La Nina: ಆಸ್ಟ್ರೇಲಿಯಾದಲ್ಲಿ ಪ್ರವಾಹ ಸ್ಥಿತಿ ತಂದೊಡ್ಡಲಿದೆ ‘ಲಾ ನಿನಾ’

ಆಸ್ಟ್ರೇಲಿಯಾದಲ್ಲಿ ಲಾ ನಿನಾ ರಚನೆಯು ಪ್ರವಾಹ ಸ್ಥಿತಿಯನ್ನು ತಂದೊಡ್ಡುವ ಸಾಧ್ಯತೆ ಇದೆ ಎಂದು ಹೊಸ ಅಧ್ಯಯನವೊಂದು ಹೇಳಿದೆ. ನೇಚರ್ ಕ್ಲೈಮೇಟ್ ಚೇಂಜ್ ಜರ್ನಲ್​ನಲ್ಲಿ ಪ್ರಕಟವಾಗಿರುವ ವರದಿ ಪ್ರಕಾರ, ಅಟ್ಲಾಂಟಿಕ್ ಸಮುದ್ರದಲ್ಲಿ ಹವಾಮಾನ ಬದಲಾವಣೆಯಾಗುತ್ತಿದ್ದು, ಲಾ ನಿನಾ ರಚನೆ ಉಂಟಾಗಿದ್ದು, ಇದು ಭಾರಿ ದೊಡ್ಡ ಪ್ರವಾಹವನ್ನು ಸೃಷ್ಟಿಸಬಹುದು ಎನ್ನಲಾಗಿದೆ.

ಅಮೇರಿಕನ್ ಜಿಯೋಸೈನ್ಸ್ ಇನ್ಸ್ಟಿಟ್ಯೂಟ್ ಪ್ರಕಾರ, ಎಲ್ ನಿನೊ ಮತ್ತು ಲಾ ನಿನಾ ಎಂಬ ಪದಗಳು ಪೆಸಿಫಿಕ್ ಸಾಗರದ ಸಮುದ್ರ ಮೇಲ್ಮೈ ತಾಪಮಾನದಲ್ಲಿನ ಆವರ್ತಕ ಬದಲಾವಣೆಗಳನ್ನು ಉಲ್ಲೇಖಿಸುತ್ತವೆ, ಇದು ಪ್ರಪಂಚದಾದ್ಯಂತ ಹವಾಮಾನದ ಮೇಲೆ ಪ್ರಭಾವ ಬೀರುತ್ತದೆ.

ಎಲ್ ನಿನೊ ಕಾರಣದಿಂದಾಗಿ ತಾಪಮಾನವು ಬೆಚ್ಚಗಿರುತ್ತದೆ ಮತ್ತು ಲಾ ನಿನಾದಿಂದಾಗಿ ಶೀತವಾಗಿರುತ್ತದೆ. ಎರಡೂ ಸಾಮಾನ್ಯವಾಗಿ 9-12 ತಿಂಗಳುಗಳವರೆಗೆ ಇರುತ್ತದೆ, ಆದರೆ ಅಸಾಧಾರಣ ಸಂದರ್ಭಗಳಲ್ಲಿ ಹಲವು ವರ್ಷಗಳವರೆಗೆ ಇರುತ್ತದೆ. ಎಲ್ ನಿನೊ ಮತ್ತು ಲಾ ನಿನಾ ಎರಡೂ ಹವಾಮಾನ ಬದಲಾವಣೆ, ಕಾಡ್ಗಿಚ್ಚು, ಪರಿಸರ ವ್ಯವಸ್ಥೆಗಳು ಮತ್ತು ಆರ್ಥಿಕತೆಯ ಮೇಲೆ ಜಾಗತಿಕ ಪರಿಣಾಮಗಳನ್ನು ಬೀರಬಹುದು. ಎಲ್ ನಿನೊ ಮತ್ತು ಲಾ ನಿನಾ ಸಾಮಾನ್ಯವಾಗಿ ಒಂಬತ್ತರಿಂದ 12 ತಿಂಗಳುಗಳವರೆಗೆ ಇರುತ್ತದೆ, ಆದರೆ ಕೆಲವೊಮ್ಮೆ ವರ್ಷಗಳವರೆಗೆ ಇರುತ್ತದೆ.

ಎಲ್ ನಿನೊ ಮತ್ತು ಲಾ ನಿನಾ ಘಟನೆಗಳು ಸರಾಸರಿ ಎರಡರಿಂದ ಏಳು ವರ್ಷಗಳಿಗೊಮ್ಮೆ ಸಂಭವಿಸುತ್ತವೆ, ಎಲ್ ನಿನೊ ಲಾ ನಿನಾಕ್ಕಿಂತ ಹೆಚ್ಚಾಗಿ ಸಂಭವಿಸುತ್ತದೆ.

ಎಲ್​ ನಿನೊ ಎಂದರೇನು? ಉಷ್ಣವಲಯದ ಪೆಸಿಫಿಕ್‌ನ ಸಮಭಾಜಕ ಪ್ರದೇಶದಲ್ಲಿ ಸಮುದ್ರದ ತಾಪಮಾನ ಮತ್ತು ವಾತಾವರಣದ ಪರಿಸ್ಥಿತಿಗಳಲ್ಲಿನ ಬದಲಾವಣೆಗಳಿಗೆ ಕಾರಣವಾದ ಸಾಗರ ವಿದ್ಯಮಾನವನ್ನು ಎಲ್ ನಿನೊ ಎಂದು ಕರೆಯಲಾಗುತ್ತದೆ. ಈ ಬದಲಾವಣೆಯಿಂದಾಗಿ, ಸಮುದ್ರದ ಮೇಲ್ಮೈ ತಾಪಮಾನವು ಸಾಮಾನ್ಯಕ್ಕಿಂತ ಹೆಚ್ಚಾಗಿರುತ್ತದೆ. ಈ ತಾಪಮಾನಗಳು ಸಾಮಾನ್ಯಕ್ಕಿಂತ 4 ರಿಂದ 5 ಡಿಗ್ರಿ ಸೆಲ್ಸಿಯಸ್ ಆಗಿರಬಹುದು.

