Nigeria Plane Crash | ನೈಜೀರಿಯಾದಲ್ಲಿ ಕಿಡ್ನ್ಯಾಪ್ ಆಗಿದ್ದ ವಿದ್ಯಾರ್ಥಿಗಳ ರಕ್ಷಣೆಗೆ ಹೋಗ್ತಿದ್ದ ಮಿಲಿಟರಿ ವಿಮಾನ ಪತನ, 7 ಮಂದಿ ಸಾವು

ದೆಹಲಿ: ನೈಜೀರಿಯಾ ರಾಜಧಾನಿ ಅಬುಜಾ ಎಂಬಲ್ಲಿ ಮಿಲಿಟರಿ ವಿಮಾನ ಪತನವಾಗಿ (Nigeria Military Plane Crash) ಏಳು ಮಂದಿ ಸಾವನ್ನಪ್ಪಿರುವ ಘಟನೆ ಭಾನುವಾರ (ಫೆ.21) ನಡೆದಿದೆ. ನೈಜೀರಿಯಾ ಏರ್​ಫೋರ್ಸ್ ವಕ್ತಾರ ಇಬಿಕುನ್ಲೆ ದರಮೋಲಾ ವಿಮಾನ ಪತನಗೊಂಡಿರುವುದನ್ನು ಖಚಿತಪಡಿಸಿದ್ದಾರೆ. ನೀಜೀರಿಯಾ ಏರ್​ಫೋರ್ಸ್ (NAF) ಬೀಚ್​ಕ್ರಾಫ್ಟ್ ಕಿಂಗ್​ಏರ್ B350i ವಿಮಾನ ಅಬುಜಾ ಏರ್​ಪೋರ್ಟ್​ಗೆ ಮರಳುತ್ತಿರುವ ವೇಳೆ ಪತನವಾಗಿದೆ. ವಿಮಾನದ ಎಂಜಿನ್ ವಿಫಲಗೊಂಡು ಘಟನೆ ಸಂಭವಿಸಿದೆ ಎಂದು ಅವರು ತಿಳಿಸಿದ್ದಾರೆ.

ವಿಮಾನ ಪತನಗೊಂಡ ಪರಿಣಾಮ ವಿಮಾನದಲ್ಲಿದ್ದ ಏಳು ಜನರು ಕೂಡ ಮೃತಪಟ್ಟಿದ್ದಾರೆ. ಜತೆಗೆ, ವಕ್ತಾರರು ತಿಳಿಸಿರುವಂತೆ, ಏರ್ ಸ್ಟಾಫ್ ಮುಖ್ಯಸ್ಥ ಒಲಡಯೊ ಅಮವೊ ಈ ಬಗ್ಗೆ ಕೂಡಲೇ ತನಿಖೆ ಕೈಗೊಳ್ಳುವಂತೆ ಹೇಳಿದ್ದಾರೆ. ತನಿಖೆಯ ಮಾಹಿತಿ ಲಭ್ಯವಾಗುವವರೆಗೆ ಸಾರ್ವಜನಿಕರು ಶಾಂತ ರೀತಿಯಿಂದ ಕಾಯುವಂತೆ ತಿಳಿಸಲಾಗಿದೆ.

ಆಕ್ಸಿಡೆಂಟ್ ಇನ್ವೆಸ್ಟಿಗೇಷನ್ ಬ್ಯೂರೋ (AIB) ವಿಮಾನದ ವಾಯ್ಸ್ ರೆಕಾರ್ಡರ್ ಪತ್ತೆಯಾಗಿರುವ ಬಗ್ಗೆ ಮಾಹಿತಿ ನೀಡಿದ್ದಾರೆ. ಧ್ವನಿಮುದ್ರಣವನ್ನು ಆಲಿಸಿ ಪಡೆದ ಮಾಹಿತಿಯ ಪ್ರಕಾರ, ಪೈಲೆಟ್ ವಿಮಾನವನ್ನು ರನ್ ವೇಗೆ ಇಳಿಸುತ್ತೇನೆ ಎಂದು ಖಚಿತವಾಗಿದ್ದರು. 400 ಮೀಟರ್ ದೂರದಲ್ಲಿರುವ ರನ್ ವೇಗೆ ವಿಮಾನ ತಲುಪುತ್ತದೆ ಎಂದೇ ಅಂದುಕೊಂಡಿದ್ದರು.

