ನಾಗತ್ತೆ ಮನೆಯಲ್ಲಿ ಭಾವುಕರಾದ ರಾಘವೇಂದ್ರ ರಾಜ್ಕುಮಾರ್-ಮಂಗಳಾ ದಂಪತಿ; ಇಲ್ಲಿದೆ ವಿಡಿಯೋ
ರಾಘವೇಂದ್ರ ರಾಜ್ಕುಮಾರ್ ಮತ್ತು ಅವರ ಪತ್ನಿ ಮಂಗಳಾ ಅವರು ಗಾಜನೂರಿಗೆ ಭೇಟಿ ನೀಡಿದ್ದಾರೆ. ಅಲ್ಲಿ ರಾಜ್ಕುಮಾರ್ ಸಹೋದರಿ ನಾಗಮ್ಮ ಅವರನ್ನು ಮಾತನಾಡಿಸಿದ್ದಾರೆ.
ಡಾ. ರಾಜ್ಕುಮಾರ್ (Dr. Rajkumar) ಅವರ ಕುಟುಂಬಕ್ಕೆ ಗಾಜನೂರು (Ganajur) ಎಂದರೆ ವಿಶೇಷ ಪ್ರೀತಿ. ಅಣ್ಣಾವ್ರು ಹುಟ್ಟಿ ಬೆಳೆದ ಊರು ಎಂಬ ಕಾರಣಕ್ಕೆ ಆ ಸ್ಥಳದ ಬಗ್ಗೆ ಎಲ್ಲರೂ ಗೌರವ ತೋರಿಸುತ್ತಾರೆ. ರಾಜ್ ಕುಟುಂಬದ ಸದಸ್ಯರು ಆಗಾಗ ಅಲ್ಲಿಗೆ ಭೇಟಿ ನೀಡುತ್ತಾರೆ. ಪುನೀತ್ ರಾಜ್ಕುಮಾರ್ ಕೂಡ ಹಲವು ಭಾರಿ ಗಾಜನೂರಿಗೆ ತೆರಳಿದ್ದರು. ಈಗ ರಾಘವೇಂದ್ರ ರಾಜ್ಕುಮಾರ್ (Raghavendra Rajkumar) ಮತ್ತು ಅವರ ಪತ್ನಿ ಮಂಗಳಾ ಅವರು ಗಾಜನೂರಿಗೆ ಭೇಟಿ ನೀಡಿದ್ದಾರೆ. ಅಲ್ಲಿ ರಾಜ್ಕುಮಾರ್ ಸಹೋದರಿ ನಾಗಮ್ಮ ಅವರನ್ನು ಮಾತನಾಡಿಸಿದ್ದಾರೆ. ಈ ವೇಳೆ ಮಂಗಳಾ ಅವರು ಭಾವುಕರಾದರು. ‘ಅಪ್ಪಾಜಿ ಶೂಟಿಂಗ್ಗೆ ಹೋಗುತ್ತಿದ್ದಾಗ ನನ್ನನ್ನು ಮತ್ತು ಶಿವಣ್ಣನನ್ನು ಬೆಳೆಸಿದವರು ನಮ್ಮ ನಾಗತ್ತೆ. ಈಗ ಅವರಿಗೆ ಹುಷಾರಿಲ್ಲ ಅಂತ ನಾವು ನೋಡಲು ಬಂದಿದ್ದೇವೆ. ಇದೇ ಊರಿನಲ್ಲಿ ಹೊಸ ಸಿನಿಮಾದ ಮುಹೂರ್ತ ಮಾಡುತ್ತಿದ್ದೇವೆ. ಇಲ್ಲಿ ಪೂಜೆ ಮಾಡಿದರೆ ಪೂರ್ವಿಕರ ಆಶೀರ್ವಾದ ಸಿಗುತ್ತೆ ಅಂತ ಅತ್ತೆ ಹೇಳಿದರು. ಈ ಮಣ್ಣಿನಿಂದಲೇ ಅಪ್ಪಾಜಿ ಬಂದಿದ್ದು. ಅವರು ಹುಟ್ಟಿದಾಗ ಏನೂ ಇರಲಿಲ್ಲ. ಆಮೇಲೆ ಏನಾದರು ಎಂಬುದನ್ನು ಎಲ್ಲರೂ ನೋಡಿದ್ದೀರಿ. ಈ ಮಣ್ಣಿಗೆ ನಾವು ಋಣ ಕೊಟ್ಟಿದ್ದೇವೆ’ ಎಂದು ರಾಘವೇಂದ್ರ ರಾಜ್ಕುಮಾರ್ ಹೇಳಿದ್ದಾರೆ.
ಇದನ್ನೂ ಓದಿ:
ಯೋಗಿ ಕಿವಿಗೆ ಏಟು ಬಿದ್ದಾಗ ಪುನೀತ್ ಏನು ಮಾಡಿದ್ರು? ‘ಹುಡುಗರು’ ಘಟನೆ ನೆನೆದ ರವಿ ವರ್ಮಾ
ಪುನೀತ್ ಫ್ಯಾನ್ಸ್ ಕುತ್ತಿಗೆ ಮೇಲೆ ‘ಜೇಮ್ಸ್’ ಟ್ಯಾಟೂ; ವೈರಲ್ ಆಗ್ತಿದೆ ಅಭಿಮಾನದ ಫೋಟೋ
