ಇಂಗ್ಲಿಷ್ ಪರೀಕ್ಷಾ ಹಗರಣ: ವೀಸಾ ಹಿಂಪಡೆದುದರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಯುಕೆ ಪ್ರಧಾನಿ ರಿಷಿ ಸುನಕ್‌ಗೆ ಭಾರತೀಯ ವಿದ್ಯಾರ್ಥಿಗಳ ಮನವಿ

ಲಂಡನ್: ಇಂಗ್ಲಿಷ್ ಪರೀಕ್ಷಾ ಹಗರಣದ (English Test Scandal) ನಂತರ ತಮ್ಮ ವೀಸಾಗಳನ್ನು (Visa) ಅನ್ಯಾಯವಾಗಿ ಹಿಂತೆಗೆದುಕೊಂಡಿರುವ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿ ಭಾರತದ ಅನೇಕರನ್ನು ಒಳಗೊಂಡಂತೆ ಅಂತರರಾಷ್ಟ್ರೀಯ ವಿದ್ಯಾರ್ಥಿಗಳ ಗುಂಪು ಬ್ರಿಟಿಷ್ ಪ್ರಧಾನಿ  ರಿಷಿ ಸುನಕ್ (Rishi Sunak) ಅವರಿಗೆ ಮನವಿ ಸಲ್ಲಿಸಿದೆ. ಈ ಸಂಗತಿ 2014 ರ ಹಿಂದಿನದು. ಬಿಬಿಸಿಯ ‘ಪನೋರಮಾ’ ತನಿಖೆಯು ವೀಸಾಗಳಿಗೆ ಅಗತ್ಯವಿರುವ ಕಡ್ಡಾಯ ಭಾಷಾ ಪರೀಕ್ಷೆ ಹೊತ್ತಲ್ಲಿ ಎರಡು ಪರೀಕ್ಷಾ ಕೇಂದ್ರಗಳಲ್ಲಿ ವಂಚನೆ ನಡೆದಿದೆ ಎಂದು ಆರೋಪಿಸಿದೆ. ಬ್ರಿಟನ್ ಸರ್ಕಾರವು ಅಂತಹ ಕೇಂದ್ರಗಳ ಮೇಲೆ ವ್ಯಾಪಕವಾದ ಶಿಸ್ತುಕ್ರಮ ಕೈಗೊಂಡಿದ್ದು ಆ ಕೇಂದ್ರಗಳೊಂದಿಗೆ ಸಂಬಂಧ ಹೊಂದಿದ್ದ ಹತ್ತಾರು ವಿದ್ಯಾರ್ಥಿಗಳ ವೀಸಾಗಳನ್ನು ಹಿಂತೆಗೆದುಕೊಂಡಿತ್ತು. ಸೋಮವಾರದಂದು 10 ಡೌನಿಂಗ್ ಸ್ಟ್ರೀಟ್‌ನಲ್ಲಿ ಸಲ್ಲಿಸಲಾದ ಇತ್ತೀಚಿನ ಮನವಿಯನ್ನು ಪ್ರಭಾವಿತ ವಿದ್ಯಾರ್ಥಿಗಳಿಗೆ ಮತ್ತು ಸಂಘಟಿಸಲು ಮೈಗ್ರೆಂಟ್ ವಾಯ್ಸ್ ಸ್ವಯಂಸೇವಕ ಗುಂಪು ಬೆಂಬಲಿಸುತ್ತಿದೆ.

