾಂಗಣದಲ್ಲಿ ಎಲ್ಲರೂ ಕುಣಿಯುತ್ತಿದ್ದರೆ ಹೊರಗಿರುವ ಝೊಮ್ಯಾಟೋ ಡೆಲಿವರಿ ಏಜೆಂಟ್ಗೂ ಕುಣಿಯಬೇಕು ಎನ್ನುವ ಉಮೇದು ಬಂದುಬಿಟ್ಟಿದೆ.
ಈ ವಿಡಿಯೋ ಅನ್ನು 50,000 ಕ್ಕೂ ಹೆಚ್ಚು ಜನರು ನೋಡಿದ್ದಾರೆ. 8,000 ಕ್ಕೂ ಹೆಚ್ಚು ಜನ ಇಷ್ಟಪಟ್ಟಿದ್ದಾರೆ. ಆಶಾ ಭೋಸ್ಲೆ ಮತ್ತು ಸುರೇಶ ವಾಡ್ಕರ್ ಹಾಡಿದ ‘ಸಪ್ನೆ ಮೇ ಮಿಲ್ತೀ ಹೈ’ ಹಾಡಿಗೆ ಮದುವೆಗೆ ಬಂದ ಅತಿಥಿಗಳು ಡ್ಯಾನ್ಸ್ ಮಾಡಿದ್ದಾರೆ. ಇದನ್ನು ನೋಡಿ, ಕೇಳಿ ಹುಕಿ ಎದ್ದು ಝೊಮ್ಯಾಟೋ ಡೆಲಿವರಿ ಪಾರ್ಟನರ್ ಕೂಡ ಡ್ಯಾನ್ಸ್ ಮಾಡಿದ್ದಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಝೊಮ್ಯಾಟೊ ವೈಬ್ ಹೈ ಎಂದಿದ್ದಾರೆ ನೆಟ್ಟಿಗರು.
ಸಂಗೀತಕ್ಕೆ ಮನಸೋಲದವರು ಯಾರಿದ್ದಾರೆ? ತನ್ನನ್ನೇ ತಾನು ಮರೆಯುವುದು ಎನ್ನುತ್ತಾರಲ್ಲ ಇದಕ್ಕೆ ಪರಿಪೂರ್ಣ ಉದಾಹರಣೆ ಎಂದಿದ್ದಾರೆ ನೆಟ್ಟಿಗರು. ಈ ಹಾಡನ್ನು ನೆನಪಿಸಿದ್ದಕ್ಕೆ ಧನ್ಯವಾದ ಹಾಗೆಯೇ ಝೋಮ್ಯಾಟೋ ಅಣ್ಣನಿಗೆ ಒಳ್ಳೆಯದಾಗಲಿ ಎಂದಿದ್ದಾರೆ ಅನೇಕರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 1:49 pm, Mon, 26 December 22