ಘಟನೆಯ ಬಗ್ಗೆ ಮಾಹಿತಿ ನೀಡಿರುವ ಸ್ಥಳೀಯರು ಹಾಗೂ ಅಗ್ನಿಶಾಮಕ ಸಿಬ್ಬಂದಿಗಳು, ಅಗ್ನಿ ನಂದಿಸಲು ಹರಸಾಹಸ ಪಟ್ಟಿರುವುದಾಗಿ ತಿಳಿಸಿದ್ದಾರೆ. ಬಸ್ಸಂಜುವಾದ ಕೃಷಿ ಸಮುದಾಯದ ಜನರು ವಿಮಾನ ಪತನವಾಗಿ ಅಗ್ನಿ ಹೊತ್ತಿಕೊಂಡಿದ್ದಾಗ, ಅದನ್ನು ಆರಿಸಿ, ವಿಮಾನದಲ್ಲಿದ್ದ ಜನರನ್ನು ರಕ್ಷಿಸಲು ಪ್ರಯತ್ನಿಸಿದ್ದರು.

ಮಿಲಿಟರಿ ಮೂಲಗಳು ನೀಡಿರುವ ಮಾಹಿತಿ ಪ್ರಕಾರ, ನೈಜೀರಿಯಾದ ಈ ವಿಮಾನ, ನೈಜೀರಿಯಾದ ಕಗರ ಪಟ್ಟಣದಿಂದ ಕಿಡ್ನ್ಯಾಪ್ ಆಗಿದ್ದ ವಿದ್ಯಾರ್ಥಿಗಳು ಹಾಗೂ ಸ್ಥಳೀಯರನ್ನು ರಕ್ಷಿಸಲು ಹೋಗುತ್ತಿತ್ತು ಎಂದು ತಿಳಿದುಬಂದಿದೆ. ವಿದ್ಯಾರ್ಥಿಗಳು ಹಾಗೂ ಸ್ಥಳೀಯರು ಬುಧವಾರ ಕಿಡ್ನ್ಯಾಪ್ ಆಗಿದ್ದರು.

ನೈಜೀರಿಯಾ ಮಿಲಿಟರಿ ವಿಮಾನ ಪತನದ ಬಗ್ಗೆ ಹಲವರು ಸಂತಾಪ ಸೂಚಿಸಿದ್ದಾರೆ. ನೈಜೀರಿಯಾ ರೋಗ ನಿಯಂತ್ರಣ ಕೇಂದ್ರದ ಮಹಾನಿರ್ದೇಶಕ ಚಿಕ್ವೆ ಇಹೆಕ್ವೆಜು ಟ್ವೀಟ್ ಮಾಡಿದ್ದಾರೆ. ಏರ್​ಫೋರ್ಸ್ ಕೊವಿಡ್ ನಿಯಂತ್ರಣದಲ್ಲಿ ಬಹಳಷ್ಟು ಶ್ರಮಿಸಿದೆ. ಏರ್​ಫೋರ್ಸ್​ನ ವಿಮಾನ ಪತನದಿಂದ ಬೇಸರವಾಗಿದೆ ಎಂದಿದ್ದಾರೆ.

<blockquote class=”twitter-tweet”><p lang=”en” dir=”ltr”>We <a href=”https://twitter.com/NCDCgov?ref_src=twsrc%5Etfw”>@NCDCgov</a> are deeply saddened over the <a href=”https://twitter.com/NigAirForce?ref_src=twsrc%5Etfw”>@NigAirForce</a> fatal plane crash. The Air Force has been contributing its resources for Nigeria’s <a href=”https://twitter.com/hashtag/COVID19?src=hash&amp;ref_src=twsrc%5Etfw”>#COVID19</a> response activities<br><br>We pray for comfort for the family, colleagues, friends and loved ones of the deceased <a href=”https://t.co/5cujOacNsd”>https://t.co/5cujOacNsd</a></p>&mdash; Chikwe Ihekweazu (@Chikwe_I) <a href=”https://twitter.com/Chikwe_I/status/1363547077121302535?ref_src=twsrc%5Etfw”>February 21, 2021</a></blockquote> <script async src=”https://platform.twitter.com/widgets.js” charset=”utf-8″></script>

ಇದನ್ನೂ ಓದಿ:ವಿಜಯವಾಡದಲ್ಲಿ ಲ್ಯಾಂಡಿಂಗ್​ ವೇಳೆ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದ ಏರ್​​ ಇಂಡಿಯಾ ಎಕ್ಸ್​ಪ್ರೆಸ್​ ವಿಮಾನ

ಪೆಟ್ರೋಲ್​, ಡೀಸೆಲ್​ ಆಯ್ತು.. ಈಗ ದೇಶೀಯ ವಿಮಾನ ಪ್ರಯಾಣವೂ ತುಟ್ಟಿ 

Published On - 10:56 am, Mon, 22 February 21