ಲಕ್ಷ್ಮಿ ಹೆಬ್ಬಾಳ್ಕರ್ ವಿರುದ್ಧ ಅವಾಚ್ಯ ಪದಬಳಕೆ ಬಗ್ಗೆ ಕೇಳಿದಾಗ ಸಿಟಿ ರವಿಯವರು ಡಾ ಬಿಅರ್ ಅಂಬೇಡ್ಕರ್ ಕುರಿತು ಮಾತಾಡಿದರು!
Updated on: Dec 19, 2024 | 3:05 PM
ಅಂಬೇಡ್ಕರ್ ಅವರ ಬಗ್ಗೆ ಮಾತಾಡುವ ರವಿ, ಅವರು ಬದುಕಿದ್ದಾಗ ಮತ್ತು ಸತ್ತಾಗಲೂ ಕಾಂಗ್ರೆಸ್ ಅವರನ್ನು ಅಪಮಾನಿಸಿತು, 1952 ಲೋಕಸಭಾ ಚುನಾವಣೆಯಲ್ಲಿ ಸೋಲುವಂತೆ ಮಾಡಿತು, ಅವರ ಶವಸಂಸ್ಕಾರಕ್ಕಾಗಿ ದೆಹಲಿಯಲ್ಲಿ ಜಾಗ ಕೊಡಲಿಲ್ಲ, ಶವಸಾಗಣೆಯ ವಿಮಾನ ಬಾಡಿಗೆಯನ್ನೂ ಕುಟುಂಬದಿಂದ ವಸೂಲು ಮಾಡಲಾಯಿತು, ಮತ್ತು ಅವರಿಗೆ ಭಾರತ ರತ್ನ ಪ್ರಶಸ್ತಿಯನ್ನು ಬಿಜೆಪಿ ಬೆಂಬಲಿತ ವಿಪಿ ಸಿಂಗ್ ಸರ್ಕಾರ 1990 ರಲ್ಲಿ ನೀಡಿತು ಎಂದು ಹೇಳಿದರು.
ಬೆಳಗಾವಿ: ಮಹಿಳೆ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕರ್ ವಿರುದ್ಧ ವಿಧಾನ ಪರಿಷತ್ ನಲ್ಲಿ ಅಸಂಸದೀಯ ಪದ ಬಳಸಿರುವ ಆರೋಪ ಎದುರಿಸುತ್ತಿರುವ ಪರಿಷತ್ ಸದಸ್ಯ ಸಿಟಿ ರವಿ ಅವರನ್ನು ನಮ್ಮ ವರದಿಗಾರ ಪ್ರಶ್ನೆ ಕೇಳಿದಾಗ ಅವರು ಒಂದು ವಾಕ್ಯದಲ್ಲಿ ವಿಷಯದ ಬಗ್ಗೆ ಉತ್ತರ ನೀಡಿ ಸಂವಿಧಾನ ಶಿಲ್ಪಿ ಡಾ ಬಿಆರ್ ಅಂಬೇಡ್ಕರ್ ಅವರನ್ನು ಕಾಂಗ್ರೆಸ್ ನಡೆಸಿಕೊಂಡ ರೀತಿಯ ಬಗ್ಗೆ ಮಾತಾಡುತ್ತಾರೆ. ಆದರೆ, ನಮ್ಮ ವರದಿಗಾರ ಉತ್ತರ ಪಡೆಯುವವರೆಗೆ ರವಿಯವರನ್ನು ಬಿಡೋದಿಲ್ಲ. ನೀವು ಅವಹೇಳನಕಾರಿ ಪದ ಬಳಸಿದ್ದು ಹೌದೋ ಇಲ್ಲವೋ ಅಂತ ಅವರು 3-4 ಬಾರಿ ಕೇಳುತ್ತಾರೆ. ಅವರು ಯಾಕೆ ಹಾಗೆ ಭಾವಿಸಿದ್ದರೋ ಗೊತ್ತಿಲ್ಲ, ಸದನದ ದಾಖಲೆಗಳಲ್ಲಿ ತಾನು ಮಾತಾಡಿದ್ದು ಇದೆ, ಅದನ್ನು ತೆಗೆಸಿ ನೋಡಿದರೆ ಗೊತ್ತಾಗುತ್ತದೆ ಎಂದು ರವಿ ಹೇಳುತ್ತಾರೆ.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಇದನ್ನೂ ಓದಿ: ಅರ್ಕಾವತಿ ಡಿನೋಟಿಫಿಕೇಷನ್ ಕೇಸ್: ಕೆಂಪಣ್ಣ ಆಯೋಗದ ವರದಿ ಬಹಿರಂಗಪಡಿಸುವಂತೆ ಸಿಎಂಗೆ ಸಿಟಿ ರವಿ ಪತ್ರ
ಬಿಜೆಪಿ ಮುಖಂಡ ಯಾರ ಒತ್ತಾಸೆ ಮೇರೆಗೆ ಸಂಪರ್ಕಿಸಿದರೋ ಗೊತ್ತಿಲ್ಲ: ಕೃಷ್ಣ
ನಿವೃತ್ತಿ ಬೆನ್ನಲ್ಲೇ ಟೀಮ್ ಇಂಡಿಯಾ ತೊರೆದ ಅಶ್ವಿನ್ಗೆ ಅದ್ಧೂರಿ ಸ್ವಾಗತ
ಬಿಜೆಪಿ ಸಂಸದ ಪ್ರತಾಪ್ಗೆ ಗಾಯ, ರಾಹುಲ್ ಗಾಂಧಿಯೇ ತಳ್ಳಿದ್ದು ಎಂದ ಸಾರಂಗಿ
ಎಲ್ಲರಿಗೂ ಟೈಮ್ ಬರುತ್ತೆ: ಡ್ರೆಸ್ಸಿಂಗ್ ರೂಮ್ನಲ್ಲಿ ಅಶ್ವಿನ್ ಭಾವುಕ ಮಾತು