ಇದು ಸಮಕಾಲೀನ ಬ್ರಿಟಿಷ್ ಇತಿಹಾಸದಲ್ಲಿ ಅತಿದೊಡ್ಡ ಹಗರಣಗಳಲ್ಲಿ ಒಂದಾಗಿದೆ. ಆರಂಭಿಕ ಸರ್ಕಾರದ ಪ್ರತಿಕ್ರಿಯೆಯು ಅನ್ಯಾಯವಾಗಿದೆ ಮತ್ತು ವರ್ಷಗಳವರೆಗೆ ಎಳೆಯಲು ಅನುಮತಿಸಲಾಗಿದೆ ಎಂದು ಮೈಗ್ರೆಂಟ್ ವಾಯ್ಸ್ ನಿರ್ದೇಶಕ ನಾಝೆಕ್ ರಮದಾನ್ ಹೇಳಿದರು. ಪರೀಕ್ಷೆಗಳನ್ನು ಮತ್ತೆ ಬರೆಯಲು ಅನುಮತಿಸುವಂತಹ ಸರಳ ಪರಿಹಾರದ ಮೂಲಕ ಇದನ್ನು ಪರಿಹರಿಸಬಹುದಿತ್ತು. ವಿಶ್ವ ದರ್ಜೆಯ ಶಿಕ್ಷಣ ಮತ್ತು ವಿಶ್ವದ ಅತ್ಯುತ್ತಮ ವಿದ್ಯಾರ್ಥಿ ಅನುಭವವನ್ನು ಪಡೆಯಲು ವಿದ್ಯಾರ್ಥಿಗಳು ಇಲ್ಲಿಗೆ ಬಂದರು, ಆದರೆ ಬದಲಿಗೆ ಅವರ ಜೀವನವನ್ನು ಹಾಳುಮಾಡಲಾಗಿದೆ. ಈ ದುಃಸ್ವಪ್ನವನ್ನು ಕೊನೆಗಾಣಿಸಬೇಕಾದ ಸಮಯ ಸರ್ಕಾರಕ್ಕೆ ಬಂದಿದೆ. ಇದನ್ನು ಕೊನೆಗಾಣಿಸಲು ಬೇಕಾಗಿರುವುದು ನಾಯಕತ್ವ ಎಂದು ರಮದಾನ್ ಹೇಳಿದ್ದಾರೆ.

ಉಳಿದುಕೊಳ್ಳಲು, ಕೆಲಸ ಮಾಡಲು ಅಥವಾ ಮೇಲ್ಮನವಿ ಸಲ್ಲಿಸಲು ಕೆಲವು ಪ್ರಕರಣಗಳಲ್ಲಿ ಯಾವುದೇ ಹಕ್ಕಿಲ್ಲದ ಕಾರಣ, ಹೆಚ್ಚಿನ ಆರೋಪಿ ವಿದ್ಯಾರ್ಥಿಗಳು ಮನೆಗೆ ಮರಳಿದರು. ತಮ್ಮ ಹೆಸರನ್ನು ತೆರವುಗೊಳಿಸಲು ಉಳಿದುಕೊಂಡಿರುವವರು ಮನೆಯಿಲ್ಲದೆ, ದೊಡ್ಡ ಕಾನೂನು ಶುಲ್ಕಗಳು ಹೊಂದಿಸಲು, ಒತ್ತಡ-ಪ್ರೇರಿತ ಕಾಯಿಲೆಗಳಿಂದ ಹೆಣಗಾಡುತ್ತಿದ್ದಾರೆ. ಅವರಿಗೆ ಕುಟುಂಬ ವಿವಾಹಗಳು, ಜನನ ಮತ್ತು ಮರಣದಲ್ಲಿ ಭಾಗವಹಿಸುವುದಕ್ಕೆ ಸಾಧ್ಯವಾಗುತ್ತಿಲ್ಲ ಎಂದು ಅರ್ಜಿಯಲ್ಲಿ ಮನವಿ ಮಾಡಲಾಗಿದೆ.

ಸಂಸತ್ತಿನ ಮತ್ತು ವಾಚ್‌ಡಾಗ್ ವರದಿಗಳು ಈ ಹಿಂದೆ ಪ್ರಕರಣದಲ್ಲಿ ಬಳಸಲಾದ ಗೃಹ ಕಚೇರಿ ಸಾಕ್ಷ್ಯದಲ್ಲಿ ಕೆಲವು ನ್ಯೂನತೆಗಳನ್ನು ಎತ್ತಿ ತೋರಿಸಿವೆ. ಕೆಲವು ವಿದ್ಯಾರ್ಥಿಗಳು ತಮ್ಮ ಕಾನೂನು ಸವಾಲುಗಳನ್ನು ಗೆದ್ದರೂ, ಇತರ ವಿದ್ಯಾರ್ಥಿಗಳ ಅಂಕಗಳು (ಅವರಲ್ಲಿ ಹೆಚ್ಚಿನವರು ಭಾರತೀಯರು) ಇನ್ನೂ ತ್ರಿಶಂಕು ಸ್ಥಿತಿಯಲ್ಲಿದ್ದಾರೆ.

