ವೈದ್ಯರ ಎಡವಟ್ಟು: ಸತ್ತಿದ್ದಾನೆಂದು ಬದುಕಿದ್ದವನನ್ನೇ ಕೊಂದರು, ಆಗಿದ್ದೇನು?

ಬ್ರೆಜಿಲ್‌ನಲ್ಲಿ 90 ವರ್ಷದ ವೃದ್ದಯೊಬ್ಬರು ಸತ್ತು ಬದುಕಿರುವ ಘಟನೆಯೊಂದು ನಡೆದಿದೆ. ಬ್ರೆಜಿಲ್‌ನ ಆಸ್ಪತ್ರೆಯೊಂದರ ವೈದ್ಯರ ಎಡವಟ್ಟಿನಿಂದ 90ರ ವ್ಯಕ್ತಿ ಸಾವನ್ನಪ್ಪಿದ್ದಾರೆ ಎಂದು ಹೇಳಲಾಗಿತ್ತು. ಆತನ ಮೃತದೇಹವನ್ನು ಪ್ಲಾಸಿಕ್ಟ್​​​​ ಬ್ಯಾಗ್​​ನಲ್ಲಿ ಪ್ಯಾಕ್​​​ ಮಾಡಿ, ಶವಗಾರಕ್ಕೆ ಕಳುಹಿಸಲಾಗಿದೆ. ಶವಗಾರದಲ್ಲಿರುವ ಸಿಬ್ಬಂದಿ ಈ ಮೃತ ದೇಹವನ್ನು ಕೂಲ್​​​ ಮಾಡಲು ತೆಗೆದುಕೊಂಡು ಹೋಗಲು ಬಂದಿದ್ದಾರೆ. ಈ ವೇಳೆ ವ್ಯಕ್ತಿ ಉಸಿರಾಡುವುದನ್ನು ಕಂಡು ಬೆಚ್ಚಿಬಿದ್ದಿದ್ದಾರೆ. ಈ ಬಗ್ಗೆ ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ. ಈ 90 ವರ್ಷದ ವ್ಯಕ್ತಿ ಶುಕ್ರವಾರ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಲಿವರ್ ಸಮಸ್ಯೆಯಿಂದ ಬಳಲುತ್ತಿದ್ದ ಈ ವ್ಯಕ್ತಿ ಶುಕ್ರುವಾರ ಬೆಳಿಗ್ಗೆ ಆಸ್ಪತ್ರೆಗೆ ಬಂದಿದ್ದಾರೆ. ಇದರ ನಂತರ ಆ ವ್ಯಕ್ತಿಯ ಜತೆಗೆ ಆತನ ಪತ್ನಿ ಮಾತನಾಡಿದ್ದಾರೆ. ಆದರೆ ಅದೇ ದಿನ ರಾತ್ರಿ ವ್ಯಕ್ತಿ ಸಾವನ್ನಪ್ಪಿದ್ದಾರೆ ಎಂದು ಆಸ್ಪತ್ರೆ ವೈದ್ಯರು ಹೇಳಿದ್ದಾರೆ.

ರಾತ್ರಿ 11:40ಕ್ಕೆ ಮಹಿಳೆಗೆ ಮರಣ ಪ್ರಮಾಣಪತ್ರವನ್ನು ಆಸ್ಪತ್ರೆ ನೀಡಿದೆ. ಈ ವರದಿಯಲ್ಲಿ ಆತ ಮೂತ್ರನಾಳದ ಸೋಂಕಿನಿಂದ ಬಳಲುತ್ತಿದ್ದರು ಹೇಳಲಾಗಿದೆ. ಸಾವನ್ನಪ್ಪಿದ್ದ ನಂತರ ಆ ವ್ಯಕ್ತಿಯ ಮನೆಯವರಿಗೆ ಆತನ ಮುಖ ನೋಡಲು ಸಹ ಬಿಡದೆ. ತರಾತುರಿಯಲ್ಲಿ ಆತನ ದೇಹವನ್ನು ಶವಗಾರಕ್ಕೆ ಕಳುಹಿಸಲಾಗಿದೆ. ನಂತರ ಸ್ಮಶಾನದ ಸಿಬ್ಬಂದಿ 1:30 ರ ಸುಮಾರಿಗೆ ದೇಹವನ್ನು ಸಂಗ್ರಹ ಮಾಡಲು ಶವಗಾರಕ್ಕೆ ಬಂದಿದ್ದಾರೆ. ಈ ವೇಳೆ ಪ್ಯಾಸ್ಲಿಕ್​​​​ ಒಳಗೆ ಇದ್ದ ದೇಹವನ್ನು ಹೊರಗೆ ತೆಗೆದಾಗ ದೇಹ ಬಿಸಿಯಾಗಿರುವುದನ್ನು ಕಂಡು ಸ್ಮಶಾನದ ಸಿಬ್ಬಂದಿ ಬೆಚ್ಚಿಬಿದ್ದಿದ್ದಾರೆ. ನಂತರ ಶವವನ್ನು ಮತ್ತೆ ಕೂಲ್​​​ಗೆ ಹಾಕಿದಾಗ, ದೇಹ ನಿಧಾನವಾಗಿ ಉಸಿರಾಡಲು ಶುರು ಮಾಡಿದೆ. ತಕ್ಷಣ ಈ ಬಗ್ಗೆ ಸ್ಮಶಾನ ಸಿಬ್ಬಂದಿ ವೈದ್ಯರಿಗೆ ತಿಳಿಸಿದ್ದಾರೆ.

