Davanagere: ಟೋಲ್ ಪ್ಲಾಜಾಗಳಲ್ಲಿ ರಾತ್ರೋರಾತ್ರಿ ಶೇಕಡ 100 ರಷ್ಟು ಶುಲ್ಕ ಹೆಚ್ಳಳ, ಕಂಗಾಲಾದ ವಾಹನ ಸವಾರರು!

ದಾವಣಗೆರೆ: ಟೋಲ್ ಪ್ಲಾಜಾಗಳ (toll plaza) ಗುತ್ತಿಗೆ ಪಡೆಯುವ ಜನಕ್ಕೆ ಹೇಳೋರು ಕೇಳೋರು ಯಾರೂ ಇಲ್ಲವೇ ಎಂಬ ಬಲವಾದ ಶಂಕೆ ವಾಹನ ಸವಾರರಲ್ಲಿ ಹುಟ್ಟಿಕೊಂಡಿದೆ. ನಿಮಗಿಲ್ಲಿ ಕಾಣುತ್ತಿರೋದು ದಾವಣಗೆರೆ (Davanagere) ಜಿಲ್ಲೆಯಲ್ಲಿರುವ ಹೆಬ್ಬಾಳು ಟೋಲ್ ಪ್ಲಾಜಾ. ಕಳೆದ ರಾತ್ರಿ ರೂ. 60 ರಷ್ಟಿದ್ದ ಟೋಲ್ ಶುಲ್ಕ ಇಂದು ಬೆಳಗ್ಗೆ ರೂ. 120 ಆಗಿದೆ ಅಂದರೆ ಶೇಕಡಾ 100 ರಷ್ಟು ಹೆಚ್ಚಳ! ಹಾವೇರಿಯ (Haveri) ಜಿಲ್ಲೆಯಲ್ಲಿರುವ ಎರಡು-ಮೂರು ಟೋಲ್ ಪ್ಲಾಜಾಗಳಲ್ಲೂ ಟೋಲ್ ಶುಲ್ಕವನ್ನು ಶೇಕಡಾ 100 ರಷ್ಟು ಹೆಚ್ಚಿಸಲಾಗಿದೆ. ತಕರಾರು ಎತ್ತಿದ ವಾಹನ ಸವಾರರಿಗೆ ಟೋಲ್ ಸಿಬ್ಬಂದಿಯಿಂದ ಹೆದ್ದಾರಿ ಪ್ರಾಧಿಕಾರದ (NHAI) ಸೂಚನೆ ಮೇರೆಗೆ ಹೆಚ್ಚಿಸಲಾಗಿದೆ ಎಂಬ ಜವಾಬು ಸಿಗುತ್ತಿದೆ. ವಾಹನ ಚಾಲಕರು ಈ ದಿಢೀರ್ ಹೆಚ್ಚಳದಿಂದ ಕಂಗಾಲಾಗುತ್ತಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