Viral Video: ಅಬ್ಬಬ್ಬಾ! ಒಂದೇ ಬೈಕ್​ನಲ್ಲಿ 9 ಜನರ ಸವಾರಿ; ವಿಡಿಯೋ ನೋಡಿ

ಕೊಪ್ಪಳ: ಒಂದು ಬೈಕ್ ನಲ್ಲಿ ಅಬ್ಬಬ್ಬಾ ಅಂದ್ರೆ ಮೂರು ಜನ‌, ತಪ್ಪಿದರೆ ನಾಲ್ಕು‌ ಜನ ಹತ್ತಿರೋದನ್ನು ನೀವು ನೋಡಿರಬಹುದು. ಆದ್ರೆ ಇಲ್ಲಿ‌ ಒಂದೇ ಬೈಕ್ ನಲ್ಲಿ ಸುಮಾರು 9 ಜನ‌ ಸವಾರಿ ಮಾಡಿದ್ದಾರೆ. ಕೊಪ್ಪಳದ ಗಿಣಗೇರಾ ಬಳಿ ಒಂದೇ ಬೈಕ್‌ ನಲ್ಲಿ 9 ಜನ ಸವಾರಿ ಮಾಡಿರೋ ದೃಶ್ಯ ಸ್ಥಳೀಯರ ಮೊಬೈಲ್​ನಲ್ಲಿ ಸೆರೆಯಾಗಿದೆ. ಗಿಣಗೇರಾದಿಂದ ಗಂಗಾವತಿ ಕಡೆ ಹೊರಟಿದ್ದ ಕುಟುಂಬ ಸದಸ್ಯರು ಒಂದೇ ಬೈಕ್​ನಲ್ಲಿ ಪ್ರಯಾಣ ಮಾಡಿದ್ದಾರೆ. ನಾಲ್ಕು ಜನ ಹಿರಿಯರು, ಐದು ಜನ ಮಕ್ಕಳು ಒಂದೇ ಬೈಕ್ ನಲ್ಲಿ ಸವಾರಿ ಮಾಡಿ ನೋಡುಗರನ್ನ ತಮ್ಮತ್ತ ಸೆಳೆದಿದ್ದಾರೆ. ಹೀರೋ ಹೊಂಡಾ ಸ್ಪೆಂಡರ್ ಬೈಕ್‌ನಲ್ಲಿ 9 ಜನ ಸವಾರಿ ಮಾಡಿರೋದು ಎಲ್ಲರ ಹುಬ್ಬೇರುವಂತೆ ಮಾಡಿದೆ.

ಆದ್ರೆ ಕಾನೂನು ಪ್ರಕಾರ ಇದು ತಪ್ಪು. ಮೇಲಾಗಿ ಇಷ್ಟು ಜನ ಒಂದೇ ಬೈಕ್​ನಲ್ಲಿ ಕುಳಿತು ಸವಾರಿ ಮಾಡುವುದು ಜೀವಕ್ಕೇ ಸಂಚಕಾರ ತಂದೊಡ್ಡಬಹುದು. ಇಂಥ ಕೆಲಸ ಯಾರೂ ಮಾಡಬಾರದು.

ಕಾರವಾರ: ನದಿ ಬಿಟ್ಟು ಕೆಎಸ್​ಆರ್​ಟಿಸಿ ಡಿಪೋಗೆ ಬಂದ ಮೊಸಳೆ!

ಇತ್ತ ದಾಂಡೇಲಿಯ ದೇಶಪಾಂಡೆ ನಗರದ ಬಳಿ ಕೆಎಸ್​ಆರ್​​ಟಿಸಿ ಡಿಪೋದಲ್ಲಿ ಬೃಹದಾಕಾರದ ಮೊಸಳೆಯೊಂದು ಕಾಣಿಸಿಕೊಂಡಿದೆ. ಮೊಸಳೆಗಳು ನದಿಬಿಟ್ಟು ದಡಕ್ಕೆ ಬಾರದಂತೆ ಕ್ರಮವಹಿಸಲು ಅಧಿಕಾರಿಗಳಿಗೆ ಜನರು ಮನವಿ ಮಾಡಿದ್ದಾರೆ. ಸ್ಥಳಕ್ಕೆ ಅರಣ್ಯಾಧಿಕಾರಿಗಳು,ತಹಶಿಲ್ದಾರರು ಭೇಟಿ ನೀಡಿದ್ದಾರೆ. ಮೊಸಳೆಯನ್ನ ಹಗ್ಗದಿಂದ ಕಟ್ಟಿ ಕಾಳಿ ನದಿಗೆ ಬಿಡಲು ಅಧಿಕಾರಿಗಳು ಮುಂದಾಗಿದ್ದಾರೆ.

ಇದನ್ನೂ ಓದಿ: Viral Video: ಟ್ರೆಡ್‌ಮಿಲ್‌ ಮೇಲೆ ವಾಕ್ ಮಾಡಿದ ಬಾತುಕೋಳಿ; ಮುದ್ದಾದ ವಿಡಿಯೋ ಕಂಡು ನೆಟ್ಟಿಗರು ಹೇಳಿದ್ದೇನು ಗೊತ್ತಾ?

ಇದನ್ನೂ ಓದಿ: ಭಾರಿ ಗಾತ್ರದ ಹೆಬ್ಬಾವು ರಸ್ತೆ ದಾಟಲು ನಿಮಿಷಗಳೇ ಬೇಕಾಯ್ತು, ವೈರಲ್ ಆಗಿರುವ ವಿಡಿಯೋ ನೋಡಿದರೆ ನಿಮಗೆ ಗೊತ್ತಾಗುತ್ತದೆ!