‘ಡಾ. ರಾಜ್ಕುಮಾರ್ ನೋಡಿ ಮೆಚ್ಚಿದ್ದ ಧಾರಾವಾಹಿ ಅದು’; ಅಪರೂಪದ ಕ್ಷಣ ನೆನಪಿಸಿಕೊಂಡ ಶ್ರೀದೇವಿ
‘ಮನೆತನ’ ಸೀರಿಯಲ್ನಲ್ಲಿ ಶ್ರೀದೇವಿ ನಟಿಸುತ್ತಿದ್ದರು. ಆ ಧಾರಾವಾಹಿಯನ್ನು ಡಾ. ರಾಜ್ಕುಮಾರ್ ಕೂಡ ನೋಡುತ್ತಿದ್ದರು. ಓಮ್ಮೆ ಭೇಟಿಯಾದ ಸಂದರ್ಭದಲ್ಲಿ ‘ಮನೆತನ’ ಧಾರಾವಾಹಿ ಬಗ್ಗೆ ಅಣ್ಣಾವ್ರು ಮಾತನಾಡಿದ್ದರು ಎಂದು ಶ್ರೀದೇವಿ ಹೇಳಿದ್ದಾರೆ.
ಕನ್ನಡದ ಹಲವು ಸಿನಿಮಾಗಳಲ್ಲಿ ಅಭಿನಯಿಸಿದ್ದ ನಟಿ ಶ್ರೀದೇವಿ ಅವರು ಬಳಿಕ ಚಿತ್ರರಂಗದಿಂದ ಅಂತರ ಕಾಯ್ದುಕೊಂಡರು. ಧಾರಾವಾಹಿಗಳ ಮೂಲಕವೂ ಅವರು ಫೇಮಸ್ ಆಗಿದ್ದರು. ಈಗ ಟಿವಿ9 ಜೊತೆ ಮಾತನಾಡಿರುವ ಅವರು ಕೆಲವು ಅಪರೂಪದ ಘಟನೆಗಳನ್ನು ನೆನಪಿಸಿಕೊಂಡಿದ್ದಾರೆ. ಡಾ. ರಾಜ್ಕುಮಾರ್ ಕುಟುಂಬದಿಂದ ನಿರ್ಮಾಣವಾದ ಹಲವು ಸಿನಿಮಾಗಳಿಗೆ ಶ್ರೀದೇವಿ ಡಬ್ಬಿಂಗ್ ಮಾಡಿದ್ದರು. ರಾಘವೇಂದ್ರ ರಾಜ್ಕುಮಾರ್ ನಟನೆಯ ‘ಅನುಕೂಲಕ್ಕೊಬ್ಬ ಗಂಡ’ ಸಿನಿಮಾದಲ್ಲಿ ಅವರು ನಟಿಸಿದ್ದರು.
‘ಮನೆತನ ಎಂಬ ಜನಪ್ರಿಯ ಸೀರಿಯಲ್ನಲ್ಲಿ ನಾನು ನಟಿಸುತ್ತಿದ್ದೆ. ಅದರಲ್ಲಿ ಪಂಡರೀಬಾಯಿ, ಕಲ್ಯಾಣ್ ಕುಮಾರ್, ಪ್ರೊಫೆಸರ್ ದೊಡ್ಡ ರಂಗೇಗೌಡ ಮುಂತಾದವರು ನಟಿಸುತ್ತಿದ್ದರು. ಆಗ ಒಂದು ಕಾರ್ಯಕ್ರಮದಲ್ಲಿ ರಾಜ್ಕುಮಾರ್ ಅವರು ಸಿಕ್ಕಿದ್ದರು. ಚೆನ್ನಾಗಿದ್ದೀರಾ ಎಂದು ಮಾತನಾಡಿಸಿದಾಗ, ನಿಮ್ಮ ಸೀರಿಯಲ್ ನೋಡುತ್ತೇನೆ ಎಂದು ಅವರು ಹೇಳಿದರು. ಇಂಥ ದೊಡ್ಡ ಕಲಾವಿದರು ನಮ್ಮ ಧಾರಾವಾಹಿ ನೋಡುತ್ತಾರಾ ಅಂತ ಅಚ್ಚರಿಗೊಂಡು ಸಿಕ್ಕಾಪಟ್ಟೆ ಸಂತೋಷ ಆಯಿತು. ಅದು ನನಗೆ ಸಿಕ್ಕ ಬಹುದೊಡ್ಡ ಮೆಚ್ಚುಗೆ’ ಎಂದು ಶ್ರೀದೇವಿ ಅವರು ಆ ದಿನಗಳನ್ನು ಮೆಲುಕು ಹಾಕಿದ್ದಾರೆ.
ಇದನ್ನೂ ಓದಿ:
ಡಾ. ರಾಜ್ಕುಮಾರ್ ಜತೆ ದಿಲೀಪ್ ಕುಮಾರ್ಗೆ ಇದ್ದ ಒಡನಾಟ ಎಂಥದ್ದು? ಫೋಟೋ ಸಹಿತ ವಿವರಿಸಿದ ಪುನೀತ್
ಕಲಾವಿದ ರಚಿಸಿದ ಡಾ. ರಾಜ್ ಅವರ ಈ ಅದ್ಭುತ ಚಿತ್ರದಲ್ಲಿದೆ ಬೆರಗಾಗುವಂತಹ ವಿಶೇಷ; ಗುರುತಿಸಬಲ್ಲಿರಾ?
