ಡೊನಾಲ್ಡ್ ಟ್ರಂಪ್ ವಿರುದ್ಧ ನೀಲಿಚಿತ್ರ ತಾರೆಯರಿಂದ ‘ಹ್ಯಾಂಡ್ಸ್ ಆಫ್ ಮೈ ಪೋರ್ನ್’ ಅಭಿಯಾನ ಆರಂಭ

ಲಾಸ್ ಏಂಜಲೀಸ್: ಡೊನಾಲ್ಡ್ ಟ್ರಂಪ್ ಪುನರಾಯ್ಕೆಯಾದರೆ ಅವರು ಅಶ್ಲೀಲ ಉದ್ಯಮವನ್ನು ಮುಚ್ಚಲು ಪ್ರಯತ್ನಿಸಬಹುದು ಎಂದು ಪೋರ್ನ್ ಸ್ಟಾರ್‌ಗಳು ಎಚ್ಚರಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯೆಯಾಗಿ, ಅವರು #HandsOffMyPorn ಅಭಿಯಾನವನ್ನು ಪ್ರಾರಂಭಿಸಿದ್ದಾರೆ. ಇದು ಯುವಕರನ್ನು ಅವರ ವಿರುದ್ಧ ಮತ ಚಲಾಯಿಸುವಂತೆ ಉತ್ತೇಜಿಸುವ ಗುರಿಯನ್ನು ಹೊಂದಿದೆ.

“ಹ್ಯಾಂಡ್ಸ್ ಆಫ್ ಮೈ ಪೋರ್ನ್” ಎಂದು ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಇತ್ತೀಚಿನ ಚುನಾವಣಾ ಪ್ರಚಾರ ಶುರುವಾಗಿದೆ. ರಿಪಬ್ಲಿಕನ್ ಅಧ್ಯಕ್ಷೀಯ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್‌ಗೆ ಮತ ಚಲಾಯಿಸಬೇಡಿ ಎಂದು ಈ ಅಭಿಯಾನ ನಡೆಸಲಾಗುತ್ತಿದೆ. ಅಶ್ಲೀಲ ತಾರೆ ಸ್ಟಾರ್ಮಿ ಡೇನಿಯಲ್ಸ್ ಅವರೊಂದಿಗಿನ ಸಂಪರ್ಕಕ್ಕಾಗಿ ಟ್ರಂಪ್ ಕುಖ್ಯಾತವಾಗಿ ಭಾರೀ ಸದ್ದು ಮಾಡಿದ್ದರು. ಟ್ರಂಪ್ ಚುನಾವಣೆಯಲ್ಲಿ ಗೆದ್ದರೆ ಅಮೆರಿಕದ ಪೋರ್ನ್ ಉದ್ಯಮದ ಸ್ಥಗಿತಕ್ಕೆ ಕಾರಣವಾಗುತ್ತದೆ ಎಂಬ ಆತಂಕ ನೀಲಿಚಿತ್ರತಾರೆಯರದ್ದು. ಹೀಗಾಗಿ, ತಮ್ಮ ಜೀವನೋಪಾಯಕ್ಕಾಗಿ ಅವರು #HandsOffMyPorn ಅಭಿಯಾನವನ್ನು ಪ್ರಾರಂಭಿಸಿದ್ದಾರೆ. ಇದರ ಜಾಹೀರಾತುಗಳಿಗಾಗಿ ಇಲ್ಲಿಯವರೆಗೆ 2 ಲಕ್ಷ ಡಾಲರ್ ಖರ್ಚು ಮಾಡಿದ್ದಾರೆ.

