ಗೃಹಲಕ್ಷ್ಮೀ ಯೋಜನೆ ಫಲಾನುಭವಿಗಳೊಂದಿಗೆ ಸಿಎಂ ಸಂವಾದ: ಮೊಮ್ಮಗಳಿಗೆ ತೊಟ್ಟಿಲು ಖರೀದಿಸಿದ ಡಿಕೆಶಿ
Updated on: Nov 06, 2026 | 10:42 PM
ಮುಖ್ಯಾಂಶಗಳು
- ಗೃಹಲಕ್ಷ್ಮೀ ಯೋಜನೆ ಫಲಾನುಭವಿಗಳ ಜೊತೆ ಸಿಎಂ ಡಿಕೆಶಿ ಸಂವಾದ
- ಸಿಎಂ ಡಿ.ಕೆ.ಶಿವಕುಮಾರ್ಗೆ ಮಾಹಿತಿ ನೀಡಿದ ಮಹಿಳಾ ಫಲಾನುಭವಿ
- ತೊಟ್ಟಿಲನ್ನು ಖರೀದಿ ಮಾಡಿದ ಸಿಎಂ ಡಿ.ಕೆ.ಶಿವಕುಮಾರ್
ದೀಪಾವಳಿ ಹಬ್ಬದ ಸಂಭ್ರಮದಲ್ಲಿ ಸಿಎಂ ಡಿಕೆ ಶಿವಕುಮಾರ್, ಗೃಹಲಕ್ಷ್ಮಿ ಯೋಜನೆ ಫಲಾನುಭವಿಗಳೊಂದಿಗೆ ಸಂವಾದ ನಡೆಸಿದರು. ಯೋಜನೆಯಿಂದ ತಮ್ಮ ಜೀವನದಲ್ಲಿ ಆದ ಬದಲಾವಣೆಗಳನ್ನು ಮಹಿಳೆಯರು ಹಂಚಿಕೊಂಡರು. ಸಿಎಂ ಅವರು ಕರಕುಶಲ ವಸ್ತುಗಳನ್ನು ಖರೀದಿಸಿ, ಫಲಾನುಭವಿಗಳ ಕಷ್ಟ ಸುಖ ಆಲಿಸಿದರು. ಇಲ್ಲಿದೆ ನೋಡಿ ವಿಡಿಯೋ.
ಬೆಂಗಳೂರು, ನವೆಂಬರ್ 06: ದೀಪಾವಳಿ ಹಬ್ಬದ ಸಡಗರದ ನಡುವೆ ಗೃಹಲಕ್ಷ್ಮೀ ಯೋಜನೆಯಡಿ ಆಗಸ್ಟ್, ಸೆಪ್ಟೆಂಬರ್ ಮತ್ತು ಅಕ್ಟೋಬರ್ ತಿಂಗಳ ಮೂರು ಕಂತುಗಳ ಹಣವನ್ನು ಬಿಡುಗಡೆ ಮಾಡಲಾಗಿದ್ದು, ಒಟ್ಟು 6,000 ರೂ. ಲಕ್ಷಾಂತರ ಮಹಿಳೆಯರ ಖಾತೆಗೆ ಜಮೆಯಾಗಿವೆ. ಈ ಮೂಲಕ ಸರ್ಕಾರ ಮಹಿಳೆಯರಿಗೆ ದೀಪಾವಳಿ ಗಿಫ್ಟ್ ನೀಡಿದೆ. ಈ ಬೆನ್ನಲ್ಲೇ ಸಿಎಂ ಡಿಕೆ ಶಿವಕುಮಾರ್ ಇಂದು ಫಲಾನುಭವಿಗಳೊಂದಿಗೆ ಸಂವಾದ ನಡೆಸಿದರು. ಇದೇ ವೇಳೆ ಕಲಬುರ್ಗಿಯಿಂದ ಬಂದಿದ್ದ ಕರಕುಶಲ ಕರ್ಮಿಯೊಬ್ಬರು, ಯೋಜನೆಯ ಹಣದಿಂದ ಕರಕುಶಲ ವಸ್ತುಗಳನ್ನು ತಯಾರಿಸುತ್ತಿರುವುದಾಗಿ ತಿಳಿಸಿದರು. ಈ ವೇಳೆ ಸಿಎಂ ಮಹಿಳೆಗೆ 500 ರೂ ನೀಡಿ ತೊಟ್ಟಿಲನ್ನು ಖರೀದಿಸಿ, ಅದನ್ನು ತಮ್ಮ ಮೊಮ್ಮಗಳಿಗೆ ನೀಡುವುದಾಗಿ ಹೇಳಿದರು. ಮತ್ತೊಬ್ಬ ಮಹಿಳೆ ಚೆಕ್ಕುಲಿ, ನಿಪ್ಪಟ್ಟು, ಕೋಡ್ಬಳೆ ವ್ಯಾಪಾರ ಶುರು ಮಾಡಿದ್ದು, ಸಿಎಂ ಅವರು ಕೋಡ್ಬಳೆ ಮತ್ತು ಚೆಕ್ಕುಲಿಯನ್ನು ಸವಿದರು.
ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ನೋಡಲು ಇಲ್ಲಿ ಕ್ಲಿಕ್ ಮಾಡಿ.
Follow Us
Related Video
Latest Videos
