Assembly Session: ಮಂತ್ರಿಗಳು, ವಿರೋಧ ಪಕ್ಷಗಳ ಶಾಸಕರು ತಮ್ಮ ತಮ್ಮ ಕೆಲಸಗಳಲ್ಲಿ ಬ್ಯೂಸಿ, ಸದನ ಖಾಲಿ ಖಾಲಿ!

ಬೆಂಗಳೂರು: ಅಡಳಿಯ ಪಕ್ಷದ ಸದಸ್ಯರು ತಮ್ಮ ದೆಹಲಿ ನಾಯಕರೊಂದಿಗೆ ಬ್ಯೂಸಿಯಾಗಿದ್ದರೆ, ಅವರೇ ಇಲ್ಲದೆ ಮೇಲೆ ನಮ್ಮದೇನು ಕೆಲಸ ಅಂತ ವಿರೋಧ ಪಕ್ಷದ ನಾಯಕರು ವಿಧಾನ ಸಭಾ ಅಧಿವೇಶನಕ್ಕೆ ಚಕ್ಕರ್ ಹೊಡೆದರು, ಹಾಗಾಗಿ ಸದನವಿಂದು ಖಾಲಿ ಖಾಲಿ! ಕಾನೂನು ಮತ್ತು ಸಂಸದೀಯ ವ್ಯವಹಾರಗಳ ಸಚಿವ ಹೆಚ್ ಕೆ ಪಾಟೀಲ್ (HK Patil) 2023ರ ಸಾಲಿನ ಸಿವಿಲ್ ಪ್ರಕ್ರಿಯಾ ಸಂಹಿತೆ (Code of Civil Procedure) ಕರ್ನಾಟಕ ತಿದ್ದುಪಡಿ ವಿಧೇಯಕ ಮಂಡಿಸಿದ ಬಳಿಕ ಸ್ಪೀಕರ್ ಯುಟಿ ಖಾದರ್ (UT Khader) ಅದನ್ನು ಮತಕ್ಕೆ ಹಾಕುತ್ತಾರೆ. ಆಗ ’ಹೌದು’ ಅಂತ ಏಳೆಂಟು ಸ್ವರಗಳು ಮಾತ್ರ ಕೇಳಿಸುತ್ತವೆ. ‘ಇಲ್ಲ’ ಅಂತ ಒಂದೇ ಒಂದು ಧ್ವನಿ ಕೇಳಿಸುವುದಿಲ್ಲ. ಅದರರ್ಥ ನಿಮಗೆ ಆಗಿರಬಹುದು. ವಿರೋಧ ವ್ಯಕ್ತಪಡಿಸಬಹುದಾಗಿದ್ದ ವಿರೋಧ ಪಕ್ಷದ ಆಸನಗಳಲ್ಲಿ ಒಂದಿಬ್ಬರು ಮಾತ್ರ ಕಂಡರು. ಹೊಸ ವಿಧಾನ ಸಭೆಯ ಮೊದಲ ಅಧಿವೇಶನವೇ ಹೀಗಾದರೆ ಮುಂದೆ ಹೇಗೆ ಮಾರಾಯ್ರೇ?

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