‘ಲವ್​ ಮಾಕ್ಟೇಲ್’​ ನೋಡುವಂತೆ ರವಿ ಡಿ. ಚನ್ನಣ್ಣನವರ್​ಗೆ​ ಪತ್ನಿಯ ಒತ್ತಾಯ; ದಕ್ಷ ಅಧಿಕಾರಿಗೆ ಸಿನಿಮಾ ಇಷ್ಟ ಆಯ್ತಾ?

ನಟ ಡಾರ್ಲಿಂಗ್​ ಕೃಷ್ಣ ಅವರ ಹೊಸ ಸಿನಿಮಾ ‘ದಿಲ್​ ಪಸಂದ್​’ ಶೀರ್ಷಿಕೆ ಅನಾವರಣ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ರವಿ ಡಿ. ಚನ್ನಣ್ಣನವರ್​ ಆಗಮಿಸಿದ್ದರು. ಆ ವೇದಿಕೆಯಲ್ಲಿ ಅನೇಕ ವಿಚಾರಗಳನ್ನು ಅವರು ಹಂಚಿಕೊಂಡರು. ತಾವು ಈ ಕಾರ್ಯಕ್ರಮಕ್ಕೆ ಬರಲು ಡಾರ್ಲಿಂಗ್​ ಕೃಷ್ಣ ಕೂಡ ಪ್ರಮುಖ ಕಾರಣ ಎಂಬುದನ್ನು ಅವರು ತಿಳಿಸಿದರು. ‘ಲವ್​ ಮಾಕ್ಟೇಲ್​’ ಸಿನಿಮಾವನ್ನು ಅವರ ಇಡೀ ಫ್ಯಾಮಿಲಿ ಮೆಚ್ಚಿಕೊಂಡಿದೆ. ಆ ಬಗ್ಗೆ ರವಿ ಡಿ. ಚನ್ನಣ್ಣನವರ್​ ವಿವರಿಸಿದರು.

‘ಶಾಲೆ, ಕಾಲೇಜು, ಮಠ ಮುಂತಾದ ಕಡೆಗಳಲ್ಲಿ ಮಾತನಾಡಿ ನನಗೆ ಅಭ್ಯಾಸ. ನನ್ನ 13 ವರ್ಷದ ಸೇವಾವಧಿಯಲ್ಲಿ ಇದೇ ಮೊದಲ ಬಾರಿಗೆ ಇಂಥ ಕಾರ್ಯಕ್ರಮಕ್ಕೆ ಬಂದಿದ್ದೇನೆ. ಅದಕ್ಕೆ ಎರಡು ಕಾರಣ. ನಿರ್ಮಾಪಕ ಸುಮಂತ್​ ಕ್ರಾಂತಿ ನನ್ನ ಸ್ನೇಹಿತ ಎಂಬುದು ಒಂದು ಕಾರಣ. ಎರಡನೇ ಕಾರಣ ಡಾರ್ಲಿಂಗ್​ ಕೃಷ್ಣ. ಅವರು ನಟಿಸಿದ ‘ಲವ್​ ಮಾಕ್ಟೇಲ್​’ ಚಿತ್ರವನ್ನು ನನ್ನ ಹೆಂಡತಿ ಒತ್ತಾಯದ ಮೇರೆಗೆ ನೋಡಿದೆ. ಮಿಲನಾ ನಾಗರಾಜ್​ ಮತ್ತು ಕೃಷ್ಣ ಅವರು ಕಷ್ಟಪಟ್ಟು ಆ ಸಿನಿಮಾ ಮಾಡಿದ್ದಾರೆ’ ಎಂದು ರವಿ ಡಿ. ಚನ್ನಣ್ಣನವರ್​ ಮನಸಾರೆ ಹೊಗಳಿದರು.

ಇದನ್ನೂ ಓದಿ:

ಸಿನಿಮಾ ಬ್ಲಾಕ್​ ಟಿಕೆಟ್​ ಮಾರುತ್ತಿದ್ದ ರವಿ ಡಿ. ಚನ್ನಣ್ಣನವರ್​: ‘ದಿಲ್​ ಪಸಂದ್​’ ವೇದಿಕೆಯಲ್ಲಿ ಅಚ್ಚರಿ ವಿಚಾರ ಬಹಿರಂಗ

ಮದುವೆ ಬಳಿಕ ಹೇಗಿದೆ ಮಿಲನಾ-ಡಾರ್ಲಿಂಗ್​ ಕೃಷ್ಣ ದಂಪತಿಯ ಸಿನಿಮಾ ಜರ್ನಿ ಮತ್ತು ಜೀವನ?