ಸರಬ್ಜೀತ್ 46 ವರ್ಷದ ಭಾರತೀಯ ವಿದ್ಯಾರ್ಥಿಯಾಗಿದ್ದು, 13 ವರ್ಷಗಳಿಂದ ತನ್ನ ಮಕ್ಕಳಿಂದ ದೂರವಿದ್ದಾಳೆ. ಆರೋಪಗಳನ್ನು ಹೊತ್ತು ಭಾರತಕ್ಕೆ ಮರಳಲು ಸಾಧ್ಯವಿಲ್ಲ ಎಂದು ಆಕೆ ಭಾವಿಸುತ್ತಾಳೆ.

ಕೆಲವು ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳು ಲಂಡನ್‌ನ ಎರಡು ಪರೀಕ್ಷಾ ಕೇಂದ್ರಗಳಲ್ಲಿ ಇಂಟರ್‌ನ್ಯಾಶನಲ್ ಕಮ್ಯುನಿಕೇಷನ್‌ಗಾಗಿ ಇಂಗ್ಲಿಷ್ ಪರೀಕ್ಷೆ (TOEIC) ಎಂದು ಕರೆಯಲ್ಪಡುವ ಕಡ್ಡಾಯ ಭಾಷಾ ಪರೀಕ್ಷೆಯಲ್ಲಿ ನಕಲು ಮಾಡಿರುವುದನ್ನು ಬಿಬಿಸಿ ಕಾರ್ಯಕ್ರಮವು ಬಹಿರಂಗಪಡಿಸಿದೆ.

ಬ್ರಿಟನ್ ಸರ್ಕಾರವು 96 TOEIC ಪರೀಕ್ಷಾ ಕೇಂದ್ರಗಳನ್ನು ನಡೆಸುತ್ತಿದ್ದ ಕಂಪನಿಯಾದ ಶೈಕ್ಷಣಿಕ ಪರೀಕ್ಷಾ ಸೇವೆಯನ್ನು (ETS) ಅಪರಾಧ ತನಿಖೆಯ ಅಡಿಯಲ್ಲಿ ಇರಿಸುವ ಮೂಲಕ ಪ್ರತಿಕ್ರಿಯಿಸಿತು, ಆದರೆ ಕಂಪನಿಯು ಆರೋಪವನ್ನು ತನಿಖೆ ಮಾಡುವಂತೆ ಹೇಳಿದೆ. ಶೈಕ್ಷಣಿಕ ಪರೀಕ್ಷಾ ಸೇವೆಯ ತನಿಖೆಯ ಪರಿಣಾಮವಾಗಿ ಬ್ರಿಟನ್ ಗೃಹ ಕಚೇರಿ ಹಠಾತ್ತನೆ 34,000 ಸಾಗರೋತ್ತರ ವಿದ್ಯಾರ್ಥಿಗಳ ವೀಸಾಗಳನ್ನು ರದ್ದುಗೊಳಿಸಿದೆ. ಹೀಗೆ ವೀಸಾ ರದ್ದು ಗೊಳಿಸಿದ ವಿದ್ಯಾರ್ಥಿಗಳು ಉಪಸ್ಥಿತಿಯು ರಾತ್ರೋರಾತ್ರಿ ಕಾನೂನುಬಾಹಿರವಾಗಿದೆ. ಇದೀಗ 22,000 ಜನರಿಗೆ ಅವರ ಪರೀಕ್ಷಾ ಫಲಿತಾಂಶಗಳು “ಪ್ರಶ್ನಾರ್ಹ” ಎಂದು ಹೇಳಲಾಯಿತು. 2,400 ಕ್ಕೂ ಹೆಚ್ಚು ವಿದ್ಯಾರ್ಥಿಗಳನ್ನು ಗಡೀಪಾರು ಮಾಡಲಾಗಿದೆ. ಸಾವಿರಾರು ಜನರು ಸ್ವಯಂಪ್ರೇರಣೆಯಿಂದ ಹೊರಬಂದಿದ್ದಾರೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 8:45 pm, Tue, 21 March 23