Tokyo Olympics: ಒಲಿಂಪಿಕ್ಸ್​​ನಲ್ಲೊಂದು ಅದ್ಭುತ ಕ್ಷಣ; ಆಟದಲ್ಲಿ ಸೋತ ಫೆನ್ಸರ್​​ಗೆ ಕೋಚ್​ ಕೊಟ್ಟ ಭರ್ಜರಿ ಸರ್​ಪ್ರೈಸ್​​ ಇದು !

ಜಪಾನ್​ನ ಟೋಕಿಯೋದಲ್ಲಿ ಒಲಿಂಪಿಕ್ಸ್​ 2020 (Tokyo Olympic) ನಡೆಯುತ್ತಿದ್ದು, ಇದರಲ್ಲಿ ಪಾಲ್ಗೊಂಡಿರುವ ಎಲ್ಲ ದೇಶಗಳ ಆಟಗಾರರೂ ಪದಕ ಬೇಟೆಯತ್ತ ಮುನ್ನುಗ್ಗುತ್ತಿದ್ದಾರೆ. ಕೆಲವರು ಸೋತು, ಬೇಸರದಿಂದಲೇ ಆಟದಿಂದ ಹೊರನಡೆದಿದ್ದಾರೆ. ಆದರೆ ಅರ್ಜಿಂಟಿನಾದ ಫೆನ್ಸರ್​ ಮಾರಿಯಾ ಬೆಲೆನ್ ಪೆರೆಜ್ ಮಾರಿಸ್​​ಗೆ ಸೋತ ನೋವಿನ ಮಧ್ಯೆಯೂ ಒಂದು ಭರ್ಜರಿ ಖುಷಿ ಸಿಕ್ಕಿದೆ. ಆ ಸಂತೋಷ ತಾಳಲಾರದೆ ಆಟಗಾರ್ತಿ ಆನಂದ ಭಾಷ್ಪ ಸುರಿಸಿದ್ದಾರೆ.

