ಮತ್ತೊಂದು ವರದಕ್ಷಿಣೆ ಕಿರುಕುಳ ಪ್ರಕರಣ, ಮದುವೆಯಾದ ನಾಲ್ಕನೇ ದಿನದಿಂದಲೇ ಹಿಂಸೆ ಶುರು ಎನ್ನುವ ಯುವತಿ
Updated on: Aug 30, 2025 | 2:02 PM
ಪ್ರಜ್ವಲ್ ಶಂಕರ್ನ ತಂದೆ ತಾಯಿ ಇಬ್ಬರೂ ಸರ್ಕಾರೀ ಶಾಲಾ ಶಿಕ್ಷಕರಂತೆ ಮತ್ತು ತನ್ನ ಗಂಡ ಕೆಪಿಎಸ್ಸಿ ಪರೀಕ್ಷೆ ಬರೆದಿದ್ದಾರೆ ಅಂತ ಸೌಮ್ಯ ಹೇಳುತ್ತಾರೆ. ಪೊಲೀಸರಿಗೆ ದೂರು ನೀಡಿದರೂ ಪ್ರಯೋಜನವಾಗಿಲ್ಲ, ಅತ್ತೆ-ಮಾವ ಮತ್ತು ಗಂಡ ತಮ್ಮ ಪ್ರಭಾವ ಬಳಸಿ ಪೊಲೀಸರು ಕ್ರಮ ತೆಗೆದುಕೊಳ್ಳದಂತೆ ಮಾಡಿದ್ದಾರೆ, ಗಂಡನಿಗೆ ಕೆಲಸವಿಲ್ಲ, ತಾನು ತವರುಮನೆಗೆ ಹೋಗಿ 5 ತಿಂಗಳಾದರೂ ಅವರಿಂದ ಫೋನ್, ಮೆಸೇಜ್ ಇಲ್ಲ ಎಂದು ಸುಪ್ರಿಯ ಹೇಳುತ್ತಾರೆ.
ತುಮಕೂರು, ಆಗಸ್ಟ್ 30: ಈ ಯುವತಿ ಹೇಳೋ ಮಾತುಗಳೆಲ್ಲ ನಿಜವಾಗಿದ್ದರೆ ಇದು ಮತ್ತೊಂದು ವರದಕ್ಷಿಣೆ ಕಿರುಕುಳದ ಕತೆ ಮಾರಾಯ್ರೇ. ತುಮಕೂರು ನಗರದಲ್ಲಿರುವ ಗಂಡ ಪ್ರಜ್ವಲ್ ಶಂಕರ್ ಮನೆ ಮುಂದೆ ಸುಪ್ರಿಯರಾಣಿ (Supriya Rani) ಹೆಸರಿನ ಯುವತಿ ಕೂತು ನ್ಯಾಯ ಬೇಕು ಅಂತ ಪ್ರತಿಭಟನೆ ನಡೆಸುತ್ತಿದ್ದಾರೆ. 8 ತಿಂಗಳ ಹಿಂದೆ ಮದುವೆಯಾದ ಇವರಿಗೆ ಗಂಡನ ಮನೆಗೆ ಬಂದ ನಾಲ್ಕನೇ ದಿನದಿಂದಲೇ ವರದಕ್ಷಿಣೆ ಕಿರುಕುಳ ಶುರುವಾಗಿದೆ. ಒಂದು ಚಿಕ್ಕ ಹೋಟೆಲ್ ಇಟ್ಟುಕೊಂಡಿರುವ ಸುಪ್ರಿಯ ತಂದೆ-ತಾಯಿ $ 20 ಲಕ್ಷ ಖರ್ಚು ಮಾಡಿ ಮಗಳ ನಿಶ್ಚಿತಾರ್ಥ ಮಾಡಿದ್ದಾರೆ ಮತ್ತು ಮದುವೆಯ ಸಮಯದಲ್ಲಿ 130 ಗ್ರಾಂ ಚಿನ್ನ ಹಾಗೂ 2 ಕೆಜಿ ಬೆಳ್ಳಿಯನ್ನು ನೀಡಿದ್ದಾರಂತೆ. ಗಂಡ ತನ್ನನ್ನು ಬೇಡ ಅನ್ನುತ್ತಿರುವುದರಿಂದ ತನಗೆ ಸೇರಿದ ಒಡವೆ, ಬೇರೆ ವಸ್ತುಗಳು ಅವರ ಮನೆಯಲ್ಲೇ ಇವೆ, ವಾಪಸ್ಸು ಕೊಡಲಿ ಎಂದು ಸುಪ್ರಿಯ ಧರಣಿಗೆ ಕೂತಿದ್ದಾರೆ.
ಇದನ್ನೂ ಓದಿ: ಧರ್ಮಸ್ಥಳ ಪಿಎಸ್ಐ ಕಿಶೋರ್ ವಿರುದ್ಧ ಪತ್ನಿಯಿಂದ ವರದಕ್ಷಿಣೆ ಕಿರುಕುಳ ಆರೋಪ, ಬೆಂಗಳೂರಲ್ಲಿ ದೂರು
ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Related Video
ಭೀಕರ ಜಲ ಸಂಕಷ್ಟ: ರಾಯಚೂರು, ಕಲಬುರಗಿ, ಬೀದರಲ್ಲಿ ಕುಡಿಯುವ ನೀರಿಗಾಗಿ ಪರದಾಟ
ವಿಜಯಲಕ್ಷ್ಮಿ-ಧನ್ವೀರ್ ವಿವಾದದ ಬಗ್ಗೆ ದರ್ಶನ್ಗೆ ತಿಳಿಸುತ್ತೇವೆಂದ ವಕೀಲ
RSS ಪಥಸಂಚಲನಕ್ಕೆ ಸಿದ್ಧತೆ: ಕೆಲವೆಡೆ ಷರತ್ತುಬದ್ಧ ಅನುಮತಿ; ಕೆಲವೆಡೆ ನಕಾರ
‘ಪ್ರೇಮದ ಊರಲಿ’ ಸಿನಿಮಾ ಸಂಗೀತ ನಿರ್ದೇಶಕರಿಗೆ ಸಿಕ್ಕ ಸಂಭಾವನೆ ಎಷ್ಟು?
