ಉಕ್ರೇನ್ನಲ್ಲಿ ರಷ್ಯಾ ಆಕ್ರಮಣದ ಪ್ರಭಾವ; ಸಾವಿರಾರು ಗ್ರಾಹಕರಿಗೆ ಸಿಗುತ್ತಿಲ್ಲ ಗ್ಯಾಸ್, 16 ಪೂರೈಕೆ ಕೇಂದ್ರಗಳು ಬಂದ್
ರಷ್ಯಾ ಆಕ್ರಮಣದಿಂದಾಗಿ ಪ್ರಾದೇಶಿಕ ಗ್ಯಾಸ್ ಕಂಪನಿಗಳ ಪ್ರಾದೇಶಿಕ ಆಪರೇಟರ್ ನೆಟ್ವರ್ಕ್ಗೆ ಹಾನಿಯುಂಟಾಗಿದೆ. ಅಷ್ಟೇ ಅಲ್ಲ, ಇನ್ನೂ ಸಹ ಮಿಲಿಟರಿ ಕಾರ್ಯಾಚರಣೆಗಳು ನಡೆಯುತ್ತಲೇ ಇದೆ.
Updated on: Mar 06, 2022 | 3:14 PM
ರಷ್ಯಾ ಮಿಲಿಟರಿ ಉಕ್ರೇನ್ಗೆ ಕಾಲಿಟ್ಟು 10ದಿನಗಳೇ ಕಳೆದು ಹೋಗಿವೆ. ಅಲ್ಲಿರುವ ಪ್ರಜೆಗಳ ಕಷ್ಟ, ಸಂಕಟ ಮಿತಿಮೀರಿದೆ. ಈ ಮಧ್ಯೆ ಉಕ್ರೇನ್ ಸುಮಾರು 6 ಪ್ರದೇಶಗಳಲ್ಲಿ ಜನರಿಗೆ ಗ್ಯಾಸ್ ಪೂರೈಕೆ ಇಲ್ಲದಂತಾಗಿದೆ. ಯುದ್ದ ತೀವ್ರತೆ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ಉಕ್ರೇನ್ನ ಖಾರ್ಕೀವ್, ಕೀವ್, ಮೈಕೊಲೈವ್, ಡೊನೆಟ್ಸ್ಕ್, ಲುಹಾನ್ಸ್ಕ್ ಮತ್ತು ಝಪೊರಿಜಿಯಾ ಪ್ರದೇಶಗಳ ಒಟ್ಟು 16 ಗ್ಯಾಸ್ ವಿತರಣಾ ಕೇಂದ್ರಗಳನ್ನು ಮುಚ್ಚಲಾಗುವುದು. ಹೀಗಾಗಿ ಜನರಿಗೆ ಅನಿಲ ಪೂರೈಕೆ ಮಾಡಲು ಸಾಧ್ಯವಿಲ್ಲ ಎಂದು ಉಕ್ರೇನ್ನ ಗ್ಯಾಸ್ ಪ್ರಸರಣ ವ್ಯವಸ್ಥೆಯ ಆಪರೇಟರ್ ಘೋಷಿಸಿದೆ. ರಷ್ಯಾ ನಡೆಸುತ್ತಿರುವ ಯುದ್ಧದಿಂದಾಗಿ ಈಗ ಅನೇಕರಿಗೆ ಗ್ಯಾಸ್ ಸೌಲಭ್ಯ ಸಿಗದಂತಾಗಿದೆ ಎಂದು ಕೀವ್ ಇಂಡಿಪೆಂಡೆಂಟ್ ಮಾಧ್ಯಮ ವರದಿ ಮಾಡಿದೆ.
