World’s Oldest Person Dies At 119 In Japan ಜಪಾನ್‌: ವಿಶ್ವದ ಅತ್ಯಂತ ಹಿರಿಯ ಮಹಿಳೆ 119 ನೇ ವಯಸ್ಸಿನಲ್ಲಿ ನಿಧನ

World's Oldest Person Dies At 119 In Japan ಜಪಾನ್‌: ವಿಶ್ವದ ಅತ್ಯಂತ ಹಿರಿಯ ಮಹಿಳೆ 119 ನೇ ವಯಸ್ಸಿನಲ್ಲಿ ನಿಧನ
ಕೇನ್ ತನಕಾ

ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ 2019 ರಲ್ಲಿ ಜೀವಂತವಾಗಿರುವ ಅತ್ಯಂತ ಹಿರಿಯ ವ್ಯಕ್ತಿ ಎಂದು ಗುರುತಿಸಿದಾಗ, ನಿಮ್ಮ ಜೀವನದಲ್ಲಿ ಅತ್ಯಂತ ಸಂತೋಷದ ಕ್ಷಣ ಯಾವುದು ಎಂದು ಕೇಳಿದಾಗ ಆಕೆ "ಈಗ" ಎಂದು ಉತ್ತರಿಸಿದ್ದರು.

TV9kannada Web Team

| Edited By: Rashmi Kallakatta

Apr 25, 2022 | 4:29 PM

ಟೋಕಿಯೊ: ವಿಶ್ವದ ಅತ್ಯಂತ ಹಿರಿಯ ವ್ಯಕ್ತಿ, ಜಪಾನ್​​ನ ಮಹಿಳೆ (Japanese woman)  119 ನೇ ವಯಸ್ಸಿನಲ್ಲಿ ನಿಧನರಾದರು ಎಂದು ಸ್ಥಳೀಯ ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ. ಕೇನ್ ತನಕಾ (Kane Tanaka) ಜನವರಿ 2, 1903 ರಂದು ಜಪಾನ್‌ನ ನೈಋತ್ಯ ಫುಕುವೋಕಾ ಪ್ರದೇಶದಲ್ಲಿ ಜನಿಸಿದರು. ಅದೇ ವರ್ಷ ರೈಟ್ ಸಹೋದರರು ಮೊದಲ ಬಾರಿಗೆ ವಿಮಾನ ಹಾರಿಸಿದ್ದರು ಮತ್ತು ಮೇರಿ ಕ್ಯೂರಿ ನೊಬೆಲ್ ಪ್ರಶಸ್ತಿಯನ್ನು ಗೆದ್ದ ಮೊದಲ ಮಹಿಳೆಯಾದರು. ತನಕಾ ಅವರು ಇತ್ತೀಚಿನವರೆಗೂ ಉತ್ತಮ ಆರೋಗ್ಯವನ್ನು ಹೊಂದಿದ್ದರು ಮತ್ತು ನರ್ಸಿಂಗ್ ಹೋಮ್‌ನಲ್ಲಿ ವಾಸಿಸುತ್ತಿದ್ದರು. ಅಲ್ಲಿ ಅವರು ಬೋರ್ಡ್ ಆಟಗಳನ್ನು ಆನಂದಿಸುತ್ತಿದ್ದರು, ಗಣಿತದ ಸಮಸ್ಯೆಗಳನ್ನು ಪರಿಹರಿಸುತ್ತಿದ್ದರು. ಯೌವನದಲ್ಲಿ ತನಕಾ ನೂಡಲ್ ಅಂಗಡಿ ಮತ್ತು ರೈಸ್ ಕೇಕ್ ಅಂಗಡಿ ಸೇರಿದಂತೆ ವಿವಿಧ ವ್ಯಾಪಾರ ನಡೆಸುತ್ತಿದ್ದರು. ಅವರು ಶತಮಾನದ ಹಿಂದೆ 1922 ರಲ್ಲಿ ಹಿಡಿಯೋ ತನಕಾ ಅವರನ್ನು ವಿವಾಹವಾದರು, ನಾಲ್ಕು ಮಕ್ಕಳಿಗೆ ಜನ್ಮ ನೀಡಿದರು ಮತ್ತು ಐದನೆಯದನ್ನು ದತ್ತು ಪಡೆದರು.  2021 ರಲ್ಲಿ ಟೊಕಿಯೊ ಒಲಿಂಪಿಕ್ಸ್‌ಗಾಗಿ ಟಾರ್ಚ್ ರಿಲೇಯಲ್ಲಿ ಭಾಗವಹಿಸಲು ಅವರು ಗಾಲಿಕುರ್ಚಿಯನ್ನು ಬಳಸಲು ಯೋಚಿಸಿದ್ದರು. ಆದರೆ ಸಾಂಕ್ರಾಮಿಕ ರೋಗವು ಅವರನ್ನು ಹಾಗೆ ಮಾಡದಂತೆ ತಡೆಯಿತು.

ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ 2019 ರಲ್ಲಿ ಜೀವಂತವಾಗಿರುವ ಅತ್ಯಂತ ಹಿರಿಯ ವ್ಯಕ್ತಿ ಎಂದು ಗುರುತಿಸಿದಾಗ, ನಿಮ್ಮ ಜೀವನದಲ್ಲಿ ಅತ್ಯಂತ ಸಂತೋಷದ ಕ್ಷಣ ಯಾವುದು ಎಂದು ಕೇಳಿದಾಗ ಆಕೆ “ಈಗ” ಎಂದು ಉತ್ತರಿಸಿದ್ದರು. ಆಕೆಯ ದಿನಚರಿಯು 6:00 ಗಂಟೆಗೆ ಏಳುವುದು ಮತ್ತು ಮಧ್ಯಾಹ್ನ ಗಣಿತಶಾಸ್ತ್ರವನ್ನು ಅಧ್ಯಯನ ಮಾಡುವುದು ಮತ್ತು ಕ್ಯಾಲಿಗ್ರಫಿಯನ್ನು ಅಭ್ಯಾಸ ಮಾಡುವುದು ಆಗಿತ್ತು. “ಕೇನ್‌ನ ನೆಚ್ಚಿನ ಕಾಲಕ್ಷೇಪವೆಂದರೆ ಒಥೆಲ್ಲೋ ಆಟ. ಅವರು ಕ್ಲಾಸಿಕ್ ಬೋರ್ಡ್ ಆಟದಲ್ಲಿ ಪರಿಣಿತಳಾಗಿದ್ದು ಆಗಾಗ್ಗೆ ವಿಶ್ರಾಂತಿ-ಗೃಹ ಸಿಬ್ಬಂದಿಯನ್ನು ಸೋಲಿಸುತ್ತಿದ್ದರು. ಏಪ್ರಿಲ್ 19 ರಂದು ನಿಧನರಾದ ನಂತರ ತನಕಾ ಅವರ ಜೀವನವನ್ನು ಸ್ಥಳೀಯ ಗವರ್ನರ್ ಸೀಟಾರೊ ಹಟ್ಟೋರಿ ಅವರು ಶ್ಲಾಘಿಸಿದ್ದಾರೆ.

ಈ ವರ್ಷದ ವಯೋವೃದ್ಧರ ದಿನದ ಗೌರವ (ಸೆಪ್ಟೆಂಬರ್‌ನಲ್ಲಿ ರಾಷ್ಟ್ರೀಯ ರಜಾದಿನ) ಮತ್ತು ಅವರ ನೆಚ್ಚಿನ ಸೋಡಾ ಮತ್ತು ಚಾಕೊಲೇಟ್‌ನೊಂದಿಗೆ ಒಟ್ಟಿಗೆ ಆಚರಿಸಲು ನಾನು ಕೇನ್-ಸ್ಯಾನ್ ಅವರನ್ನು ಎದುರು ನೋಡುತ್ತಿದ್ದೇನೆ ಎಂದು ಅವರು ಸೋಮವಾರ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. “ಸುದ್ದಿಯಿಂದ ನಾನು ತುಂಬಾ ದುಃಖಿತನಾಗಿದ್ದೇನೆ.”

ವಿಶ್ವಬ್ಯಾಂಕ್ ಅಂಕಿಅಂಶಗಳ ಪ್ರಕಾರ ಜಪಾನ್ ವಿಶ್ವದ ಅತ್ಯಂತ ಹಿರಿಯ ಜನಸಂಖ್ಯೆಯನ್ನು ಹೊಂದಿದೆ, ಸುಮಾರು 28 ಪ್ರತಿಶತ 65 ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರು. 1997 ರಲ್ಲಿ 122 ವರ್ಷ ಮತ್ತು 164 ದಿನಗಳಲ್ಲಿ ನಿಧನರಾದ ಫ್ರೆಂಚ್ ಮಹಿಳೆ ಜೀನ್ ಲೂಯಿಸ್ ಕಾಲ್ಮೆಂಟ್ ಅವರು ಗಿನ್ನೆಸ್‌ ದಾಖಲೆ ಪುಸ್ತಕ ಸೇರಿದ ಅತ್ಯಂತ ಹಳೆಯ ವ್ಯಕ್ತಿ.

ಇದನ್ನೂ ಓದಿ:ಭಾರತದಲ್ಲಿ ದುಡಿಯುವ ಸಾಮರ್ಥ್ಯವಿರುವ 90 ಕೋಟಿ ಜನರಲ್ಲಿ ಹೆಚ್ಚಿನವರು ಉದ್ಯೋಗ ಹುಡುಕುವುದನ್ನು ನಿಲ್ಲಿಸುತ್ತಿದ್ದಾರೆ: ಸಿಎಂಐಇ ವರದಿ

Follow us on

Related Stories

Most Read Stories

Click on your DTH Provider to Add TV9 Kannada