‘ಕೃಷ್ಣಂ ಪ್ರಣಯ ಸಖಿ’ ಚಿತ್ರದಲ್ಲಿ ಡಿಲೀಟ್ ಆದ ಸೀನ್ ಬಗ್ಗೆ ವಿವರಿಸಿದ ಗಣೇಶ್; ಎಲ್ಲವೂ ಅಭಿಮಾನಿಗಳಿಗಾಗಿ
Updated on: Aug 20, 2024 | 7:32 PM
ಫ್ಯಾಮಿಲಿ ಪ್ರೇಕ್ಷಕರು ಗಣೇಶ್ ಅಭಿನಯದ ಸಿನಿಮಾಗಳನ್ನು ಹೆಚ್ಚು ಇಷ್ಟಪಡುತ್ತಾರೆ. ‘ಕೃಷ್ಣಂ ಪ್ರಣಯ ಸಖಿ’ ಸಿನಿಮಾದಲ್ಲಿ ಅದು ಮತ್ತೆ ಸಾಬೀತಾಗಿದೆ. ಈ ಸಿನಿಮಾದ ಸಕ್ಸಸ್ ಬಳಿಕ ಗಣೇಶ್ ಅವರು ಹಲವು ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ. ಸಿನಿಮಾದಲ್ಲಿ ಕಟ್ ಆದ ಒಂದು ದೃಶ್ಯದ ಬಗ್ಗೆಯೂ ಅವರು ವಿವರಿಸಿದ್ದಾರೆ. ಹಾಗೆ ಮಾಡಲು ಕಾರಣ ಏನು ಎಂಬುದಕ್ಕೂ ಗಣೇಶ್ ಉತ್ತರಿಸಿದ್ದಾರೆ.
‘ಗೋಲ್ಡನ್ ಸ್ಟಾರ್’ ಗಣೇಶ್ ನಟನೆಯ ‘ಕೃಷ್ಣಂ ಪ್ರಯಣ ಸಖಿ’ ಸಿನಿಮಾ ಸೂಪರ್ ಹಿಟ್ ಆಗಿದೆ. ಈ ಸಿನಿಮಾದಲ್ಲಿ ಮಾಳವಿಕಾ ನಾಯರ್, ರಂಗಾಯಣ ರಘು, ಶರಣ್ಯ ಶೆಟ್ಟಿ, ಸಾಧು ಕೋಕಿಲ ಮುಂತಾದವರು ನಟಿಸಿದ್ದಾರೆ. ವಿಶೇಷವಾಗಿ ಫ್ಯಾಮಿಲಿ ಪ್ರೇಕ್ಷಕರು ಈ ಚಿತ್ರವನ್ನು ಮೆಚ್ಚಿಕೊಂಡಿದ್ದಾರೆ. ಅಚ್ಚರಿ ಏನೆಂದರೆ, ಈ ಸಿನಿಮಾದ ಒಂದು ದೃಶ್ಯವನ್ನು ಬಿಡುಗಡೆಗೂ ಮುನ್ನವೇ ಡಿಲೀಟ್ ಮಾಡಲಾಯ್ತು. ಅನಾರೋಗ್ಯದಿಂದ ಆಸ್ಪತ್ರೆಯಲ್ಲಿ ಮಲಗಿದ ಹೀರೋನ ನೋಡಿ ಚಿತ್ರಮಂದಿರದಲ್ಲಿ ಗಣೇಶ್ ಅಭಿಮಾನಿಗಳು ಎಮೋಷನಲ್ ಆಗಿದ್ದಾರೆ. ‘ಆ ದೃಶ್ಯ ಇನ್ನೂ ದೀರ್ಘವಾಗಿತ್ತು. ಹೀರೋ ಕಣ್ಣೀರು ಹಾಕಬೇಕಿತ್ತು. ಆದರೆ ಅದನ್ನು ನಾವು ಕಟ್ ಮಾಡಿದ್ದೇವೆ. ಕೊರೊನಾ ಬಳಿಕ ಎಲ್ಲರೂ ನೋವಿನಲ್ಲಿ ಇದ್ದಾರೆ. ಹಾಗಾಗಿ ಚಿತ್ರಮಂದಿರದಲ್ಲೂ ಅಭಿಮಾನಿಗಳಿಗೆ ಮತ್ತೆ ದುಃಖ ತೋರಿಸೋದು ಬೇಡ. ಜನರಿಗೆ ಖುಷಿ ನೋಡೋಣ ಎಂಬುದು ನಮ್ಮ ಉದ್ದೇಶ ಆಗಿತ್ತು’ ಎಂದು ಗಣೇಶ್ ಹೇಳಿದ್ದಾರೆ. ಅಲ್ಲದೇ ತಮ್ಮ ಫಿಟ್ನೆಸ್ ಗುಟ್ಟು ಏನು ಎಂಬುದನ್ನು ಕೂಡ ಅವರು ವಿವರಿಸಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