ಫೆನ್ಸರ್​ ಮಾರಿಯಾ ಬೆಲೆನ್​ಗೆ ಇದು ಮೂರನೇ ಒಲಿಂಪಿಕ್​. ಸೋಮವಾರ ಮೊದಲ ಸುತ್ತಿನಲ್ಲೇ ಸೋತು ಆಟದಿಂದ ಹೊರಬಿದ್ದರು. ಈ ಬಗ್ಗೆ ಮಾಧ್ಯಮದವರ ಬಳಿ ಮಾತನಾಡುತ್ತ, ಅವರು ಕೇಳಿದ ಪ್ರಶ್ನೆಗೆ ಬೇಸರದಿಂದಲೇ ಉತ್ತರ ನೀಡುತ್ತಿದ್ದರು. ಅವರ ಮಾತಿನಲ್ಲಿ ನಿರಾಸೆ ಎದ್ದು ಕಾಣುತ್ತಿತ್ತು. ಆದರೆ ಅಷ್ಟರಲ್ಲಿ ಆಕೆಯ ಹಿಂದಿನಿಂದ ಬಂದ ಕೋಚ್​ ಲ್ಯೂಕಾಸ್ ಸೌಸೆಡೊ ಒಂದು ಸರ್​ಪ್ರೈಸ್​ನೊಂದಿಗೆ ಬಂದರು. ಒಂದು ದೊಡ್ಡದಾದ ಪೇಪರ್​ ಮೇಲೆ, ನೀನು ನನ್ನನ್ನು ಮದುವೆಯಾಗುತ್ತೀಯಾ? (Will You Marry Me?) ಎಂದು ಬರೆದು ಅದನ್ನು ಹಿಡಿದು ಬಂದಿದ್ದಾರೆ. ಆದರೆ ಕೆಲ ಸಮಯವಾದರೂ ಮರಿಯಾ ಬೆಲೆನ್​ಗೆ ಅದು ಗೊತ್ತಾಗಲೇ ಇಲ್ಲ. ಆಕೆಯನ್ನು ಮಾತನಾಡಿಸುತ್ತಿದ್ದ ರಿಪೋರ್ಟರ್​ ತಿರುಗಿ ನೋಡುವಂತ ಹೇಳಿದಾಗ, ತುಸು ಅಚ್ಚರಿಯಿಂದಲೇ ನೋಡಿದರು. ಬಳಿಕ ಮಾತ್ರ ಅತ್ಯಂತ ಸಂತೋಷ ಪಡುವ ಸಮಯ ಅವರದ್ದಾಗಿತ್ತು. ಕೋಚ್​ ಪ್ರಪೋಸ್​ಗೆ ಒಪ್ಪಿಗೆಯನ್ನೂ ನೀಡಿದರು. ಇಬ್ಬರೂ ಪರಸ್ಪರ ಅಪ್ಪಿಕೊಂಡು ಚುಂಬಿಸುವ ಮೂಲಕ, ಹೊಸ ಜೀವನದತ್ತ ಒಂದು ಹೆಜ್ಜೆಯನ್ನು ಇಟ್ಟರು. ಇದೆಲ್ಲವೂ ಆ ಸುದ್ದಿ ಮಾಧ್ಯಮದ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಮಾರಿಯಾ ಮತ್ತು ಅವರ ತರಬೇತಿದಾರ​ ಲ್ಯೂಕಾಸ್ ಸೌಸೆಡೊ 17 ವರ್ಷಗಳಿಂದ ರಿಲೇಶನ್​ಶಿಪ್​ನಲ್ಲಿದ್ದಾರೆ. ಇಂದು ಟಿವಿ ಕ್ಯಾಮರಾ ಎದುರೇ ಲ್ಯೂಕಾಸ್​ ಮದುವೆ ಪ್ರಪೋಸ್ ಮಾಡಿದ್ದನ್ನು ನೋಡಿ ತಾನು ಮೂಕವಿಸ್ಮಿತಳಾಗಿದ್ದಾಗಿ ಮರಿಯಾ ಹೇಳಿಕೊಂಡಿದ್ದಾರೆ. ಹಾಗೇ, ಅರ್ಜಿಂಟಿನಾಕ್ಕೆ ತೆರಳಿ, ಅದ್ದೂರಿಯಾಗಿ, ಸಂಪ್ರದಾಯ ಬದ್ಧವಾಗಿ ಮದುವೆಯಾಗುವುದೊಂದೇ ಬಾಕಿ ಇರುವುದಾಗಿ ಹೇಳಿಕೊಂಡಿದ್ದಾರೆ.

ಭಾನುವಾರವೂ ಇಂಥದ್ದೇ ಒಂದು ಘಟನೆ ನಡೆದಿತ್ತು. ಜರ್ಮನಿಯ ಫೂಟ್​ಬಾಲ್​ ಆಟಗಾರ ಮ್ಯಾಕ್ಸ್ ಕ್ರೂಸೆ ತನ್ನ ಪ್ರೇಯಸಿಗೆ ಮದುವೆ ಪ್ರಮೋಸ್​ ಮಾಡಿದ್ದರು. ಅವರ ತಂಡ ಸೌದಿ ಅರೆಬಿಯಾ ವಿರುದ್ಧ 3-2 ಅಂತರದಲ್ಲಿ ಗೆದ್ದ ಬಳಿಕ ಟಿವಿಗಳ ಕ್ಯಾಮರಾ ಎದುರೇ ಪ್ರಪೋಸ್ ಮಾಡಿದ್ದರು.

ಇದನ್ನೂ ಓದಿ: Karnataka New CM: ಕರ್ನಾಟಕ ಮುಖ್ಯಮಂತ್ರಿ ಅಯ್ಕೆ ಇಂದೇ -ರಾಜ್ಯ ಬಿಜೆಪಿ ಉಸ್ತುವಾರಿ ನಾಯಕ ಅರುಣ್ ಸಿಂಗ್ ಘೋಷಣೆ

Coach Proposes To Argentine Fencer In ongoing Olympics