ಇದನ್ನೂ ಓದಿ: ಹಲ್ಲಿನ ಚಿಕಿತ್ಸೆ ಪಡೆದ ಯುವ ನಟಿಗೆ ಇಂಥ ದುಸ್ಥಿತಿ; ವೈದ್ಯರ ಎಡವಟ್ಟಿನಿಂದ ಮುಖ ವಿರೂಪ

ವೈದ್ಯರು ಪರೀಕ್ಷೆ ನಡೆಸಿದ್ದಾರೆ. ಆದರೆ ಚಿಕಿತ್ಸೆ ಫಲಕಾರಿಯಾಗದೇ 90 ವರ್ಷದ ವ್ಯಕ್ತಿ ಸೋಮವಾರದ ಮೃತಪಟ್ಟಿದ್ದಾರೆ ಎಂದು ಹೇಳಿದ್ದಾರೆ. ಇದೀಗ ಈ ಪ್ರಕರಣದ ಬಗ್ಗೆ ಪ್ರತಿಕ್ರಿಯಿಸಿದ ಆತನ ಪತ್ನಿ Ms ಜೆಸ್ಸಿಕಾ ನನ್ನ ಪತಿಯನ್ನು ಪ್ಯಾಸ್ಟಿಕ್​​​​ನ ಒಳಗೆ ಹಾಕಿ ಉಸಿರುಗಟ್ಟಿಸಿ ಕೊಲ್ಲಲಾಗಿದೆ ಎಂದು ಆರೋಪಿಸಿದ್ದಾರೆ. ಅವರು ಅನ್ಯಾರೋಗದಿಂದ ಬಳಲುತ್ತಿದ್ದ ಸಮಯದಲ್ಲಿ ಅವರ ಆರೋಗ್ಯದ ಬಗ್ಗೆ ಯಾವುದೇ ಅಪ್ಡೇಟ್​​ನ್ನು ವೈದ್ಯರು ನೀಡುತ್ತಿರಲಿಲ್ಲ ಎಂದು ಹೇಳಿದ್ದಾರೆ.

ನನ್ನ ಪತಿ ಸಾವಿನ ಸಂಬಂಧಿಸಿದಂತೆ ಎರಡು ಮರಣ ಪ್ರಮಾಣ ಪತ್ರ ನೀಡಿದ್ದಾರೆ. ಇದರ ಬಗ್ಗೆ ಆಸ್ಪತ್ರೆ ವೈದ್ಯರು ನಮಗೆ ಉತ್ತರ ನೀಡಬೇಕು. ಇದೀಗ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ Ms ಜೆಸ್ಸಿಕಾ ಅವರ ಆರೋಗ್ಯ ಇಲಾಖೆಗೆ ದೂರು ನೀಡಿದ್ದಾರೆ. ರಾಜ್ಯ ಆರೋಗ್ಯ ಇಲಾಖೆ ಈ ಬಗ್ಗೆ ಈಗಾಗಲೇ ತನಿಖೆ ನಡೆಸುತ್ತಿದೆ.

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 12:53 pm, Sat, 2 December 23