ರಷ್ಯಾ ಆಕ್ರಮಣದಿಂದಾಗಿ ಪ್ರಾದೇಶಿಕ ಗ್ಯಾಸ್ ಕಂಪನಿಗಳ ಪ್ರಾದೇಶಿಕ ಆಪರೇಟರ್ ನೆಟ್ವರ್ಕ್ಗೆ ಹಾನಿಯುಂಟಾಗಿದೆ. ಅಷ್ಟೇ ಅಲ್ಲ, ಇನ್ನೂ ಸಹ ಮಿಲಿಟರಿ ಕಾರ್ಯಾಚರಣೆಗಳು ನಡೆಯುತ್ತಲೇ ಇರುವುದರಿಂದ ಅನೇಕ ಅನಿಲ ಪೂರೈಕೆ ಕೇಂದ್ರಗಳಿಂದ ಮತ್ತೊಮ್ಮೆ ಪೂರೈಕೆ ಶುರು ಮಾಡುವುದು ಅಸಾಧ್ಯ ಎಂದೂ ಹೇಳಲಾಗಿದೆ. ಹಾಗೇ, ಪೋಲ್ಯಾಂಡ್ನಿಂದ ಗ್ಯಾಸ್ ಆಮದು ಮಾಡಿಕೊಳ್ಳುವ ಸಂಬಂಧ ಅಲ್ಲಿ ಗ್ಯಾಸ್ ಆಪರೇಟರ್ ವ್ಯವಸ್ಥೆಯೊಂದಿಗೆ ಮಾತುಕತೆ ನಡೆಸಲಾಗಿದೆ ಎಂದೂ ಕೀವ್ ಇಂಡಿಪೆಂಡೆಂಟ್ ವರದಿ ಮಾಡಿದೆ.
ಯುದ್ಧಕ್ಕೂ ಮೊದಲು ನಿಮ್ಮೊಂದಿಗೆ ನಾವಿದ್ದೇವೆ ಎಂದು ಹೇಳಿಕೊಂಡು ಬಂದಿದದ ನ್ಯಾಟೋ ಇದೀಗ ಉಕ್ರೇನ್ಗೆ ಸಹಕಾರ ಕೊಡಲು ನಿರಾಕರಿಸುತ್ತಿದೆ. ಅದರಲ್ಲೂ ಉಕ್ರೇನ್ನ ವಾಯುಪ್ರದೇಶವನ್ನು ವಿಮಾನ ಹಾರಾಟ ನಿಷೇಧಿತ ವಲಯ ಎಂದು ಪರಿಗಣಿಸಬೇಕು ಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ನ್ಯಾಟೊಕ್ಕೆ ಮನವಿ ಮಾಡಿದ್ದರು. ಆದರೆ ನ್ಯಾಟೋ ಅದನ್ನು ತಿರಸ್ಕರಿಸಿತ್ತು. ನಾವೇನೂ ಮಾಡಲು ಸಾಧ್ಯವಿಲ್ಲ. ಉಕ್ರೇನ್ ವಾಯುಪ್ರದೇಶವನ್ನು ನೋ ಫ್ಲೈ ಝೋನ್ ಎಂದು ಘೋಷಣೆ ಮಾಡಿದರೆ, ಪೂರ್ವ ಯುರೋಪ್ನಾದ್ಯಂತ ಯುದ್ಧ ಸೃಷ್ಟಿಯಾಗುತ್ತದೆ ಎಂದು ಹೇಳಿದೆ. ಹೀಗಾಗಿ ಝೆಲೆನ್ಸ್ಕಿ ನ್ಯಾಟೋವನ್ನು ಕಟುವಾಗಿ ಟೀಕಿಸಿದ್ದಾರೆ.
ಇದನ್ನೂ ಓದಿ: ‘ನಾನು ಶೂಟ್ ಮಾಡಿದ ಸ್ಥಳಗಳಲ್ಲಿ ಈಗ ಬಾಂಬ್ ಸಿಡಿಯುತ್ತಿದೆ’; ಬಾಲಿವುಡ್ ನಿರ್ದೇಶಕನ ಬೇಸರ
