ಅದು ಶಾಂಪೇನ್ ಅಲ್ಲವೇ ಅಲ್ಲ; ರಕ್ಷಿತಾ ಪ್ರೇಮ್
Updated on:Nov 13, 2021 | 6:05 PM
‘ಅದು ನಿಜವಾಗಲೂ ಶಾಂಪೇನ್ ಬಾಟಲಿ ಆಗಿರಲಿಲ್ಲ. ಅದು ನಾನ್ ಆಲ್ಕೋಹಾಲಿಕ್ ಬಾಟಲಿ. ತಪ್ಪಾಗಿ ಸಂದೇಶ ಹೋಗಿದೆ. ಪುನೀತ್ ಅಭಿಮಾನಿಗಳಿಗೆ ನೋವಾಗಿದೆ. ಆ ಬಗ್ಗೆ ನಾವು ಕ್ಷಮೆ ಕೇಳುತ್ತೇವೆ’ ಎಂದಿದ್ದಾರೆ ರಕ್ಷಿತಾ.
ರಕ್ಷಿತಾ ಪ್ರೇಮ್ ಸಹೋದರ ರಾಣ ಅವರು ‘ಏಕ್ ಲವ್ ಯಾ’ ಚಿತ್ರದ ಮೂಲಕ ಸ್ಯಾಂಡಲ್ವುಡ್ಗೆ ಕಾಲಿಡುತ್ತಿದ್ದಾರೆ. ಇದು ಅವರ ಮೊದಲ ಸಿನಿಮಾ ಆದ್ದರಿಂದ ಹೆಚ್ಚಿನ ನಿರೀಕ್ಷೆ ಇದೆ. ಪ್ರೇಮ್ ಅವರು ‘ಏಕ್ ಲವ್ ಯಾ’ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ನವೆಂಬರ್ 12ರಂದು ಈ ಚಿತ್ರದ ಸುದ್ದಿಗೋಷ್ಠಿ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಎಡವಟ್ಟೊಂದು ಸಂಭವಿಸಿತ್ತು. ವೇದಿಕೆಯಲ್ಲಿ ಪುನೀತ್ ಫೋಟೋ ಇರಿಸಿ ನಮನ ಸಲ್ಲಿಸಲಾಗಿತ್ತು. ಬಳಿಕ ಹಾಡು ಬಿಡುಗಡೆ ಮಾಡುವಾಗ ಬಾಟಲ್ ಒಂದು ಓಪನ್ ಮಾಡಲಾಗಿತ್ತು. ಇದು ಶಾಂಪೇನ್ ಬಾಟಲಿ ಏಂದೇ ಹೇಳಲಾಗಿತ್ತು. ಆ ಬಗ್ಗೆ ರಕ್ಷಿತಾ ಪ್ರೇಮ್ ಟಿವಿ9 ಕನ್ನಡಕ್ಕೆ ಪ್ರತಿಕ್ರಿಯೆ ನೀಡಿದ್ದು, ಪುನೀತ್ ಅಭಿಮಾನಿಗಳಲ್ಲಿ ಕ್ಷಮೆ ಕೇಳಿದ್ದಾರೆ. ಜತೆಗೆ ಅದು ಶಾಂಪೇನ್ ಬಾಟಲಿ ಆಗಿರಲಿಲ್ಲ ಎಂದಿದ್ದಾರೆ.
‘ಅದು ನಿಜವಾಗಲೂ ಶಾಂಪೇನ್ ಬಾಟಲಿ ಆಗಿರಲಿಲ್ಲ. ಅದು ನಾನ್ ಆಲ್ಕೋಹಾಲಿಕ್ ಬಾಟಲಿ. ತಪ್ಪಾಗಿ ಸಂದೇಶ ಹೋಗಿದೆ. ಪುನೀತ್ ಅಭಿಮಾನಿಗಳಿಗೆ ನೋವಾಗಿದೆ. ಆ ಬಗ್ಗೆ ನಾವು ಕ್ಷಮೆ ಕೇಳುತ್ತೇವೆ’ ಎಂದಿದ್ದಾರೆ ರಕ್ಷಿತಾ.
ಇದನ್ನೂ ಓದಿ: ‘ಅಪ್ಪುಗೆ ಅವಮಾನ ಮಾಡಲು ಯಾರಿಂದಲೂ ಸಾಧ್ಯವಿಲ್ಲ’: ಶಾಂಪೇನ್ ಅಚಾತುರ್ಯಕ್ಕೆ ರಕ್ಷಿತಾ ಪ್ರೇಮ್ ಕ್ಷಮೆ
