ಆರ್ಯನ್​ ಜಾಮೀನಿಗಾಗಿ ಕೋರ್ಟ್​ಗೆ ಅಲೆದಾಡುವ, ಅದು ಸಿಗದೆ ಹೋದಾಗ ಭಾವುಕಳಾಗಿ ಅತ್ತುಬಿಡುವ ಆ ಮಹಿಳೆ ಯಾರು ಗೊತ್ತಾ?

ಆ ದೃಶ್ಯವನ್ನು ನೀವು ಸಹ ಟಿವಿಗಳಲ್ಲಿ ನೋಡಿರುವ ಸಾಧ್ಯತೆಯಿದೆ. ಅಕ್ಟೋಬರ್​ 8 ರಂದು ಬಾಲಿವುಡ್​ ನಟ ಶಾರುಖ್​ ಖಾನ್​ ಅವರ ಮಗ ಆರ್ಯನ್ ಖಾನ್ ಜಾಮೀನು ತಿರಸ್ಕೃತಗೊಂಡ ಕೂಡಲೇ ಕೋರ್ಟ್​​ ಆವರಣದಲ್ಲಿ ಒಬ್ಬ ಮಹಿಳೆ ಭಾವುಕರಾಗಿ ಕಣ್ಣೀರು ಸುರಿಸುತ್ತಿದ್ದರು. ಅವರು ಯಾರು ಅನ್ನೋದು ಬಹಳಷ್ಟು ಜನಕ್ಕೆ ಗೊತ್ತಿಲ್ಲ. ಕುಟುಂಬದ ಸದಸ್ಯರು ಆರ್ಯನ್ ನನ್ನು ಭೇಟಿಮಾಡಲು ಕೋರ್ಟ್​​ ಅನುಮತಿ ನಿರಾಕರಿಸಿದೆ. ಆದರೆ, ಆರ್ಯನ್ ಪರ ವಾದಿಸುತ್ತಿರುವ ವಕೀಲ ಸತೀಶ್​​ ಮನೆಸಿಂಧೆ ಅವರು ಆ ಮಹಿಳೆಗೆ ಆರ್ಯನ್​​ ನನ್ನು ಭೇಟಿಯಾಗಲು ಅನುಮತಿ ನೀಡುವಂತೆ ಕೋರ್ಟ್​ ಅನ್ನು ಕೋರಿದ್ದರು.

ಓಕೆ, ಅ ಮಹಿಳೆ ಯಾರೆಂದು ಈಗ ಗೊತ್ತಾಗಿದೆ. ಅವರ ಹೆಸರು ಪೂಜಾ ದದ್ಲಾನಿ, 2012 ರಿಂದ ಶಾರುಖ್ ಅವರ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಪೂಜಾ, ಖಾನ್​ ಕುಟುಂಬ್ ಜೊತೆ ನಿಕಟ ಬಾಂಧವ್ಯ ಹೊಂದಿದ್ದಾರೆ, ಅವರ ಇನ್​ಸ್ಟಾಗ್ರಾಮ್ ಫೋಸ್ಟ್​​​ಗಳನ್ನು ನೋಡಿದರೆ ಅದು ವೇದ್ಯವಾಗುತ್ತದೆ. ಶಾರುಖ್​ ಕುಟುಂಬದಲ್ಲಿ ತಾನೂ ಒಬ್ಬ ಸದಸ್ಯೆ ಎಂದು ಪೂಜಾ ಹೇಳಿಕೊಂಡಿದ್ದಾರೆ.

ನಮಗೆ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ, ಪೂಜಾ ಅವರು ಖಾನ್ ಪತ್ನಿ ಗೌರಿ ಖಾನ್​ ಮತ್ತು ಅವರ ಮಕ್ಕಳು-ಆರ್ಯನ್​, ಸುಹಾನಾ ಖಾನ್​ ಮತ್ತು ಅಬ್ರಾಮ್​ ರೊಂದಿಗೆ ಅತ್ಯಂತ ಆತ್ಮೀಯ ಸಂಬಂಧ ಹೊಂದಿದ್ದಾರೆ. ಆವರೊಂದಿಗಿನ ಫೋಟೋಗಳನ್ನು ಪೂಜಾ ಆಗಾಗ ಶೇರ್​ ಮಾಡುತ್ತಿರುತ್ತಾರೆ.

ಆರ್ಯನ್​​ನನ್ನು ಮಾದಕ ವಸ್ತು ನಿಯಂತ್ರಣ ಬ್ಯೂರೋ (ಎನ್​ ಸಿ ಬಿ) ಅಕ್ಟೋಬರ್ ಮೂರನೇ ತಾರೀಕಿನಂದು ಅರಸ್ಟ್​ ಮಾಡಿದ ಬಳಿಕ ಪೂಜಾ ಅನೇಕ ಸಲ ಎನ್​ ಸಿ ಬಿ ಕಚೇರಿ ಬಳಿ ಕಾಣಿಸಿಕೊಂಡಿದ್ದಾರೆ. ಅಕ್ಟೋಬರ್ಮ 13 ರಂದು ನಡೆದ ಆರ್ಯನ್ ಜಾಮೀನು ವಿಚಾರಣೆ ಸಂದರ್ಭದಲ್ಲೂ ಪೂಜಾ ಕೋರ್ಟಿನಲ್ಲಿ ಹಾಜರಿದ್ದರು.

ಅಂದಹಾಗೆ, 38 ವರ್ಷ ವಯಸ್ಸಿನ ಪೂಜಾಗೆ ಮದುವೆಯಾಗಿದ್ದು ಅವರ ಪತಿ ಹಿತೇಶ್ ಗುರ್ನಾನಿ ಲಿಸ್ಟಾ ಜೆವೆಲ್ಸ್ ಹೆಸರಿನ ಸಂಸ್ಥೆಯಲ್ಲಿ ಡೈರೆಕ್ಟರ್​ ಆಗಿ ಕೆಲಸ ಮಾಡುತ್ತಾರೆ. ದಂಪತಿಗೆ ಒಬ್ಬ ಮಗಳಿದ್ದಾಳೆ.

ಇದನ್ನೂ ಓದಿ:  Viral Video: ಸುಮಧುರ ಕಂಠದಲ್ಲಿ ಹಾಡು ಹೇಳಿ ರೋಗಿಗೆ ಧೈರ್ಯ ತುಂಬಿದ ನರ್ಸ್​; ನೆಟ್ಟಿಗರೆಲ್ಲಾ ಭಾವುಕರಾದ ವಿಡಿಯೋವಿದು