ಇದನ್ನೂ ಓದಿ: ಮೋದಿ ಅತ್ಯಂತ ಒಳ್ಳೆ ಮನುಷ್ಯ; “ಗೆಳೆಯ”ನನ್ನು ಹೊಗಳಿದ ಡೊನಾಲ್ಡ್ ಟ್ರಂಪ್

ಅಮೇರಿಕಾದಲ್ಲಿ ಪೋರ್ನ್ ವೀಕ್ಷಿಸುವ ಜನರು ಇನ್ನು ಮುಂದೆಯೂ ಅದನ್ನು ವೀಕ್ಷಿಸಲು ನವೆಂಬರ್ 5ರಂದು ಮತ ಹಾಕುವಂತೆ ಕೇಳುವ ಜಾಹೀರಾತುಗಳನ್ನು ಹಾಕುತ್ತಿದ್ದಾರೆ. ಆದರೆ, ಇದುವರೆಗೂ ಡೊನಾಲ್ಡ್ ಟ್ರಂಪ್ ಪೋರ್ನ್ ಉದ್ಯಮದ ಬಗ್ಗೆ ಯಾವುದೇ ದ್ವೇಷವನ್ನು ಹೊಂದಿಲ್ಲ ಮತ್ತು ಅದನ್ನು ಮುಚ್ಚುವ ಬಗ್ಗೆ ಯಾವುದೇ ಹೇಳಿಕೆಗಳನ್ನು ನೀಡಿಲ್ಲ.

ಆದರೆ, ರಿಪಬ್ಲಿಕನ್ ಪಕ್ಷ “ಅಶ್ಲೀಲತೆಯನ್ನು ಕಾನೂನುಬಾಹಿರಗೊಳಿಸಬೇಕು. ಅದನ್ನು ಉತ್ಪಾದಿಸುವ ಜನರನ್ನು ಜೈಲಿಗೆ ಹಾಕಬೇಕು” ಎಂದು ಹೇಳಿದೆ. ಇಲ್ಲಿಯವರೆಗೆ, ಪ್ರಚಾರವು ವಯಸ್ಕ ವೆಬ್‌ಸೈಟ್‌ಗಳಲ್ಲಿನ ಜಾಹೀರಾತುಗಳಿಗಾಗಿ 2,00,000 ಡಾಲರ್ ಖರ್ಚು ಮಾಡಿದೆ.

ಇದನ್ನೂ ಓದಿ: ರಷ್ಯಾ-ಉಕ್ರೇನ್ ಸಂಘರ್ಷದ ಶಾಂತಿಯುತ ಪರಿಹಾರಕ್ಕೆ ಭಾರತ ಸಹಾಯ; ಪುಟಿನ್ ಜೊತೆ ಪ್ರಧಾನಿ ಮೋದಿ ಮಾತು

ಇನ್‌ಸ್ಟಿಟ್ಯೂಟ್ ಫಾರ್ ಫ್ಯಾಮಿಲಿ ಸ್ಟಡೀಸ್ ಪ್ರಕಾರ, #HandsOffMyPorn ಅಭಿಯಾನವು ಮಹಿಳೆಯರಿಗಿಂತ 4 ಪಟ್ಟು ಹೆಚ್ಚು ಅಶ್ಲೀಲತೆಯನ್ನು ವೀಕ್ಷಿಸುವ ಪುರುಷರನ್ನು ಗುರಿಯಾಗಿಸುತ್ತದೆ. ಟ್ರಂಪ್ ಮತ್ತು ಡೆಮೋಕ್ರಾಟ್ ಕಮಲಾ ಹ್ಯಾರಿಸ್ ನಡುವಿನ ಚುನಾವಣೆ ಸಮೀಪಿಸುತ್ತಿದ್ದಂತೆ ಸಮೀಕ್ಷೆಗಳು ಮತದಾರರಲ್ಲಿ ಗಮನಾರ್ಹ ಲಿಂಗ ವಿಭಜನೆಯನ್ನು ತೋರಿಸಿದೆ. ಪುರುಷ ಮತದಾರರಲ್ಲಿ ಟ್ರಂಪ್ ಬಲವಾದ ಅನುಯಾಯಿಗಳನ್ನು ಹೊಂದಿದ್ದಾರೆ. ಹೀಗಾಗಿ, ಅಂತಹ ಅನುಯಾಯಿಗಳನ್ನು ಪೋರ್ನ್ ಸ್ಟಾರ್​ಗಳ ಅಭಿಯಾನ ಗುರಿಯಾಗಿಸಿಕೊಂಡಿದೆ.

ಇನ್ನಷ್ಟು ಅಂತಾರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