ನಿರ್ಮಾಪಕ ರಾಕ್​ಲೈನ್​ ವೆಂಕಟೇಶ್​ಗೆ ಪ್ರೀತಿಯಿಂದ ತಾತ ಎಂದು ಕರೆಯುವ ದರ್ಶನ್​

ನಿರ್ಮಾಪಕ ರಾಕ್​ಲೈನ್​ ವೆಂಕಟೇಶ್​ ಅವರು ‘ಕಾಟೇರ’ (Kaatera) ಸಿನಿಮಾಗೆ ಬಂಡವಾಳ ಹೂಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ದರ್ಶನ್​ ಮತ್ತು ಆರಾಧನಾ ಅವರು ಜೋಡಿಯಾಗಿ ನಟಿಸುತ್ತಿದ್ದಾರೆ. ಈ ಚಿತ್ರದ ನೂರನೇ ದಿನದ ಚಿತ್ರೀಕರಣದ ವೇಳೆ ಸುದ್ದಿಗೋಷ್ಠಿ ನಡೆಸಲಾಯಿತು. ಈ ವೇಳೆ ಕೆಲವು ಇಂಟರೆಸ್ಟಿಂಗ್​ ವಿಚಾರಗಳ ಬಗ್ಗೆ ರಾಕ್​ಲೈನ್​ ವೆಂಕಟೇಶ್​ ಮಾತನಾಡಿದರು. ಅಚ್ಚರಿ ಏನೆಂದರೆ, ರಾಕ್​ಲೈನ್​ ವೆಂಕಟೇಶ್​ ಅವರನ್ನು ದರ್ಶನ್​ (Darshan) ಅವರು ತಾತಾ ಎಂದು ಕರೆಯುತ್ತಾರೆ. ಇಬ್ಬರ ನಡುವೆ ಅಷ್ಟು ಆತ್ಮೀಯತೆ ಇದೆ. ‘ದರ್ಶನ್​ ಅವರು ನನ್ನನ್ನು ತಾತ ಅಂತ ಕರೆಯುತ್ತಾರೆ. ನಾನು ಅವರನ್ನು ಮೊಮ್ಮಗನೇ ಎಂದು ಕರೆಯುತ್ತೇನೆ. ಅವರೇ ಈ ಕಥೆಯನ್ನು ಕೇಳುವಂತೆ ನನಗೆ ಹೇಳಿದರು. ಆಗ ತರುಣ್​ ಸುಧೀರ್​ ಬಂದು ಕಥೆ ಹೇಳಿದರು. ಅದು ನನಗೆ ಬಹಳ ಇಷ್ಟ ಆಯ್ತು’ ಎಂದು ರಾಕ್​ಲೈನ್​ ವೆಂಕಟೇಶ್​ (Rockline Venkatesh) ಹೇಳಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.