ಎಲ್ ನಿನೊ ಹವಾಮಾನ ವ್ಯವಸ್ಥೆಯ ಒಂದು ಭಾಗವಾಗಿದೆ. ಇದು ಹವಾಮಾನದ ಮೇಲೆ ಆಳವಾದ ಪರಿಣಾಮ ಬೀರುತ್ತದೆ. ಇದರ ಆಗಮನದಿಂದಾಗಿ ಪ್ರಪಂಚದಾದ್ಯಂತ ಹವಾಮಾನದ ಮೇಲೆ ಪರಿಣಾಮ ಕಂಡುಬರುತ್ತದೆ ಮತ್ತು ಮಳೆ, ಚಳಿ, ಶಾಖದ ನಡುವಿನ ವ್ಯತ್ಯಾಸವು ಗೋಚರಿಸುತ್ತದೆ. ಈ ಎರಡೂ ಸ್ಥಿತಿಗಳು ಪ್ರತಿ ವರ್ಷ ಗೋಚರವಾಗದೇ 3ರಿಂದ 7 ವರ್ಷಗಳಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಸಮಾಧಾನದ ಸಂಗತಿ.

ಲಾ ನಿನಾ ಎಂದರೇನು? ಸಮಭಾಜಕ ಪೆಸಿಫಿಕ್ ಸಾಗರ ಪ್ರದೇಶದ ಮೇಲ್ಮೈಯಲ್ಲಿ ಕಡಿಮೆ ಗಾಳಿಯ ಒತ್ತಡವು ಇದ್ದಾಗ ಈ ಸ್ಥಿತಿಯು ಉಂಟಾಗುತ್ತದೆ. ಅದರ ಮೂಲಕ್ಕೆ ವಿಭಿನ್ನ ಕಾರಣಗಳಿವೆ, ಆದರೆ ಗಾಳಿ, ಪೂರ್ವ-ಹರಿಯುವ ಗಾಳಿಯು ಅತಿ ಹೆಚ್ಚು ವೇಗದಲ್ಲಿ ಬೀಸಿದಾಗ ಅದು ಉದ್ಭವಿಸುವ ಸಾಮಾನ್ಯ ಕಾರಣ.

ಇದು ಸಮುದ್ರದ ಮೇಲ್ಮೈ ತಾಪಮಾನವನ್ನು ಗಣನೀಯವಾಗಿ ಕಡಿಮೆ ಮಾಡುತ್ತದೆ. ಇದರ ನೇರ ಪರಿಣಾಮವು ಪ್ರಪಂಚದಾದ್ಯಂತದ ತಾಪಮಾನದ ಮೇಲೆ ಇರುತ್ತದೆ ಮತ್ತು ತಾಪಮಾನವು ಸರಾಸರಿಗಿಂತ ತಂಪಾಗಿರುತ್ತದೆ. ಲಾ ನಿನಾ ಚಂಡಮಾರುತಗಳ ಮೇಲೂ ಪರಿಣಾಮ ಬೀರುತ್ತದೆ. ಇದು ತನ್ನ ವೇಗದೊಂದಿಗೆ ಉಷ್ಣವಲಯದ ಚಂಡಮಾರುತಗಳ ದಿಕ್ಕನ್ನು ಬದಲಾಯಿಸಬಹುದು.

ಉತ್ತರ ಆಸ್ಟ್ರೇಲಿಯಾ ಮತ್ತು ಆಗ್ನೇಯ ಏಷ್ಯಾದಲ್ಲಿ ಅತಿ ಹೆಚ್ಚು ಆರ್ದ್ರತೆಯ ಪರಿಸ್ಥಿತಿಗಳು ಕಂಡುಬರುತ್ತವೆ. ಈ ಕಾರಣದಿಂದಾಗಿ, ಇಂಡೋನೇಷ್ಯಾ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಸಾಕಷ್ಟು ಮಳೆಯಾಗಬಹುದು. ಈಕ್ವೆಡಾರ್ ಮತ್ತು ಪೆರುವಿನಲ್ಲಿ ಬರ-ತರಹದ ಪರಿಸ್ಥಿತಿಗಳು ಕಂಡುಬರುತ್ತವೆ.

ಆಸ್ಟ್ರೇಲಿಯಾದಲ್ಲಿ ಪ್ರವಾಹದ ಸಾಧ್ಯತೆ ಇದೆ. ಲಾ ನಿನಾ ಸಾಮಾನ್ಯವಾಗಿ ವಾಯುವ್ಯದಲ್ಲಿ ತಂಪಾದ ಹವಾಮಾನ ಮತ್ತು ಆಗ್ನೇಯದಲ್ಲಿ ಬೆಚ್ಚಗಿನ ಹವಾಮಾನವನ್ನು ಉಂಟುಮಾಡುತ್ತದೆ. ಈ ಸಮಯದಲ್ಲಿ ಭಾರತವು ತೀವ್ರವಾದ ಚಳಿಯನ್ನು ಅನುಭವಿಸುತ್ತದೆ ಮತ್ತು ಮಳೆಯೂ ಉತ್ತಮವಾಗಿರುತ್ತದೆ.

ವಿದೇಶದ ಇತರೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