ಹಾಸನಾಂಬೆ ಸನ್ನಿಧಿಯಲ್ಲಿ ಧರ್ಮದರ್ಶನ ಸಾಲು ಖಾಲಿ ಖಾಲಿ! ಯಾಕೆ ಗೊತ್ತಾ?

ಹಾಸನ, ನವೆಂಬರ್ 04: ವಾರ್ಷಿಕ ಹಾಸನಾಂಬೆ ದರ್ಶನೋತ್ಸವದ ಆರನೇ ದಿನವಾದ ಇಂದು ಭಕ್ತರ ಸಂಖ್ಯೆಯಲ್ಲಿ ಗಣನೀಯ ಇಳಿಕೆ ಕಂಡುಬಂದಿದೆ. ನಿನ್ನೆ ಮಧ್ಯರಾತ್ರಿವರೆಗೂ ಲಕ್ಷಾಂತರ ಭಕ್ತರಿಂದ ತುಂಬಿದ್ದ ಸರತಿ ಸಾಲುಗಳು, ಇಂದು ಬೆಳಿಗ್ಗೆ ಸಂಪೂರ್ಣವಾಗಿ ಖಾಲಿಯಾಗಿವೆ. ಅದರಲ್ಲೂ ಧರ್ಮದರ್ಶನದ ಸರತಿ ಸಾಲಿನಲ್ಲಿ ಭಕ್ತರು ಕಡಿಮೆ ಇದ್ದು, ಅರ್ಧ ಗಂಟೆಯ ಅವಧಿಯಲ್ಲೇ ನೇರವಾಗಿ ಗರ್ಭಗುಡಿ ತಲುಪಿ ದರ್ಶನ ಪಡೆಯಲು ಅವಕಾಶ ಸಿಗುತ್ತಿದೆ.

ವಾರದ ದಿನವಾದ ಬುಧವಾರದ ಕಾರಣ ಹಾಗೂ ಮುಂಬರುವ ರಜಾದಿನಗಳಿಗೆ ಪೂರ್ವಭಾವಿಯಾಗಿ ಭಕ್ತರ ಸಂಖ್ಯೆ ಕಡಿಮೆಯಾಗಿರುವ ಸಾಧ್ಯತೆಯಿದೆ. ಬೆಳಿಗ್ಗೆ 6 ಗಂಟೆಯಿಂದಲೇ ದರ್ಶನ ಆರಂಭವಾಗಿದ್ದು, 1000 ಮತ್ತು 300 ರೂಪಾಯಿಗಳ ವಿಶೇಷ ದರ್ಶನದ ಸಾಲುಗಳು ಕೂಡ ಖಾಲಿಯಾಗಿವೆ. ಇದು ಸ್ಥಳೀಯ ಭಕ್ತರಿಗೆ ಮತ್ತು ಬೆಳಿಗ್ಗೆ ಬಂದ ಭಕ್ತರಿಗೆ ಹಾಸನಾಂಬೆಯ ಸುಲಭ ದರ್ಶನ ಪಡೆಯಲು ಅನುಕೂಲವಾಗಿದೆ. ಭಕ್ತರು ಸರತಿ ಸಾಲಿನಲ್ಲಿ ಕಾಯುವ ಬದಲು ವೇಗವಾಗಿ ದರ್ಶನ ಮುಗಿಸಿ ಪುನೀತರಾಗುತ್ತಿದ್ದಾರೆ. ಇನ್ನುಳಿದ ಐದಾರು ದಿನಗಳಲ್ಲಿ ಮತ್ತೆ ಭಕ್ತರ ಸಂಖ್ಯೆ ಹೆಚ್ಚಾಗುವ ನಿರೀಕ್ಷೆಯಿದೆ.

ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