ಸಾಧನಾ ಸಮಾವೇಶದಲ್ಲಿ ಕುರ್ಚಿಗಳ ಮೇಲಿದ್ದ ಸಿದ್ದರಾಮಯ್ಯನವರ ಫೋಟೋಗಳನ್ನು ತೆಗೆಸಿದ್ದು ಯಾಕೆ?

ಮೈಸೂರು, ಜುಲೈ 19: ಪ್ರಚಾರದ ಗೀಳಿಗೆ ಒಂದು ಮಿತಿ ಬೇಡ್ವಾ ಸ್ವಾಮಿ ಅಂತ ಟಿವಿ9 ಬೆಳಗ್ಗೆ ಕೇಳಿದ್ದು ಕೆಲಸ ಮಾಡಿದಂತಿದೆ. ತವರು ಜಿಲ್ಲೆ ಮೈಸೂರಲ್ಲೇ ತನ್ನ ಜನಪ್ರಿಯತೆ ಕುಗ್ಗಿದೆ ಅಂತ ಅನುಮಾನಕ್ಕೆ ಸಿಲುಕಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು, ಅದನ್ನು ಪುನರ್​​ಸ್ಥಾಪಿಸುವ ಭಾಗವಾಗಿ ಸಾಧನಾ ಸಮಾವೇಶಕ್ಕೆಂದು (Sadhana Samavesha) ಮೈಸೂರಿನ ಮಹಾರಾಜ ಕಾಲೇಜು ಮೈದಾನದಲ್ಲಿ ವ್ಯವಸ್ಥೆಗೊಳಿಸಿದ ಕುರ್ಚಿಗಳ ಮೇಲೆ ತಮ್ಮ ಭಾವಚಿತ್ರವನ್ನು ಇರಿಸುವ ಸೂಚನೆ ನೀಡಿದ್ದರು. ಅವುಗಳನ್ನು ಈಗ ತೆಗೆಯುತ್ತಿರುವ ದೃಶ್ಯವನ್ನು ಇಲ್ಲಿ ನೋಡಬಹುದು. ಈ ಕ್ರಮ ಹೇಗೆ ಜನಪ್ರಿಯತೆ ಹೆಚ್ಚಿಸಲು ಕಾರಣವಾಗುತ್ತದೆ ಅಂತ ಸಿದ್ದರಾಮಯ್ಯನವರೇ ಹೇಳಬೇಕು. ಕಾರ್ಯಕ್ರಮವನ್ನು ಸರ್ಕಾರದ ಸಾಧನಾ ಸಮಾವೇಶ ಅಂತ ಭಾವಿಸಲಾಗಿತ್ತು. ಆದರೆ ನಡೆಯುತ್ತಿರೋದೇ ಬೇರೆ, ಅಥವಾ ಸರ್ಕಾರವೆಂದರೆ ಸಿದ್ದರಾಮಯ್ಯ ಮಾತ್ರ ಅಂತಲೂ ಇರಬಹುದು ಮಾರಾಯ್ರೇ!

ಇದನ್ನೂ ಓದಿ:  ಒಡಂಬಡಿಕೆಯಾಗಿದ್ದರೆ ಸಿದ್ದರಾಮಯ್ಯನವರು ಶಿವಕುಮಾರ್​ಗೆ ಅಧಿಕಾರ ಬಿಟ್ಟುಕೊಡಬೇಕು: ಶ್ರೀಶೈಲ ಜಗದ್ಗುರುಗಳು

ವಿಡಿಯೋ ಸುದ್ದಿಗಳಿಗಾಗಿ ಕ್ಲಿಕ್ ಮಾಡಿ